Le 29:27 - Sơ̆p Hlabơar Nơ̆r 'Bok Kei-Dei

²⁷ Thoi noh ih athei iŏk 'nhĕm kơtơh păng blu kon triu tơno yua pơm tơmam soi tơpơng 'ma 'ngiĕo, pơm pơchĕp ăn jing 'bok soi kơ 'bok Arôn, hăm dôm lu kon drŏ-nglo sư, wă khan 'nhĕm kơtơh pơyơ̆r 'ma 'ngiĕo boih păng blu yua kơ noh jing tơmam soi pơyơ̆r.

Le 29:27 ပူးပေါင်းရင်းမြစ်များ

Le 29:26

Kŭm athei iŏk kơtơh triu tơno pơm yang pơchĕp ăn kơ Arôn, na tơpơng 'ma 'ngiĕo 'bơ̆t anăp Kră Yang, noh mă gah ih.

Le 29:28

Tơmam soi 'nâu, đơ̆ng bơngai Isơrael pơyơ̆r ăn kơ Arôn hăm lu kon drŏ-nglo sư sa 'nâu tơmam soi pơyơ̆r đơ̆ng lu bơngai Isơrael pơyơ̆r 'blŏk bơnê hiôk-hian, ăn kơ Kră Yang.

Lêwi 10:15

Lu sư gô chĕp ba blu kon sem dơrong soi pơyơ̆r hiŏng tơ kơpal păng sĕch kơtơh mă đei pơyơ̆r chro 'ma 'ngiĕo hăm lu rơmă sư, wă soi pơyơ̆r chro 'ma 'ngiĕo 'bơ̆t anăp Kră Yang, dôm tơmam noh đe 'măn bơih kơ ih păng lu kon drŏ-nglo ih, kiơ̆ kơ tơdrong juăt ling-lang, mă Kră Yang đei tơtă bơih.

Lêwi 7:30

Sư athei chĕp ba hăm ti sư kơdih tơmam soi yua 'buh hăm ŭnh ăn kơ Kră Yang; sư athei chĕp ba rơmă hăm sĕch kơtơh, sĕch kơtơh wă yua lăm tơmam pơyơ̆r chro to, âu 'bơ̆t anăp Kră Yang;

Lêwi 7:37

Noh jơ̆ tơdrong juăt gah tơmam soi 'buh, gah tơmam soi phe 'ba, gah tơmam soi huai đơ̆ng yoch păng hơch 'bơm pơm yoch, gah tơmam soi pôk tơdrong jang păng tơmam soi 'blŏk bơnê.

Lêwi 9:21

Arôn iŏk sĕch kơtơh păng blu 'ma pơm tơmam soi chro 'ma 'ngiĕo 'bơ̆t anăp Kră Yang thoi Môis tơtă.

Jo 18:11

Tơmam 'nâu kư̆m 'măn kơ ih. Tơmam ayơ mă bơngai Isơrael pơyơ̆r tơpơng 'ma 'ngiĕo, na 'nâu tơdrong juăt yua ling-lang ăn kơ ih păng lu kon drŏ-nglo kon drŏ-kăn ih. Bơngai mă 'lơ̆ng rơgoh oei lăm hnam ih gơh sa tơmam noh.

Jo 6:20

Na tơpơng 'ma 'ngiĕo 'bơ̆t anăp Kră Yang; noh jing tơmam rơgoh lê̆ kơ 'bok soi, kơtơh păng blu mă sư đei pơyơ̆r 'ma 'ngiĕo. Klaih kơ noh bơngai kiơ̆ khŭl Nasirit gơh huch sik hơmu.

Both 18:3

'Nâu boih mă tơmam 'măn kơ lu 'bok soi gơh iŏk yua mưh kon pơlei pơyơ̆r tơmam soi minh pôm, rơmo tơno dah triu akăn; minh pah hơngiĕng dah meng tơ'bong păng hlŭng klak.

Hêbrơ 7:28

Tơdrong juăt sơ̆ 'Bok Kei-Dei pôk kon bơngai pơm 'bok soi tih, pôk tă kơ lu kon bơngai bơ̆n rơdu tơrăn ngăl. Mă-lei đơ̆ng rŏng kơ 'Bok Kei-Dei ăn tơdrong juăt noh, 'Bok Kei-Dei pơkă kơjăp tơpă pôk Kon Sư kơdih pơm 'bok soi hloi, Kon Sư pơm tôm tơdrong 'blep trŏ ling-lang.

I Sam 9:24

'Bok pai gŏ ei iŏk 'nhĕm sĕch blu na dan 'bơ̆t anăp Sôl. Samuel khan: 'Nhĕm mă dan 'bơ̆t anăp ih sa bĕ; 'nâu mă 'nhĕm inh athei 'măn lê̆ pha wă ăn kơ ih sa năr 'nâu hơdai hăm lu bơngai mă inh krao wơ̆n. Lăm năr noh, Sôl sŏng sa hơdai hăm Samuel.