Le 31:17 - Sơ̆p Hlabơar Nơ̆r 'Bok Kei-Dei

¹⁷ Tơdrong noh jing tơdrong tơdra Inh hăm kon pơlei Isơrael ling-lang khŏm khŏm, yua kơ Kră Yang pơjing kơ plĕnh teh păng tôm tơmam lăm tơdrâu năr. Truh năr tơpơh sư pơdơh.

Le 31:17 ပူးပေါင်းရင်းမြစ်များ

Bl 1:31

Kră Yang 'Bok Kei-Dei 'bôh dôm tơdrong đơ̆ng Sư pơjing 'lơ̆ng tơpă. Đơ̆ng noh đei kơsơ̆ păng pơgê noh năr mă tơdrâu.

Jop 38:7

Kơplah sơnglŏng wŏng-tar hơri hơdai. Păng lu kon drŏ-nglo Kră Yang 'Bok Kei-Dei ôr jreo chơt hiôk.

Horiso 104:31

Hơpơi kơ tơdrong ư-ang Kră Yang oei oei ling-lang; Hơpơi kơ Kră Yang hiôk chơt kơ tơdrong jang Sư.

Le 20:11

yua kơ lăm tơdrâu năr Kră Yang đei pơjing plĕnh, teh, đak dơsĭ păng đĭ-đăng tơmam tơ lăm noh, năr tơpơh sư pơdơh: Na Kră Yang sơkat ăn pŭn hiôk kơ năr tơpơh wă 'măn pơm năr giĕng 'lơ̆ng rơgoh.

Le 31:13

Khan bĕ kơ kon pơlei Isơrael, lu iĕm athei 'blŏk wei răk năr Sa'bat Inh, yua kơ tơdrong noh jơ̆ tơdrong tơdra tŏk-bŏk Inh hăm iĕm ling-lang đĭ jơhnơr, wă kơ iĕm băt Inh bơih Kră Yang, pơm ăn kơ iĕm jơ̆ rơgoh 'lơ̆ng.

Le 31:16

Thoi noh, lu kon pơlei Isơrael gô wei răk năr Sa'bat, pơyom kơ năr Sa'bat lăm rim jơhnơr lu sư, jing tơdrong pơgơ̆p pơkă ling-lang khŏm khŏm.

Êsai 58:13

“Tơdah iĕm wei răk huay kơ pơm yoch lăm năr pơdơh Sa'bat. Ưh kơ pơm dôm tơdrong iĕm 'maih wă lăm năr rơgoh Inh. Tơdah iĕm lăng năr pơdơh Sa'bat jơ̆ năr hiôk chơt, lăng năr rơgoh Kră Yang jơ̆ trŏ kơ pơyom; tơdah iĕm pơyom gĭt năr noh ưh kơ đei pơm kiơ̆ trong iĕm kơdih, ưh pă pơm kiơ̆ đon iĕm kơdih 'maih wă păng ưh pă pơma nơ̆r mơ̆ng kơ wăn.

Je 32:41

Na jơhngơ̆m Inh hiôk ăn kơ lu sư pŭn hiôk, hăm đĭ tơdrong tơpăt lăm jơhngơ̆m Inh wă pơtăm lu sư lăm teh đak âu.”

Êsêkiên 20:12

Inh ăn boih kơ lu sư năr giĕng Sa'bat wă pơm tơdra tŏk-bŏk lu sư hăm Inh, wă kơ lu sư băt Inh boih Kră Yang pơm kơ lu sư rơgoh.

Êsêkiên 20:20

Wei răk bĕ lu năr Sa'bat Inh 'lơ̆ng rơgoh, wă kơ sư jing tơdra tŏk-bŏk Inh hăm lu iĕm, wă kơ lu iĕm băt Inh boih Kră Yang 'Bok Kei-Dei lu iĕm.

Hêbrơ 4:10

Bơngai bu pơdơh hăm 'Bok Kei-Dei, bơngai noh sư pơdơh kơ tơdrong jang Sư, thoi 'Bok Kei-Dei pơdơh kơ tơdrong jang Sư sơ̆.