Le 31:18 - Sơ̆p Hlabơar Nơ̆r 'Bok Kei-Dei

¹⁸ Lăp Kră Yang khan kơ Môis tơ kơpal kông Sinai, đang bơih sư ăn hloi 'bar tŏ gơ'bang tơdrong pơgơ̆p pơm păng tơmo blat đơ̆ng hơnglâu ti Kră Yang 'Bok Kei-Dei chih.

Le 31:18 ပူးပေါင်းရင်းမြစ်များ

II Pot 11:12

Jêhôiada chông hloi kon tơdăm pơtao noh lĕch, pơyơ̆l ăn kơ sư môk pơtao, păng ăn kơ sư sơ̆p hla bơar tơdrong juăt. Thoi noh đe pôk sư pơm pơtao, tuh đak 'bâu phu kơpal kơ̆l sư, păng đĭ-đăng lu đe ei tap ti ôr jreo, khan: “Pơtao arih ling-lang khŏm khŏm.”

Le 24:12

Kră Yang khan kơ Môis: Tŏk bĕ tơ Inh tơ kơpal kông păng gô tơ noh; Inh gô ăn kơ ih tơmo lat, chih răk khôi juăt păng nơ̆r tơtă wă bơtho kon pơlei pơla,

Le 24:18

Môis mơ̆t tơ tŏk-bŏk hơmơ̆l, tŏk tơ kơpal kông, oei tơ noh lăm puăn-jĭt năr păng puăn-jĭt măng.

Le 8:19

Lu bơngai pơjâu khan kơ Pharaôn, 'Nâu boih hơnglâu ti Kră Yang 'Bok Kei-Dei; mă-lei Pharaôn oei arăng kơ̆l ưh kơ chu, ưh kơ mơ̆ng Môis păng Arôn thoi nơ̆r Kră Yang khan boih.

Je 31:33

“'Nâu mă nơ̆r Inh gô pơgơ̆p hăm adrĕch Isơrael đơ̆ng rŏng kơ năr noh kơnh,” Kră Yang khan. “Inh gô 'măn tơdrong juăt Inh tơ lăm kơ̆l 'ngok lu sư; păng chih tơdrong juăt Inh tơ lăm jơhngơ̆m lu sư. Inh Kră Yang 'Bok Kei-Dei lu sư na lu sư jing kon pơlei pơla Inh.”

Mathiơ 12:28

Mă tơpă đơ̆ng Yang Bơhngol 'Lơ̆ng 'Bok Kei-Dei ăn kơ Inh, na Inh gơh pơpuh yang kơnê̆. Thoi noh na iĕm 'bôh ră 'Bok Kei-Dei wă pơgơ̆r tơ ala teh âu boih, mă-lei iĕm ưh kơ băt ôh.

Luka 11:20

Mă tơpă đơ̆ng 'Bok Kei-Dei ăn kơ Inh, na Inh gơh pơpuh yang kơnê̆. Thoi noh na iĕm 'bôh ră 'Bok Kei-Dei wă pơgơ̆r tơ ala teh âu boih, mă-lei iĕm ưh kơ băt ôh.

II Kor 3:3

Iĕm dang kơthơ Yêsu Krist mă nhôn chih. Mă-lei ưh kơ sĭ chih păng đak mơ̆k ôh. Yang Bơhngol 'Lơ̆ng 'Bok Kei-Dei mă arih ling-lang Sư chih tơgŭm nhôn mă ưh kơ sĭ chih tơ tơmo lat thoi tơdrong 'Bok Kei-Dei pơkă hơdrol sơ̆ ôh, Sư chih tơ'băk tơ lăm jơhngơ̆m đon iĕm.

Both 10:4

Kră Yang sư chih tơ kơpal 'bar hlak tơmo noh nơ̆r sư đei chih thoi adrol ki, mă mơjĭt Khôi juăt tơtă mă Kră Yang pơma kơ lu iĕm đơ̆ng lăm ŭnh tơ kơpal kông, lăm năr iĕm akŭm. Đơ̆ng noh Kră Yang pơjao ăn tơmo lat kơ inh.

Both 4:13

Sư roi ăn kơ lu iĕm băt tơdrong Sư pơgơ̆p nơ̆r Sư tơtă wă kơ lu iĕm athei pơm kiơ̆, thoi mơjĭt nơ̆r tơtă, Sư chih tơ kơpal 'bar hlak tơmo lat.

Both 5:22

Tơ kơpal kông, đơ̆ng tŏk-bŏk ŭnh, đơ̆ng lăm hơmơ̆l păng đơ̆ng lăm măng mu, đei nơ̆r re kơtang; Kră Yang khan dôm lu nơ̆r âu ăn kơ đĭ-đăng lu iĕm, Sư ưh kơ đei thim ôh; Sư chih dôm lu nơ̆r noh tơ kơpal 'bar hlak tơmo lat na jao ăn kơ inh.

Hêbrơ 9:4

Lăm noh đei chơnang soi maih đe tơ̆k ŭnh soh pơgang 'bâu phu. Lăm noh kư̆m đei minh pôm hom tih đe kư̆m hling păng maih mơ̆n. Lơ̆m hom noh đe tah tơmo lat chih tơdrong 'Bok Kei-Dei pơkă kơ kon bơngai, tah kơlăm maih wă mong 'bĕng mana mă huŏng đơ̆ng plĕnh sơ̆, hăm tah 'long jra 'bok Arôn mă chăt pơkao.