Le 29:22 - Sơ̆p Hlabơar Nơ̆r 'Bok Kei-Dei

²² Yua kơ kon triu tơno noh pơm yang pơchĕp ăn tơdrong jang, thoi noh ih athei iŏk rơmă; kiĕng, rơmă klak, mơ'nhao lom klơm, 'bar tŏ boh-lăn păng blu gah 'ma,

Le 29:22 ပူးပေါင်းရင်းမြစ်များ

Le 29:13

Ih athei iŏk đĭ-đăng dôm lu rơmă klak, mơ'nhao lom klơm, 'bar tŏ boh-lăn păng rơmă boh-lăn na anhăk năm 'buh tơ kơpal chơnang soi.

Le 29:21

Ih athei iŏk pham đơ̆ng kơpal chơnang soi păng rơmă pơgang 'bâu phu na tơtraih tơ kơpal akâu jăn păng hơbĕn ao Arôn, hăm tơ kơpal akâu păng hơbĕn ao lu kon drŏ-nglo sư, thoi noh Arôn hăm hơbĕn ao sư, lu kon drŏ-nglo sư hăm hơbĕn ao lu sư gô jing rơgoh 'lơ̆ng.

Le 29:23

Păng iŏk minh pôm 'bĕng, minh pôm 'bĕng hrâu hăm rơmă ôliwơ păng minh pôm 'bĕng klang đơ̆ng lăm bai 'bĕng ưh kơ đei 'buih pông 'măn lê̆ 'bơ̆t anăp Kră Yang;

Lêwi 10:14

Mă-lei sĕch kơtơh mă pơyơ̆r chro 'ma 'ngiĕo păng blu kon sem dơrong mă đei pơyơ̆r hiŏng tơ kơpal, na ih păng lu kon akăn ih athei sa tơ minh anih rơgoh yua kơ đe đei 'măn lê̆ kơ ih păng lu kon drŏ-nglo ih đơ̆ng lu tơmam pơyơ̆r 'blŏk bơnê đơ̆ng kon pơlei Isơrael.

Lêwi 14:12

Đơ̆ng noh 'bok soi gô rôp minh lăm 'bar tŏ kon triu tơno wă pơyơ̆r huai đơ̆ng tơdrong hơch 'bơm kơ pơm yoch, hăm đak rơmă ôliwơ, na ba pơm tơmam soi pơyơ̆r 'ma 'ngiĕo 'bơ̆t anăp Kră Yang.

Lêwi 3:9

Đơ̆ng tơmam soi pơyơ̆r 'blŏk bơnê noh, sư athei soi 'buh pơyơ̆r kơ Kră Yang: Rơmă, kiĕng chơ̆ng iŏk 'bơ̆t kơting chơđui, đĭ-đăng lu rơmă lom klak.

Lêwi 7:3

Păng đe pơyơ̆r đĭ tơmam kiĕng păng rơmă dôm klak mot sư,

Lêwi 7:37

Noh jơ̆ tơdrong juăt gah tơmam soi 'buh, gah tơmam soi phe 'ba, gah tơmam soi huai đơ̆ng yoch păng hơch 'bơm pơm yoch, gah tơmam soi pôk tơdrong jang păng tơmam soi 'blŏk bơnê.

Lêwi 9:19

Păng kư̆m chĕp ba kơ sư rơmă rơmo păng triu tơno, rơmă kiĕng, lu rơmă lom klak 'bar tŏ boh-lăn păng pơ'nhao lom klơm.

Lêwi 9:21

Arôn iŏk sĕch kơtơh păng blu 'ma pơm tơmam soi chro 'ma 'ngiĕo 'bơ̆t anăp Kră Yang thoi Môis tơtă.

Jo 18:18

'Nhĕm sĕch sư noh lê̆ kơ ih, thoi lu 'nhĕm sĕch đe pơyơ̆r tơpơng 'ma 'ngiĕo păng blu gah 'ma noh 'măn kơ ih.

I Sam 9:24

'Bok pai gŏ ei iŏk 'nhĕm sĕch blu na dan 'bơ̆t anăp Sôl. Samuel khan: 'Nhĕm mă dan 'bơ̆t anăp ih sa bĕ; 'nâu mă 'nhĕm inh athei 'măn lê̆ pha wă ăn kơ ih sa năr 'nâu hơdai hăm lu bơngai mă inh krao wơ̆n. Lăm năr noh, Sôl sŏng sa hơdai hăm Samuel.