Le 29:37 - Sơ̆p Hlabơar Nơ̆r 'Bok Kei-Dei

³⁷ Lăm tơpơh năr ih athei soi sơmah huai đơ̆ng yoch păng pơm kơ chơnang soi rơgoh wă kơ chơnang soi jing rơgoh 'lơ̆ng hloh, tơdah tơmam kiơ hơtŭt 'bơm kơ chơnang soi kư̆m jing rơgoh 'lơ̆ng.

Le 29:37 ပူးပေါင်းရင်းမြစ်များ

Le 40:10

Đơ̆ng rŏng kơ noh ih pik đak rơmă 'bâu phu tơ chơnang soi 'buh pơyơ̆r păng dôm tơmam yua lăm chơnang soi; pơyơ̆r chơnang soi, na chơnang soi jing 'lơ̆ng rơgoh tơpă.

Mathiơ 23:19

Ơ bơngai dang kơ măt tol, iĕm hăm băt chơnang 'măn tơmam soi kăl hloh kơ tơmam soi? Tơmam soi yua kơ 'măn kơpal chơnang soi noh đĕch na lăng thoi lĕ kăl.

Mathiơ 23:17

Ơ bơngai kơhlôh, thoi bơngai măt tol, lơliơ iĕm tơchĕng thoi noh? Hnam 'Bok Kei-Dei kăl hloh kơ maih. Maih yua kơ đe man tơ hnam 'Bok Kei-Dei đĕch na lăng nhen kăl.

Da 9:24

Đei tơpơh-jĭt 'măng giĕng hơgăt kơ kon pơlei Ih hăm pơlei rơgoh tih Ih, wă găn tơdrong pơm glăi, hŭt lê̆ tơdrong yoch chhut rơgoh tơdrong kơnê̆ păng ba tơdrong tơpăt ling-lang hloi, wă pơsĭt anih tơdrong tơ'bôh păng nơ̆r khan lê̆ adrol păng tuh đak rơmă kơ Yang rơgoh hloh.

Lêwi 8:11

Sư tơdjoh pơgang 'bâu phu tơpơh wơ̆t tơ kơpal chơnang soi păng tơdjoh tơ lu tơmam wă yua lăm chơnang soi noh kơthŭng păng jơ̆ng sư 'măn lê̆ pha jing rơgoh wă pơyơ̆r.

Lêwi 16:16

Thoi noh sư năm soi sơmah tơ lăm anih 'Lơ̆ng rơgoh yua kơ đơ̆ng tơdrong kơnê̆ 'mê̆-'mach, pơm glăi, yoch kon pơlei Isơrael na sư athei soi sơmah huai đơ̆ng tơdrong yoch. Sư kư̆m soi sơmah huay đơ̆ng yoch kơ Bơsŭn Anih Akŭm, yua kơ anih akŭm oei tơ tŏk-bŏk tơdrong kơnê̆ 'mê̆-'mach lu sư.

Hagai 2:12

Tơdah đe 'nŭng 'nhĕm rơgoh lăm mum ao păng kơnhŏng ao sư 'bơm tơ 'bĕng, dah tơmam kiơ mă pai sĭn, đak sik, dah đak rơmă, dah tơmam sa kiơ, na dôm tơmam noh hăm pă rơgoh ưh?’ ” Lu 'bok soi tơl thoi âu. “Ưh.”

Lêwi 6:11

Đơ̆ng noh sư plôh lê̆ hơbĕn, na iŏk hrŭk hơbĕn ao nai chĕp ba tơnuh noh tơ 'nguaih tuh tơ minh anih rơgoh.

II Ho 7:9

Truh năr mă tơhngam, lu sư akŭm tih dêh, yua kơ lu sư pơm giĕng pơyơ̆r chơnang soi lăm tơpơh năr păng pơm giĕng hmă kư̆m tơpơh năr.

Êsêkiên 43:20

Ih iŏk bĕ pham pik tơ puăn tŏ hơke chơnang soi, tơ puăn pah mum păng tơ gơnăp jum dăr, wă kơ ôp rơgoh chơnang soi păng huai đơ̆ng yoch.

Êsêkiên 43:25

Lăm tơpơh năr, rim năr ih athei pơyơ̆r minh pôm bơbe tơno, wă huai đơ̆ng yoch; păng kư̆m pơyơ̆r minh pôm rơmo dăm, minh pôm triu tơno mă rôp đơ̆ng lu khŭl ưh kơ đei rơka.