Le 30:33 - Sơ̆p Hlabơar Nơ̆r 'Bok Kei-Dei

³³ Tơdah bơngai bu pơm rok pơgang 'bâu phu nhen thoi noh na tuh hling tơ minh bơngai nai, đe gô puh jăk đơ̆ng kon pơlei pơla sư.

Le 30:33 ပူးပေါင်းရင်းမြစ်များ

Bl 17:14

Rim 'nu drŏ-nglo mă ưh kơ chu kăt tơdra sĕch akar sư kơdih, gô tơlĕch lê̆ sư đơ̆ng khŭl adrĕch sư; bơngai noh sư sơngah kơ nơ̆r Inh pơgơ̆p pơkă.”

Le 12:15

Lăm tơpơh năr athei sa 'bĕng ưh kơ đei 'buih pông Lăm năr blŭng-a, athei iŏk hŭt lê̆ 'buih đơ̆ng lăm hnam lu iĕm; tơdah bơngai bu sa 'bĕng đei păng 'buih pông đơ̆ng năr blŭng-a mă truh tơ năr tơpơh, lei đe gô puh tơweh bơngai 'noh đơ̆ng lu bơngai Isơrael.

Le 12:19

Lăm tơpơh năr 'nĕ ăn đei 'buih pông tơ hnam lu iĕm; yua kơ bơngai bu, bơngai dêh iĕm, tơdah bơngai tơmoi bu sa 'bĕng đei 'buih pông gô puh tơweh sư đơ̆ng bơngai Isơrael.

Le 29:33

Lu sư gô sa lu tơmam soi noh, tơmam pơklaih đơ̆ng tơdrong yoch, păng lu sư đei pôk jing 'bok soi păng 'măn lê̆ lu sư rơgoh; mă-lei lu bơngai nai ưh kơ gơh sa ôh, yua kơ dôm tơmam 'noh tơmam rơgoh.

Le 30:34

Kră Yang khan kơ Môis: Ih athei iŏk dôm tơmam 'bâu phu wă khan chai 'long hold, kơđoh hmok ka Ônichae, chai 'long Phrankincensef, chai 'long Galbuniumg, đĭ-đăng lu sư iŏk dôm ăi.h

Le 30:38

Tơdah bơngai bu pơm nhen thoi noh wă yua kơdih akâu 'bâu phu, đe gô puh tơweh lê̆ sư đơ̆ng kon pơlei Isơrael.

Le 31:14

Thoi noh, lu iĕm athei bơwei năr Sa'bat yua kơ năr noh jing năr 'lơ̆ng rơgoh ăn kơ lu iĕm. Bơngai bu pơm pơ'mê̆ kơ năr noh, đe gô pơlôch sư; hăm bơngai bu jang minh tơdrong kiơ lăm năr noh, đe gô pơpuh tơweh lê̆ sư.

Lêwi 17:10

Tơdah bơngai bu mă đơ̆ng lăm adrĕch Isơrael, dah bơngai tơmoi oei hăm sư, sa pham kiơ bưh, lei Inh gô iung hil mĭl kơ bơngai sa pham noh, Inh gô puh tơhiong lê̆ sư đơ̆ng bơngai Isơrael sư.

Lêwi 17:14

Yua kơ tơdrong arih đĭ-đăng lu kon sem brem lăm pham ngăl, yua kơ thoi noh na Inh khan boih kơ đĭ-đăng kon pơlei Isơrael, lu iĕm ưh kơ gơh sa pham dôm lu kon sem brem, yua kơ tơdrong arih lu sem brem noh jơ̆ lăm pham sư, bu sa đe gô puh tơweh lê̆ sư.

Lêwi 17:4

na ưh kơ dui ba tơ 'măng Bơsŭn Anih Akŭm, wă pơyơ̆r kơ Kră Yang 'bơ̆t anăp Bơsŭn Anih Akŭm kơkuh kơ Kră Yang, pham noh gô tuh tơpŭ tơdrong yoch kơ bơngai drŏ-nglo noh; sư 'bet tuh pham bơih; đe gô tơlĕch sư đơ̆ng kon pơlei Isơrael.

Lêwi 17:9

na ưh kơ chĕp ba tơ 'măng Bơsŭn Anih Akŭm wă pơyơ̆r kơ Kră Yang, lei bơngai noh đe gô puh tơweh sư đơ̆ng kon pơlei Isơrael.

Lêwi 18:29

Yua kơ adrĕch bu pơm minh lăm dôm lu tơdrong kơnê̆ mă Inh areh noh, đe gô puh tơweh sư lĕch đơ̆ng kon pơlei lu sư.

Lêwi 19:8

Bu sa tơmam soi thoi noh gô pŭ iŏk tơdrong yoch sư kơdih, yua kơ sư pơm 'mê̆-'mach kơ tơmam rơgoh 'lơ̆ng Kră Yang bơngai noh; đe gô puh tơlĕch đơ̆ng kon pơlei pơla sư.

