Le 29:25 - Sơ̆p Hlabơar Nơ̆r 'Bok Kei-Dei

²⁵ Klaih kơ noh ih athei iŏk đơ̆ng tơpang ti lu sư, athei ba soh tơ kơpal chơnang soi, tơ kơpal tơmam soi sơmah 'buh, wă kơ 'bâu phu 'bơ̆t anăp Kră Yang, 'noh jing tơmam soi yua soh lăm ŭnh ăn kơ Kră Yang.

Le 29:25 ပူးပေါင်းရင်းမြစ်များ

Bl 8:20

Nôê pơm minh pôm chơnang soi kơ Kră Yang 'Bok Kei-Dei. Sư rôp lu kon sem 'lơ̆ng rơgoh, hăm lu sem păr 'lơ̆ng rơgoh pơm tơmam soi 'buh pơyơ̆r tơ chơnang soi.

Bl 8:21

Kră Yang 'bâu phu păng tơchĕng khan: “Inh ưh pă hiap teh yua kơ kon bơngai dơ̆ng, yua kơ jơhngơ̆m kon bơngai yoch kơnê̆ tơpă đơ̆ng sơ̆, đơ̆ng oei 'lơ̆p.c Inh kư̆m ưh kơ wă pơrăm lu kon sem arih thoi Inh đei pơm.

Horiso 99:6

Lăm lu 'bok soi Sư, đei Môis păng Arôn; Lăm lu bơngai krao apinh hăm anăn Sư đei Samuel; Lu sư krao apinh Kră Yang păng Sư đei tơl tơwih.

Le 29:18

Na 'buh pơđĭ triu tơno noh tơ kơpal chơnang soi; 'noh jing tơmam soi 'buh, đei 'bâu phu pơyơ̆r kơ Kră Yang, wă khan tơmam soi 'buh păng ŭnh pơyơ̆r ăn kơ Kră Yang.

Le 29:24

na dan dôm tơmam 'noh tơ lăm tơpang ti Arôn păng tơ lăm, tơpang ti lu kon drŏ-nglo sư, na tơpơng 'ma 'ngiĕo, noh jing tơmam soi tơpơng 'ma 'ngiĕo 'bơ̆t anăp Kră Yang.

Le 29:41

Gah kon triu mă 'bar ih athei pơyơ̆r til kơsơ̆ măng hăm tơmam soi tơpŭng păng tơmam soi huch thoi lĕ til pơgê 'noh tơmam soi 'buh 'bâu phu pơyơ̆r kơ Kră Yang.

Lêwi 1:13

Mă-lei sư gô iŏk đak ôp klak păng tơkong. Đơ̆ng noh lu 'bok soi gô pơyơ̆r đĭ tơmam soi 'buh dan tơ kơpal chơnang soi noh pơm tơmam soi 'buh wă khan tơmam soi 'buh lăm ŭnh wă pơyơ̆r đei 'bâu phu 'lơ̆ng ăn kơ Kră Yang.

Lêwi 1:9

Mă-lei sư gô iŏk đak ôp klak păng tơkong. Đơ̆ng noh lu 'bok soi gô 'buh dan đĭ tơmam soi tơ kơpal chơnang soi, noh boih tơmam soi 'buh, wă khan tơmam soi 'buh lăm ŭnh sa wă pơyơ̆r đei 'bâu phu 'lơ̆ng ăn kơ Kră Yang.

Lêwi 10:13

Athei sa tơmam soi âu tơ anih 'lơ̆ng rơgoh hloh, yua kơ tơmam âu 'măn lê̆ kơ ih păng lu kon drŏ-nglo ih đơ̆ng tơmam soi ăn hăm ŭnh sa pơyơ̆r kơ Kră Yang, yua kơ Sư pơkă boih kơ inh.

Lêwi 2:11

Dôm tơmam soi pơyơ̆r hăm tơpŭng phe 'ba mă lu iĕm pơyơ̆r kơ Kră Yang 'nĕ kơ hrâu hăm 'buih pông; yua kơ iĕm ưh kơ soh 'buih pông hăm đak sut ôh lăm tơmam soi pơyơ̆r soh hăm ŭnh sa wă pơyơ̆r ăn kơ Kră Yang.

Lêwi 2:16

Đơ̆ng noh 'bok soi iŏk minh puăt lăm lu tơpŭng mă đei hrâu hăm đak rơmă ôliwơ păng tơmam 'bâu phu na soh. Wă pơm 'blŏk hơdơ̆r, noh jơ̆ tơmam soi phe 'ba hle soh lăm ŭnh pơyơ̆r ăn kơ Kră Yang.

