Le 29:24 - Sơ̆p Hlabơar Nơ̆r 'Bok Kei-Dei

²⁴ na dan dôm tơmam 'noh tơ lăm tơpang ti Arôn păng tơ lăm, tơpang ti lu kon drŏ-nglo sư, na tơpơng 'ma 'ngiĕo, noh jing tơmam soi tơpơng 'ma 'ngiĕo 'bơ̆t anăp Kră Yang.

Le 29:24 ပူးပေါင်းရင်းမြစ်များ

Le 29:23

Păng iŏk minh pôm 'bĕng, minh pôm 'bĕng hrâu hăm rơmă ôliwơ păng minh pôm 'bĕng klang đơ̆ng lăm bai 'bĕng ưh kơ đei 'buih pông 'măn lê̆ 'bơ̆t anăp Kră Yang;

Le 29:25

Klaih kơ noh ih athei iŏk đơ̆ng tơpang ti lu sư, athei ba soh tơ kơpal chơnang soi, tơ kơpal tơmam soi sơmah 'buh, wă kơ 'bâu phu 'bơ̆t anăp Kră Yang, 'noh jing tơmam soi yua soh lăm ŭnh ăn kơ Kră Yang.

Lêwi 10:14

Mă-lei sĕch kơtơh mă pơyơ̆r chro 'ma 'ngiĕo păng blu kon sem dơrong mă đei pơyơ̆r hiŏng tơ kơpal, na ih păng lu kon akăn ih athei sa tơ minh anih rơgoh yua kơ đe đei 'măn lê̆ kơ ih păng lu kon drŏ-nglo ih đơ̆ng lu tơmam pơyơ̆r 'blŏk bơnê đơ̆ng kon pơlei Isơrael.

Lêwi 23:11

Năr đơ̆ng rŏng hlôi kơ năr giĕng Sa'bat, 'bok soi gô pơyơ̆r hơchô̆ ba, ba 'ma 'ngiĕo 'bơ̆t anăp Kră Yang, wă kơ tơdrong pơyơ̆r hơchô̆ 'ba noh Kră Yang iŏk;

Lêwi 7:30

Sư athei chĕp ba hăm ti sư kơdih tơmam soi yua 'buh hăm ŭnh ăn kơ Kră Yang; sư athei chĕp ba rơmă hăm sĕch kơtơh, sĕch kơtơh wă yua lăm tơmam pơyơ̆r chro to, âu 'bơ̆t anăp Kră Yang;

Lêwi 8:27

Sư dan đĭ-đăng tơmam noh lăm ti Arôn păng lăm ti lu kon drŏ-nglo sư. Sư pơyơ̆r chro 'ma 'ngiĕo 'bơ̆t anăp Kră Yang.

Lêwi 9:21

Arôn iŏk sĕch kơtơh păng blu 'ma pơm tơmam soi chro 'ma 'ngiĕo 'bơ̆t anăp Kră Yang thoi Môis tơtă.

Jo 8:15

Đang kơ dôm tơdrong noh, lu bơngai Lêwi pha gô bơ̆jang lăm Bơsŭn Anih Akŭm. Na ih athei pơm ăn kơ lu sư rơgoh păng pơyơ̆r lu sư thoi tơmam soi pơyơ̆r tơpơng 'ma 'ngiĕo.