Le 30:36 - Sơ̆p Hlabơar Nơ̆r 'Bok Kei-Dei

³⁶ Athei peh sư jing tơpŭng hĕch, na prôi sư 'bơ̆t anăp kơ Hom pơgơ̆p lăm Bơsŭn Anih Akŭm anih mă Inh gô tơ'bơ̆p ih. Pơgang 'bâu phu âu rơgoh hloh.

Le 30:36 ပူးပေါင်းရင်းမြစ်များ

Le 16:34

Kiơ̆ thoi Kră Yang tơtă kơ Môis, Arôn pơdơ̆ng get 'noh 'bơ̆t anăp hom tơdrong pơgơ̆p.

Le 25:22

Inh gô tơ'bơ̆p ih tơ noh, tơ kơpal tơnglơ̆p tơdrong 'mêm mơnat sơlam 'bar tŏ rup chêrubim, tơ kơpal hom tơdrong pơgơ̆p noh Inh gô bơtho tơ'bôh kơ ih dôm tơdrong tơtă kơ lu bơngai Isơrael.

Le 27:21

Lăm tơdrong jang tơ 'nguaih kơ che pĕng găn 'bơ̆t anăp hom tah khôi juăt lăm Bơsŭn Anih Akŭm, 'bok Arôn hăm dôm lu kon drŏ-nglo sư gô wei hơmet ŭnh kơđeng, 'bơ̆t anăp Kră Yang wă kơ khơ̆ng ling-lang đơ̆ng măng truh 'năr hơdah, 'noh jing minh tơdrong juăt ling-lang ăn kơ adrĕch adrung Isơrael athei wei răk lăm đĭ-đăng jơhnơr.

Le 30:35

Ih ăn kơ bơngai gơh pơm pơgang 'bâu phu, gô pơm jing pơgang bâu phu 'lơ̆ng. 'Nâu pơgang 'bâu phu 'lơ̆ng, đei 'boh, tŏ sĕt păng ling rơgoh 'lơ̆ng.

Le 30:6

Ih gô ming chơnang soi 'noh gah anăp che pĕng găn jê̆ hom tơdrong pơgơ̆p păng tơnglơ̆p tơdrong 'mêm mơnat đơ̆p kơpal Hom anih Inh gô tơ'bơ̆p ih.

Lêwi 16:2

Kră Yang khan kơ Môis thoi âu: Khan bĕ kơ Arôn 'nhŏng ih 'nĕ kơ mơ̆t ling-lang tơ anih 'lơ̆ng rơgoh tơ lăm kơ che đe pĕng 'bơ̆t anăp tơnglơ̆p mơnat ăn 'măn tơ kơpal kơ hom tơdrong pơgơ̆p, kơnh hli kơ sư lôch, yua kơ Inh gô oei lăm hơmơ̆l tơ'bôh tơ anih mơnat ăn.