Le 29:20 - Sơ̆p Hlabơar Nơ̆r 'Bok Kei-Dei

²⁰ klaih kơ noh pơlôch triu tơno 'noh iŏk pham pik tơ hla đon gah 'ma Arôn păng lu kon drŏ-nglo sư, tơ hơnglâu yŏng tơpang ti 'ma lu sư păng hơnglâu yŏng jơ̆ng; gah 'ma lu sư; pham oei rơkah noh săi tăp dăr chơnang soi.

Le 29:20 ပူးပေါင်းရင်းမြစ်များ

Le 29:19

Ih athei rôp kon triu tơno mă 'bar na Arôn hăm lu kon drŏ-nglo sư gô dan ti tơ kơpal kơ̆l triu tơno;

Le 29:21

Ih athei iŏk pham đơ̆ng kơpal chơnang soi păng rơmă pơgang 'bâu phu na tơtraih tơ kơpal akâu jăn păng hơbĕn ao Arôn, hăm tơ kơpal akâu păng hơbĕn ao lu kon drŏ-nglo sư, thoi noh Arôn hăm hơbĕn ao sư, lu kon drŏ-nglo sư hăm hơbĕn ao lu sư gô jing rơgoh 'lơ̆ng.

Êsai 50:5

Kră Yang Tih Hloh pơih đon inh, inh ưh pă kơchu, kư̆m ưh kơ đei kơdŭn.

Êsai 52:15

Thoi noh Sư gô pơm kơ lơ teh đak lăng hlĭch. Lu pơtao gô pơŏm 'bơ̆r yua kơ Sư; yua kơ lu sư 'bôh tơdrong ưh tam đei bơngai bu roi ăn kơ lu sư. Păng lu sư gô hlôh băt tơdrong lu sư tam mă kơtơ̆ng.

Lêwi 14:14

'Bok soi gô iŏk pham tơmam pơyơ̆r huai đơ̆ng tơdrong hơch 'bơm pơm yoch noh, na pik tơ đon gah 'ma bơngai mă wă kơ rơgoh, tơ hơnglâu yŏng ti gah 'ma păng hơnglâu yŏng jơ̆ng gah 'ma bơngai noh.

Lêwi 14:16

Djrŭ hơnglâu ti gah 'ma sư lăm đak rơmă ôliwơ tơ tơpang ti 'ngiĕo sư kơdih na tơtraih tơpơh wơ̆t 'bơ̆t anăp Kră Yang.

Lêwi 14:17

Đak rơmă oei oei lăm tơpang ti 'bok soi gô pik tơ hla đon gah 'ma, tơ hơnglâu yŏng ti 'ma păng hơnglâu yŏng jơ̆ng 'ma bơngai wă kơ rơgoh noh păng dan tơ kơpal pham tơmam soi pơyơ̆r huai đơ̆ng tơdrong hơch 'bơm pơm yoch.

Lêwi 14:25

Sư gô 'bet pơlôch kon triu pơm tơmam soi huai đơ̆ng hơch 'bơm pơm yoch; 'bok soi iŏk pham pik tơ hla đon gah 'ma bơngai mă wă kơ rơgoh tơ hơnglâu yŏng ti gah 'ma tơ hơnglâu yŏng jơ̆ng 'ma sư.

Lêwi 14:28

Păng pik tơ hla đon gah 'ma bơngai mă wă kơ rơgoh noh, tơ hơnglâu yŏng ti 'ma păng hơnglâu yŏng jơ̆ng 'ma sư. Tơ anih đe dan pham tơmam pơyơ̆r huai đơ̆ng tơdrong yoch hơch 'bơm.

Lêwi 14:7

'Bok soi athei tơtraih pham tơpơh wơ̆t tơ bơngai mă wă kơ goh kơ jĭ chin păng jô̆ sư 'lơ̆ng rơgoh, đơ̆ng noh achăng sem oei arih păr tơ chŭn mir.

Lêwi 16:19

Păng iŏk hơnglâu ti sư tơtraih pham tơpơh wơ̆t tơ chơnang soi, pơm kơ chơnang soi jing 'lơ̆ng rơgoh păng ôp lê̆ đơ̆ng tơdrong kơnê̆ 'mê̆-'mach kon pơlei Isơrael.

Lêwi 8:23

Môis pơlôch kon triu, iŏk pham pik tơ hla đon gah 'ma Arôn păng pik tơ hơnglâu yŏng ti 'ma, tơ hơnglâu yŏng jơ̆ng 'ma Arôn.

Lêwi 8:24

Môis kư̆m athei kon drŏ-nglo Arôn năm jê̆ păng kư̆m pik pham tơ hla đon gah 'ma lu sư, pik tơ hơnglâu yŏng ti 'ma lu sư pik tơ hơnglâu jơ̆ng 'ma lu sư; đơ̆ng noh Môis săi pham tăp dăr kơ chơnang soi.

Markôs 7:33

Yêsu anhăk bơngai klĭk ei đơ̆ng bơngai lơ tơ anih nai. Na Yêsu dan 'bơ̆t đon bơngai klĭk ei hơnglâu ti Sư kơdih păng Sư kơsoh đak hai 'bơ̆t ti Sư kơdih pik tơ hơpiĕt bơngai ei.

Hêbrơ 10:22

Thoi noh bĕ bơ̆n năm jê̆ 'Bok Kei-Dei. Bơ̆n athei iŏk đon tơpăt, lui kơ Sư sơng iŏk bơ̆n mă tơpă, na jơhngơ̆m bơ̆n huay kơ tơchĕng kơnê̆, yua kơ bơ̆n đei pham Yêsu soi kơ bơ̆n boih. Sư dang tơtreh pham Sư tơ lăm jơhngơ̆m bơ̆n, bơ̆n jing bơngai rơgoh 'lơ̆ng boih; păng pơthim kơ năr bơ̆n iŏk 'batem dang bơ̆n hum đak hlăng 'lơ̆ng tăm.

Hêbrơ 12:24

Bơ̆n gô năm truh tơ Yêsu tơ'ngla mă pơm 'long sơlam kơ bơ̆n kiơ̆ kơ tơdrong pơgơ̆p 'nao. Pham Sư pơklaih bơ̆n đơ̆ng tơdrong yoch. Pham Sư noh 'lơ̆ng hloh kơ pham Abel sơ̆ yua kơ pham Abel tơ'bôh kơ đe gah tơdrong pơm tơwih kơ 'nhŏng sư pơlôch sư đĕch.

I Pet 1:2

'Bă tơm bơ̆n 'Bok Kei-Dei băt kơ iĕm đơ̆ng blŭng-a sơ̆ boih, na Sư rơih iŏk iĕm jing kon Sư. Na Yang Bơhngol 'Lơ̆ng ăn kơ iĕm jing bơngai 'lơ̆ng tơpăt wă kơ iĕm lui yom kơ Yêsu Krist, na yua kơ pham Yêsu Krist iĕm klaih đơ̆ng tôm tơdrong yoch iĕm. Inh krao khan apinh Sư wei-lăng iĕm tôm tơdrong wă kơ Sư ăn kơ iĕm hiôk-hian ling-lang.