Lêwi 20:17

Tơdah minh 'nu bơngai drŏ-nglo, iŏk mŏ dah oh sư kơdih minh pôm 'bă, na mĕ phara dah pôm mĕ na 'bă pha, na sư ngôi kư̆ kă, noh jing tơdrong kơnê̆ pơm kư̆ kă đe gô puh tơlĕch sư đơ̆ng anăp kon pơlei lu sư, bơngai pơm kơnê̆, pơ'brơh kơ mŏ oh sư, sư gô pŭ iŏk tơdrong glăi kơnê̆ sư.

Lêwi 20:18

Tơdah bơngai drŏ-nglo 'bĭch hăm bơngai drŏ-kăn kơplah oei 'bôh jơ̆ng; bơngai drŏ-nglo pơm kơ pham bơngai drŏ-kăn lĕch, na bơngai drŏ-kăn tơlĕch pham sư kơdih, 'bar 'nu sư noh, đe gô puh tơlĕch weh đơ̆ng kon pơlei lu sư.

Lêwi 20:3

Inh kơdih gô hil mĭl kơ bơngai noh păng pơtôch lê̆ sư đơ̆ng kon pơlei pơla sư, yua kơ sư jao kon hơ'lơ̆p sư kơ yang Mơlŏk, pơm kơ anih 'lơ̆ng rơgoh Inh jing kơnê̆ 'mê̆-'mach păng pơ'mê̆ kơ anăn 'lơ̆ng rơgoh Inh.

Lêwi 22:3

Khan bĕ kơ lu sư. Tơdah đei bu lăm lu kon sâu iĕm lăm đĭ chăl arih lu iĕm năm jê̆ lu tơmam 'lơ̆ng rơgoh mă kon pơlei Isơrael pơyơ̆r 'măn lê̆ kơ Kră Yang, na bơngai noh sư đei tơdrong kơnê̆ 'mê̆-'mach, đe gô puh tơlĕch sư weh đơ̆ng anăp Inh, Inh boih Kră Yang.

Lêwi 23:29

Lăm năr noh bu mă ưh kơ hơdrĭ kơ jơhngơ̆m pơmat akâu sư kơdih đe gô puh tơlĕch sư đơ̆ng kon pơlei pơla sư.

Jo 15:30

Mă-lei tơdah đei bơngai bu, kon pơlei Isơrael dah lu bơngai tơpŭ lăm char 'nâu, pơrơ̆ng pơm yoch, kuă kơ chu Kră Yang; bơngai noh gô tơlĕch sư đơ̆ng adrĕch kon pơlei sư kơdih,

Jo 15:31

yua kơ sư kuă kơ mơ̆ng kiơ̆ nơ̆r Kră Yang păng pơm glăi kơ nơ̆r Kră Yang tơtă; bơngai noh ăn đe pơrăm lê̆ sư tơdrong yoch kơnê̆ sư pơm gô tuh kơ sư kơdih.

Jo 19:13

Bơngai bu mă hơtŭt 'bơm akâu bơngai lôch păng ưh kơ ôp sut sư rơgoh, gô pơm ăn kơ Bơsŭn Anih Akŭm Kră Yang 'mê̆-'mach. Bơngai noh đe gô pơpuh tơlĕch sư đơ̆ng lăm khŭl bơngai Isơrael; yua kơ đak ôp sut tơdrong 'mê̆-'mach ưh kơ đei tơtreh tơ akâu sư, lei na sư oei 'mê̆-'mach đĕch, tơdrong 'mê̆-'mach oei tơ lăm akâu sư.

Jo 19:20

Gah bơngai bu hơtŭt 'bơm 'mê̆ mă ưh kơ pơm hơmet kơdih akâu rơgoh, minh 'nu bơngai thoi noh đe gô puh tơweh tơlĕch sư đơ̆ng tơpôl kon pơlei, yua kơ sư pơm kơ hnam Kră Yang jing 'mê̆-'mach. Đak ôp sut tơdrong 'mê̆ ưh kơ đei tơtraih tơ akâu sư, sư noh đe jô̆ oei 'mê̆-'mach.

Jo 4:18

Athei wei pơm liơ 'nĕ ăn kơ adrĕch Kôhat lôch đơ̆ng lăm adrĕch bơngai Lêwi,

Jo 9:13

Mă-lei bơngai bu rơgoh păng ưh kơ đei năm tơ ataih, tơdah ưh kơ đei 'blŏk hơdơ̆r ôh kơ năr giĕng Năm Brih, đe gô puh tơweh lê̆ sư đơ̆ng kon pơlei pơla sư; yua kơ bơngai noh ưh kơ đei pơyơ̆r tơmam soi kơ Kră Yang kiơ̆ thoi đei pơkă lê̆ năr boih, sư gô pŭ yoch kơdih.