Le 30:29 - Sơ̆p Hlabơar Nơ̆r 'Bok Kei-Dei

²⁹ Ih athei 'măn dôm tơmam 'nâu pha pơm tơdrong rơgoh, wă kơ pơm rơgoh hloh, wă kơ tơmam kiơ hơtŭt 'bơm tă kơ gơh rơgoh.

Le 30:29 ပူးပေါင်းရင်းမြစ်များ

Le 29:37

Lăm tơpơh năr ih athei soi sơmah huai đơ̆ng yoch păng pơm kơ chơnang soi rơgoh wă kơ chơnang soi jing rơgoh 'lơ̆ng hloh, tơdah tơmam kiơ hơtŭt 'bơm kơ chơnang soi kư̆m jing rơgoh 'lơ̆ng.

Le 30:28

chơnang soi pơyơ̆r 'buh hăm tơmam yua lăm noh, kơthŭng đak hăm jơ̆ng kơthŭng.

Le 30:30

Ih athei tuh hling đak pơgang 'bâu phu ăn kơ Arôn hăm lu kon drŏ-nglo sư, 'măn lu sư pha wă kơ rơgoh 'lơ̆ng, wă kơ pơm 'bok soi bơ̆jang kơ Inh.

Le 40:10

Đơ̆ng rŏng kơ noh ih pik đak rơmă 'bâu phu tơ chơnang soi 'buh pơyơ̆r păng dôm tơmam yua lăm chơnang soi; pơyơ̆r chơnang soi, na chơnang soi jing 'lơ̆ng rơgoh tơpă.

Lêwi 6:18

Rim 'nu kon drŏ-nglo Arôn gơh iŏk sa noh, jơ̆ tơdrong juăt pơtă ăn ling-lang kơ adrĕch adrung lu iĕm, đơ̆ng tơmam pơyơ̆r soh hăm ŭnh pơyơ̆r ăn kơ Kră Yang; bu hơtŭt 'bơm tơmam noh gô jing rơgoh.

Lêwi 8:10

Đơ̆ng noh, Môis iŏk pơgang 'bâu phu păng sư pik tơ Bơsŭn Anih Akŭm păng dôm tơmam lăm noh păng 'măn lê̆ pha jing tơmam rơgoh wă pơyơ̆r.

Lêwi 8:11

Sư tơdjoh pơgang 'bâu phu tơpơh wơ̆t tơ kơpal chơnang soi păng tơdjoh tơ lu tơmam wă yua lăm chơnang soi noh kơthŭng păng jơ̆ng sư 'măn lê̆ pha jing rơgoh wă pơyơ̆r.

Jo 7:1

Kơplah Môis pơdơ̆ng Bơsŭn Anih Akŭm đang boih, tuh đak rơmă păng 'măn lê̆ pha Bơsŭn Anih Akŭm dôm lu tơmam yua lăm noh, tuh đak rơmă tơ chơnang soi păng đĭ-đăng tơmam yua lăm chơnang soi noh đang boih,

Mathiơ 23:17

Ơ bơngai kơhlôh, thoi bơngai măt tol, lơliơ iĕm tơchĕng thoi noh? Hnam 'Bok Kei-Dei kăl hloh kơ maih. Maih yua kơ đe man tơ hnam 'Bok Kei-Dei đĕch na lăng nhen kăl.

Mathiơ 23:19

Ơ bơngai dang kơ măt tol, iĕm hăm băt chơnang 'măn tơmam soi kăl hloh kơ tơmam soi? Tơmam soi yua kơ 'măn kơpal chơnang soi noh đĕch na lăng thoi lĕ kăl.