Le 30:7 - Sơ̆p Hlabơar Nơ̆r 'Bok Kei-Dei

⁷ Rim til pơgê, kơplah Arôn tơ̆k hơmet ŭnh kơđeng, sư gô soh tơmam 'bâu phu tơ anih 'noh.

Le 30:7 ပူးပေါင်းရင်းမြစ်များ

I Ho 23:13

Kon drŏ-nglo Amram noh: Arôn păng Môis; Arôn păng kon sâu sư klah asong băl, wă pơyơ̆r lu tơmam soi 'lơ̆ng rơgoh păng ling-lang pơyơ̆r tơmam soi ăn kơ Kră Yang, bơ̆jang 'bơ̆t anăp Kră Yang hăm yua anăn Kră Yang sơkat ăn pŭn hiôk kơ kon pơlei pơla ling-lang.

I Ho 6:34

Samuel kon drŏ-nglo Êlkana, Êlkana kon drŏ-nglo Jêrôham, Jêrôham kon drŏ-nglo Êliel, Êliel kon drŏ-nglo Tôa,

II Ho 2:3

Sôlômôn gơih nơ̆r kơ Hiram pơtao dêh Tirơ khan: “Ih đei tơgŭm bơih 'bă inh, Đawit, ăn boih, 'long hơngo wă pơm hnam pơtao sư; apinh ih kư̆m tơgŭm inh thoi noh.

II Ho 2:4

Dang ei inh wă pơm hnam kơ Anăn Kră Yang 'Bok Kei-Dei inh, wă 'măn lê̆ Hnam noh kơ Sư, wă soh 'long 'bâu phu 'bơ̆t anăp Sư, dan 'bĕng rơgoh ling-lang, pơyơ̆r tơmam soi 'buh kiơ̆ pơgê păng gah kơsơ̆, păng lăm năr Sa'bat, năr Khei Tơ'bang blŭng-a Khei Tơ'bang, păng lăm lu năr giĕng Kră Yang 'Bok Kei-Dei nhôn; noh bơih minh tơdrong pơkă kơ lu bơngai Isơrael athei kiơ̆ ling-lang hloi.

II Ho 26:18

Lu sư găn pơma kơ pơtao Usia: “Ơ pơtao Usia, ih ưh kơ trŏ gơh soh ôh tơmam 'bâu phu ăn kơ Kră Yang, 'nâu tơdrong jang lu 'bok soi pơm, lu kon sâu Arôn, đei 'măn lê̆ lu sư phara rơgoh wă kơ lu sư soh tơmam 'bâu phu. Lĕch bĕ đơ̆ng lăm anih rơgoh 'nâu, ih pơm yoch boih, yua kơ ih pơm 'nâu ih ưh pă đei ư-ang đơ̆ng Kră Yang boih.”

II Ho 29:7

Lu sư kư̆m chĭt lê̆ 'măng kơdeng, tơpăt lê̆ ŭnh kơđeng, ưh pă soh tơmam 'bâu phu păng ưh pă pơyơ̆r tơmam soi 'buh tơ anih rơgoh Kră Yang Isơrael.

Horiso 141:2

Ăn kơ nơ̆r inh krao khan thoi tơmam 'bâu phu 'bơ̆t anăp Ih. Ăn kơ tơdrong inh yơ̆r ti thoi tơmam soi drơ̆m kơsơ̆!

Le 30:34

Kră Yang khan kơ Môis: Ih athei iŏk dôm tơmam 'bâu phu wă khan chai 'long hold, kơđoh hmok ka Ônichae, chai 'long Phrankincensef, chai 'long Galbuniumg, đĭ-đăng lu sư iŏk dôm ăi.h

Le 30:6

Ih gô ming chơnang soi 'noh gah anăp che pĕng găn jê̆ hom tơdrong pơgơ̆p păng tơnglơ̆p tơdrong 'mêm mơnat đơ̆p kơpal Hom anih Inh gô tơ'bơ̆p ih.

Le 30:8

Kơplah til kơsơ̆ măng, Arôn kư̆m tơ̆k ŭnh kơđeng, kư̆m gô soh tơmam 'bâu phu; tơmam 'bâu phu 'nâu athei soh pơyơ̆r kơ Kră Yang ling-lang, truh lăm rim jơhnơr.

Le 40:27

Kơpal chơnang noh, sư soh tơmam 'bâu phu kiơ̆ thoi nơ̆r Kră Yang đei pơkă kơ Môis.

Lêwi 6:5

Dah tơmam đêl sư pơkăm pơkă hơlĕnh, sư athei pơdrâu mă tôm 'blep. Đơ̆ng noh sư athei 'mong dơ̆ng minh lăm pơđăm, kiơ̆ kơ tơdrong gĭt sư, ăn kơ tơ'ngla tơmam noh lăm năr mă sư pơyơ̆r tơmam soi huai đơ̆ng yoch sư pơm.

Jo 16:40

Noh boih tơmam wă tơ'blŏk hơdơ̆r ăn kơ bơngai Isơrael, wă ưh kơ đei bu 'nguaih kơ kon sâu Arôn mă gơh năm jê̆ soh pơyơ̆r pơgang 'bâu phu 'bơ̆t anăp Kră Yang, hli kơnh kư̆m rok thoi Kôrê păng lu bơngai kiơ̆ hơdai sư, kiơ̆ thoi nơ̆r Kră Yang đei khan ăn boih kơ Môis.

Jo 7:56

minh hlak pơnhan maih trăp mơjĭt seikơl, 'bĕnh kơ pơgang 'bâu phu;

Luka 1:9

Na lu 'bok soi juăt kơ pơpơn dih băl wă kơ băt bu gơh mơ̆t lăm hnam 'Bok Kei-Dei tơm noh soh 'long pơgang 'bâu phu yua wă kơkuh kơ 'Bok Kei-Dei. Na năr ei đe pơpơn dih băl na trŏ kơ 'bok Sachari gơh mơ̆t soh.

Jang 6:4

Na nhôn krao khan păng bơtho tơdrong 'Bok Kei-Dei đĕch.”

Both 33:10

Sư bơtho nơ̆r tơtă Kră Yang ăn kơ adrĕch Jakôp. Păng khôi juăt Kră Yang ăn kơ bơngai Isơrael Sư soh pơyơ̆r 'long 'bâu phu 'bơ̆t anăp Kră Yang. Pơyơ̆r tơmam soi 'buh tơ kơpal chơnang soi.

I Sam 2:28

Inh đei rơih iŏk 'bok sư bơih 'bok ih đơ̆ng lăm adrĕch bơngai Isơrael ăn kơ sư pơm 'bok soi Inh, tŏk tơ chơnang soi Inh, soh pơgang 'bâu phu, hrŭk ao Êphôt 'bơ̆t anăp Inh; Inh kư̆m ăn bơih kơ adrĕch ih dôm tơmam soi 'buh đơ̆ng adrĕch lu bơngai Isơrael.

I Sam 3:3

Ŭnh kơđeng Kră Yang 'Bok Kei-Dei ưh tam mă păt, Samuel 'bĭch tep lăm hnam akŭm Kră Yang tơ anih đe dan hom pơgơ̆p Kră Yang 'Bok Kei-Dei.