Le 31:2 - Sơ̆p Hlabơar Nơ̆r 'Bok Kei-Dei

² Âu inh krao bơih Bêsalel kon drŏ-nglo Uri, sâu Hur, đơ̆ng adrĕch adrung Juđa.

Le 31:2 ပူးပေါင်းရင်းမြစ်များ

I Pot 7:14

Hiram minh 'nu kon drŏ-nglo, mĕ sư bơngai drŏ-kăn adro đơ̆ng lăm adrĕch Neptali, 'bă sư sơ̆ đơ̆ng bơngai Tirơ, 'bă sư pơm bơ̆jang hling đak kong, Huram sư kư̆m minh 'nu bơngai gơh hơgei thoi 'bă sư sơ̆ bơ̆jang hling đak kong, sư năm truh tơ pơtao Sôlômôn, sư jang ăn kơ pơtao Sôlômôn.

II Ho 1:5

Gah chơnang soi păng kong mă Bêsalel, kon drŏ-nglo Uri, sâu Hur pơm boih dan 'bơ̆t anăp Bơsŭn Anih Akŭm Kră Yang; Sôlômôn hăm lu tơpôl akŭm chă Kră Yang tơ noh.

Le 17:10

Jôsuê pơm hloi thoi nơ̆r Môis khan kơ sư, tơblah hăm kon pơlei Amalek; na Môis, Arôn păng Hur tŏk tơ kơpal groi kơjung.

Le 33:12

Môis khan kơ Kră Yang: Ih đei khan bơih kơ inh thoi âu: Ih athei chông ba lu kon pơlei pơla âu năm, mă-lei Ih ưh kơ ăn inh băt ôh bơngai bu Ih wơh năm hơdai păng inh. Ih khan: Inh băt kơ ih, băt anăn ih păng ih đei tơdrong mơnat boih 'bơ̆t anăp Inh!

Le 33:17

Kră Yang khan kơ Môis: Inh gô pơm thoi ih đei apinh Inh noh, yua kơ ih đei tơdrong mơnat bơih 'bơ̆t anăp Inh, Inh băt kơ ih; păng băt kơ anăn ih.

Le 35:30

Môis khan kơ kon pơlei pơla Isơrael: Ăn kơ lu iĕm băt Kră Yang krao boih anăn Bêsalel kon drŏ-nglo Uri, Sâu Hur, đơ̆ng adrĕch adrung Juđa,

Le 36:1

Bêsalel, Ôhôliap hăm đĭ-đăng bơngai mă Kră Yang ăn boih tơdrong tơchĕng đei đon hlôh wao gơh hơgei kơ pơm tôm tơdrong jang lăm anih rơgoh 'lơ̆ng, lu sư bơ̆jang dôm tơdrong kiơ̆ thoi Kră Yang đei pơkă khan boih:

Le 37:1

Bêsalel pơm hom tơdrong pơgơ̆p hăm 'long keo; tor sư 'bar hơgăt minh puăt, wơ̆l sư minh hơgăt minh puăt kơjung sư minh hơgăt minh puăt.a

Le 38:22

Bêsalel kon drŏ-nglo Uri sâu Hur đơ̆ng adrĕch adrung Juđa, pơm pơkeh đĭ tôm dôm tơdrong kiơ̆ thoi Kră Yang đei pơkă boih.

Le 38:23

Bơngai tơgŭm sư Ôhôliap kon drŏ-nglo Ahisamak, đơ̆ng adrĕch adrung Đan. Bơngai jang chrek, gơh chhơ̆ tơchĕng pơm dôm tơmam păng gơh tanh brai jơk 'brê gôh, 'brê hơhĭm păng brai se.

Yo 3:27

Yôhan khan kơ lu sư thoi âu: “Ưh kơ đei bu gơh pơm tơdrong kiơ dah 'Bok Kei-Dei ưh kơ ăn kơ sư.