Le 30:15 - Sơ̆p Hlabơar Nơ̆r 'Bok Kei-Dei

¹⁵ Kơplah iĕm pơyơ̆r tơmam 'nâu ăn kơ Kră Yang wă kơ huai tơdrong arih kơdih, lu bơngai mơdrŏng ưh kơ ăn pơhloh, kơ lu bơngai dơnuh kư̆m ưh kơ gơh ăn hơtuch kơ minh puăt seikơl mơ̆n.

Le 30:15 ပူးပေါင်းရင်းမြစ်များ

II Sam 21:3

Pơtao Đawit apinh bơngai Gibeôn: “Inh athei pơm kiơ kơ lu iĕm? Inh pơm thoi yơ gơh huai iŏk tơdrong đơ̆ng Sôl pơm yoch, wă kơ lu iĕm krao apinh Kră Yang ăn tơdrong pŭn hiôk kơ kon pơlei hăm lu tơmam Sư.”

Jop 34:19

Kră Yang ưh kơ pơư kơ lu bơngai pơgơ̆r, Kŭm ưh kơ lăng kơ bơngai mơdrŏng hloh kơ bơngai dơnuh; Yua kơ đĭ-đăng lu sư đơ̆ng tơpang ti Kră Yang pơjing ngăl.

Le 30:12

Layơ ih chih jô̆ tơmơ̆t kơsô̆ kơ̆l bơngai Isơrael, rim 'nu kơ lu sư athei ăn jên wă huai tơdrong arih kơdih ăn kơ Kră Yang wă huay kơ đei tơdrong jĭ apoh truh lăm kơplah ih oei chih tơmơ̆t jô̆ lu sư.

Le 30:14

Dôm lu anăn đei chih jô̆ tơ lăm sơ̆p hla bơar đơ̆ng 'bar-jĭt sơnăm tơ kơpal athei pơyơ̆r ăn kơ Kră Yang.

Le 30:16

Thoi noh ih ra iŏk jên wă kơ huai tơdrong arih lu bơngai Isơrael, na yua jên 'noh ih tơmơ̆t lăm tơdrong jang lăm Bơsŭn Anih Akŭm, 'noh jing tơmam 'blŏk hơdơ̆r kơ kon pơlei Isơrael pơyơ̆r ăn kơ Kră Yang, wă kơ gơh huai tơdrong arih kơdih akâu iĕm.

Le 38:26

Thoi noh lăm minh puăt seikơl đơ̆ng rim 'nu bơngai kiơ̆ kơ seikơl lăm anih rơgoh 'lơ̆ng. Đĭ-đăng bơngai drŏ-nglo đe jô̆ boih iŏk đơ̆ng 'bar-jĭt sơnăm tơ kơpal. Đei tơdrâu-hrĕng pêng-rơbâu, pơđăm-hrĕng pơđăm-jĭt 'nu drŏ-nglo.h

Tơdrông Pơđơk 22:2

Bơngai mơdrŏng bơngai dơnuh kư̆m lei-lăi. Bre sư đơ̆ng Kră Yang pơjing ngăl.

Êsêkiên 45:16

Đĭ-đăng kon pơlei lăm char gô ăn tơmam soi pơyơ̆r 'nâu ăn kơ yŏng pơgơ̆r Isơrael.

Lêwi 17:11

Yua kơ tơdrong ariha sĕch akar oei tơ lăm pham; Inh ăn boih kơ lu iĕm pham tơtraih tơ chơnang soi wă soi sơmah huai đơ̆ng yoch bơhngol lu iĕm; yua kơ pham jing tơdrong arih.

Jo 31:50

Rim 'nu lu nhôn chĕp ba maih mă đơ̆ng lu nhôn blah iŏk, rơbưn, kong, tơkhiĕn, le đon, kon kiơng, wă pơm tơmam pơyơ̆r ăn kơ Kră Yang wă huai đơ̆ng yoch 'bơ̆t anăp Sư.

Êphêsô 6:9

Ơ lu bơngai yŏng tơ'ngla wei lu bơngai đĭch, iĕm kư̆m pơm mă 'lơ̆ng kơ lu đĭch iĕm; mă sư ưh kơ chu 'nĕ kơ hil kơ sư dêh păng 'nĕ kơ tôn teh sư mơnat kơ sư mơ̆n. Mă iĕm bơngai yŏng tơ'ngla sư, mă sư bơngai đĭch iĕm, đĭ-đăng kơ bơ̆n đei minh 'nu Yŏng tih hloh kơ đĭ-đăng, Sư oei tơ kơpal plĕnh ti. Sư lăng đĭ-đăng bơngai lei-lăi đĕch ưh kơ đei phara kiơ ôh.

Kôlôsê 3:25

Bơngai bu ưh kơ chu, sư wă pơm kơnê̆, 'Bok Kei-Dei kư̆m pơm tơwih kơ sư mơ̆n, yua kơ 'Bok Kei-Dei lăng kon bơngai lei-lăi đĕch.