1 Kră Yang khan kơ Môis.
Môis krao akŭm đĭ-đăng kon pơlei pơla Isơrael na khan kơ lu sư: 'Nâu dôm tơdrong Kră Yang bơtho khan athei lu iĕm wei răk pơm kiơ̆.
Lăm lu iĕm dôm lu bơngai gơh hơgei noh, iĕm athei năm jang dôm tơdrong mă Kră Yang đei bơtho khan:
Môis khan kơ kon pơlei pơla Isơrael: Ăn kơ lu iĕm băt Kră Yang krao boih anăn Bêsalel kon drŏ-nglo Uri, Sâu Hur, đơ̆ng adrĕch adrung Juđa,
Bêsalel, Ôhôliap hăm đĭ-đăng bơngai mă Kră Yang ăn boih tơdrong tơchĕng đei đon hlôh wao gơh hơgei kơ pơm tôm tơdrong jang lăm anih rơgoh 'lơ̆ng, lu sư bơ̆jang dôm tơdrong kiơ̆ thoi Kră Yang đei pơkă khan boih:
Bêsalel kon drŏ-nglo Uri sâu Hur đơ̆ng adrĕch adrung Juđa, pơm pơkeh đĭ tôm dôm tơdrong kiơ̆ thoi Kră Yang đei pơkă boih.
Tơdrong jang lu kon sư noh wei-lăng Hom Tơdrong Pơgơ̆p, gơ'bang, jơ̆ng ŭnh kơđeng, chơnang soi păng lu tơmam yua lăm anih rơgoh wă yua lăm tơdrong akŭm kơkuh hăm che pĕng gom păng dôm tơdrong 'bơm lăm tơdrong jang 'noh.