Lêwi 2:2

Sư gô ba ăn kơ lu 'bok soi kon drŏ-nglo Arôn; lu 'bok soi gô chup iŏk minh kơđôp tơpŭng mă hrâu hăm đak rơmă ôliwơ noh păng hơdai hăm đĭ-đăng tơmam 'bâu phu sư; păng wă soh đĭ tơmam soi noh tơ kơpal chơnang soi, pơm 'blŏk hơdơ̆r minh tơdrong soi pơyơ̆r 'buh soh hăm ŭnh wă kơ 'bâu phu 'lơ̆ng ăn kơ Kră Yang.

Lêwi 2:9

'Bok soi sư gô iŏk tơmam soi wă pơyơ̆r noh pơm tơmam soi 'blŏk hơdơ̆r, soh tơ chơnang soi noh pơm tơmam soi soh hăm ŭnh sa đei 'bâu phu 'lơ̆ng ăn kơ Kră Yang.

Lêwi 3:11

Lu 'bok soi gô soh pơyơ̆r đĭ tơmam âu tơ chơnang soi, noh tơmam sa pơyơ̆r soh hăm ŭnh ăn kơ Kră Yang.

Lêwi 3:14

Sư gô pơyơ̆r pơm tơmam soi 'buh ŭnh sa ăn kơ Kră Yang, lu rơmă lom klak hăm đĭ-đăng rơmă klep tơ klak sư.

Lêwi 3:16

'Bok soi gô soh pơyơ̆r dôm tơmam noh tơ kơpal chơnang soi pơm tơmam sa pơyơ̆r soh hăm ŭnh, đei 'bâu phu đĭ-đăng rơmă noh jing tơmam 'Bok Kei-Dei ngăl.

Lêwi 3:3

Đơ̆ng tơmam pơyơ̆r 'blŏk bơnê 'nâu sư gô pơyơ̆r pơm tơmam soi yua hăm ŭnh na pơyơ̆r kơ Kră Yang lu rơmă, mă dôm klak păng lu rơmă dơwir klep tơ klak sư,

Lêwi 3:5

Lu kon drŏ-nglo Arôn gô 'buh pơyơ̆r dôm tơmam noh tơ kơpal chơnang soi tơ kơpal tơmam soi 'buh mă đei dan kơpal 'long ŭnh, ŭnh oei sa, noh jơ̆ tơmam soi ăn ŭnh sa 'bâu phu ăn kơ Kră Yang.

Lêwi 3:9

Đơ̆ng tơmam soi pơyơ̆r 'blŏk bơnê noh, sư athei soi 'buh pơyơ̆r kơ Kră Yang: Rơmă, kiĕng chơ̆ng iŏk 'bơ̆t kơting chơđui, đĭ-đăng lu rơmă lom klak.

Lêwi 7:25

bơngai bu sa rơmă lu kon sem brem yua 'buh hăm ŭnh sa pơyơ̆r kơ Kră Yang, đe gô puh tơlĕch sư đơ̆ng lăm kon pơlei sư kơdih.

Lêwi 7:5

'Bok soi gô 'buh pơyơ̆r đĭ tơ chơnang soi, noh pơm tơmam soi 'buh ŭnh sa pơyơ̆r kơ Kră Yang jơ̆ tơmam soi huai đơ̆ng yoch.

Lêwi 8:28

Môis iŏk hĭ tơmam noh đơ̆ng ti lu sư, chĕp ba 'buh pơyơ̆r tơ kơpal chơnang soi dan hơdai kơpal tơmam soi 'buh, noh jing tơmam soi pôk tơdrong jang đei 'bâu phu 'lơ̆ng tơmam ăn ŭnh sa pơyơ̆r kơ Kră Yang.

Êphêsô 5:2

Păng bơ̆n athei băt 'mêm mơnat kơ bôl buăl, thoi Yêsu Krist 'mêm mơnat kơ bơ̆n mah ăn akâu Sư kơdih lôch tang bơ̆n. Sư pơyơ̆r akâu Sư kơ 'Bok Kei-Dei jur lôch tang bơ̆n tơ 'long pơglang kiơ̆ thoi 'Bok Kei-Dei lăp đon, thoi lu bơngai soi sơmah kơ 'Bok Kei-Dei lu sư pơyơ̆r dôm tơmam 'bâu phu.

I Sam 2:28

Inh đei rơih iŏk 'bok sư bơih 'bok ih đơ̆ng lăm adrĕch bơngai Isơrael ăn kơ sư pơm 'bok soi Inh, tŏk tơ chơnang soi Inh, soh pơgang 'bâu phu, hrŭk ao Êphôt 'bơ̆t anăp Inh; Inh kư̆m ăn bơih kơ adrĕch ih dôm tơmam soi 'buh đơ̆ng adrĕch lu bơngai Isơrael.