Le 31:6 - Sơ̆p Hlabơar Nơ̆r 'Bok Kei-Dei

⁶ Inh kư̆m krao Ôhôliap kon drŏ-nglo Ahisamak, đơ̆ng adrĕch adrung Đan jing bơngai tơgŭm sư. Inh kư̆m ăn bơih đei đon tơchĕng wă kơ gơh hơgei jang lăm tôm tơdrong jang. Inh kư̆m krao bơngai plơ̆ng wă kơ lu sư gơh pơm đĭ-đăng tơdrong jang mă inh đei pơkă khan kơ ih.

Le 31:6 ပူးပေါင်းရင်းမြစ်များ

I Pot 3:12

'Nâu, Inh ăn tơdrong ih apinh, ăn kơ ih hlôh wao gơh hơgei, dĭng mah lu bơngai adrol kơ ih ưh kơ đei bu hơtŏ kơ ih păng lu bơngai đơ̆ng rŏng kơ ih kư̆m ưh kơ đei bu dang ih.

Le 28:3

Ih athei lu bơngai gơh tanh sĭt hơgei, bơngai mă Inh ăn kơ lu sư gơh hơgei kơ pơm, wă kơ lu sư sĭt ăn kơ Arôn ao, wă kơ sư hrŭk năr đe pôk sư jing 'bok soi, wă kơ sư bơ̆jang kơ Inh.

Le 31:5

chraih kuer tơmo, chraih hơkôih 'long, chrek chhơ̆.

Le 35:10

Lăm lu iĕm dôm lu bơngai gơh hơgei noh, iĕm athei năm jang dôm tơdrong mă Kră Yang đei bơtho khan:

Le 35:34

Kră Yang ăn kơ sư đei đon hơgei gơh bơtho pơhrăm păng kư̆m ăn kơ Ôhôliap kon drŏ-nglo Ahisamak đơ̆ng adrĕch adrung Đan hai.

Le 35:35

Kră Yang sư ăn kơ 'bar 'nu bre noh 'bĕnh blai tơdrong gơh hơgei, jang tôm tơdrong gơh sĭt, gơh reng gơh tanh brai jơk, 'brê gôh, 'brê hơhĭm, che 'bui brai se; păng pơm lơ tơdrong chă đon hơgei dôm tơdrong jang.

Le 35:4

Môis khan kơ đĭ-đăng lu bơngai Isơrael, 'nâu dôm nơ̆r Kră Yang tơtă khan boih.

Le 36:8

Đĭ-đăng lu bơngai hơgei gơh jang pơm Bơsŭn Anih Akŭm iŏk mơjĭt blah che 'bui tanh păng brai se, brai jơk, 'brê gôh, 'brê hơhĭm, đei rup chêrubim, 'lơ̆ng dêh.

Le 38:23

Bơngai tơgŭm sư Ôhôliap kon drŏ-nglo Ahisamak, đơ̆ng adrĕch adrung Đan. Bơngai jang chrek, gơh chhơ̆ tơchĕng pơm dôm tơmam păng gơh tanh brai jơk 'brê gôh, 'brê hơhĭm păng brai se.

Le 6:26

'Nâu boih adrĕch, Arôn păng Môis, wă khan bơngai mă Kră Yang bơtho khan: Athei chông anhăk kon pơlei Isơrael lĕch đơ̆ng dêh Êyiptơ.

Luka 10:1

Đơ̆ng noh Kră Yang Yêsu rơih tơpơh-jĭt 'nu bơngai, na wơh lu sư chă năm bơtho rim pơlei 'bơ'bar 'nu hơdrol kơ Yêsu wă năm.

Jang 13:2

Minh năr ei, lu sư ơ̆t kơ por, yua kơ sư wă krao khan kơ 'Bok Kei-Dei. Na Yang Bơhngol 'Lơ̆ng khan kơ lu sư: “Iĕm ăn kơ Inh bre 'Barna'ba păng Sôl wă kơ bre sư gơh jang kiơ̆ kơ Inh ăn kơ bre sư.”

Ya 1:5

Tơ̆ng đei lăm lu iĕm bơngai bu ưh tam gan hlôh tơdrong 'Bok Kei-Dei, bơngai noh athei apinh 'Bok Kei-Dei ăn kơ sư hlôh. Na 'Bok Kei-Dei gô ăn kơ sư hlôh tơpă, yua kơ 'Bok Kei-Dei hơlăng dêh, Sư ưh kơ kret ôh kơ lu bơngai mă apinh Sư păng Sư huay kơ hil kơ lu bơngai mă apinh Sư noh.