Le 29:18 - Sơ̆p Hlabơar Nơ̆r 'Bok Kei-Dei

¹⁸ Na 'buh pơđĭ triu tơno noh tơ kơpal chơnang soi; 'noh jing tơmam soi 'buh, đei 'bâu phu pơyơ̆r kơ Kră Yang, wă khan tơmam soi 'buh păng ŭnh pơyơ̆r ăn kơ Kră Yang.

Le 29:18 ပူးပေါင်းရင်းမြစ်များ

Bl 22:13

Abraham ngơk hue 'bôh đei minh pôm kon triu tơno tơ rŏng sư oei đom kơ hơmŭl 'long, na sư rôp iŏk triu 'noh 'buh pơm tơmam pơyơ̆r tơplih kơ kon sư.

Bl 22:2

Kră Yang 'Bok Kei-Dei khan thoi âu: “Rôp bĕ Isăk kon pôm ih mă 'mêm kơeng păng năm tơ tơring Môria, tơ anih noh ih pơyơ̆r kon ih pơm tơmam soi 'buh tơ minh anih kơpal kông to mă Inh gô tơ'bôh kơ ih.”

Bl 22:7

Isăk pơma hăm Abraham, 'bă sư, thoi âu: “Ơ 'bă!” 'Bă sư tơl: “Kiơ kon! ‘'Bă tơ âu.’ ” Isăk khan: “'Long ŭnh đei boih, ŭnh đei boih, mă-lei tơ yơ kon triu wă 'buh soi?”

Bl 8:20

Nôê pơm minh pôm chơnang soi kơ Kră Yang 'Bok Kei-Dei. Sư rôp lu kon sem 'lơ̆ng rơgoh, hăm lu sem păr 'lơ̆ng rơgoh pơm tơmam soi 'buh pơyơ̆r tơ chơnang soi.

Bl 8:21

Kră Yang 'bâu phu păng tơchĕng khan: “Inh ưh pă hiap teh yua kơ kon bơngai dơ̆ng, yua kơ jơhngơ̆m kon bơngai yoch kơnê̆ tơpă đơ̆ng sơ̆, đơ̆ng oei 'lơ̆p.c Inh kư̆m ưh kơ wă pơrăm lu kon sem arih thoi Inh đei pơm.

I Pot 18:38

Kơplah noh ŭnh đơ̆ng Kră Yang jruh soh sa tơmam soi 'buh, 'long ŭnh, tơmo, 'mui teh păng đak lăm hơbong 'noh hrơ̆ đĭ.

I Pot 3:4

Pơtao Sôlômôn năm truh tơ pơlei Gibeôn wă pơyơ̆r tơmam soi, yua kơ tơ anih soi kơpal groi kơjung mă kăl dêh. Tơ noh Sôlômôn pơyơ̆r minh-rơbâu tŏ tơmam soi 'buh tơ kơpal chơnang soi.

Horiso 50:8

Inh ưh kơ chrih ôh tơmam soi ih pơyơ̆r wă khan tơmam soi 'buh ih juăt pơyơ̆r 'bơ̆t anăp Inh.

Le 29:17

Đơ̆ng noh, kăt kơnăt triu tơno noh, ôp rơgoh, klak klơm păng jơ̆ng sư, na 'măn hơdai hăm lu kơnăt kăt boih păng kơ̆l sư;

Le 29:25

Klaih kơ noh ih athei iŏk đơ̆ng tơpang ti lu sư, athei ba soh tơ kơpal chơnang soi, tơ kơpal tơmam soi sơmah 'buh, wă kơ 'bâu phu 'bơ̆t anăp Kră Yang, 'noh jing tơmam soi yua soh lăm ŭnh ăn kơ Kră Yang.

Êsai 1:11

Kră Yang khan: “Hơdôm yơ tơmam mă iĕm soi sơmah hăm yua kiơ kơ Inh? Inh bơ̆l bơih dôm tơmam soi 'buh păng triu tơno hăm rơmă lu kon sem dơrong bek. Inh ưh kơ lăp đon ôh kơ pham rơmo tơno, triu kon păng bơbe tơno.

Je 6:20

Lu iĕm soh pơyơ̆r kơ Inh 'long 'bâu phu đơ̆ng char Seba, dah tơmam 'bâu phu đơ̆ng dêh ataih wă pơm kiơ? Inh ưh kơ iŏk ôh tơmam soi 'buh lu iĕm, tơmam soi mă iĕm pơyơ̆r kư̆m ưh kơ đei pơhiôk kơ Inh mơ̆n!”

Lêwi 1:17

Sư gô hek 'bar pah pơnăr, mă-lei lê̆ sư oei tơklep ưh kơ tơpleh. Đơ̆ng noh 'bok soi 'buh dan tơ kơpal chơnang soi, ŭnh sa oei khơ̆ng, noh tơmam soi 'buh, wă khan tơmam soi 'buh lăm ŭnh, wă pơyơ̆r đei 'bâu phu 'lơ̆ng ăn kơ Kră Yang.

Lêwi 1:9

Mă-lei sư gô iŏk đak ôp klak păng tơkong. Đơ̆ng noh lu 'bok soi gô 'buh dan đĭ tơmam soi tơ kơpal chơnang soi, noh boih tơmam soi 'buh, wă khan tơmam soi 'buh lăm ŭnh sa wă pơyơ̆r đei 'bâu phu 'lơ̆ng ăn kơ Kră Yang.

Lêwi 4:31

Đơ̆ng noh sư gô pleh lê̆ đĭ rơmă thoi pleh lu rơmă tơmam soi 'blŏk bơnê mơ̆n. 'Bok soi chĕp ba 'buh tơ chơnang soi jing tơmam soi pơyơ̆r 'bâu phu kơ Kră Yang, noh bơih 'bok soi gô pơm tơdrong sut rơgoh yoch sư, na bơngai noh Kră Yang gô mơnat ăn.

Lêwi 8:21

Đang kơ đe iŏk đak ôp klak mot, lu tơkong, đơ̆ng noh Môis iŏk đĭ akâu kon bơbe tơno 'buh pơyơ̆r tơ kơpal chơnang soi, noh pơm tơmam soi 'buh đei 'bâu phu yua 'buh hăm ŭnh wă pơyơ̆r kơ Kră Yang kiơ̆ thoi đei tơtă kơ Môis boih.

Lêwi 9:24

Ŭnh lĕch đơ̆ng anăp Kră Yang sa tơmam soi 'buh păng rơmă kơpal chơnang soi. 'Bơ̆t đĭ-đăng kon pơlei 'bôh tơdrong noh, wang chhôk jreo drap kŭp kơ̆l tơ teh.

Markôs 12:33

Dah bơ̆n 'mêm kơ Sư hăm đĭ jơhngơ̆m klơm klak bơ̆n, hăm đĭ đon bơ̆n tơchĕng păng băt 'mêm kơ bôl buăl thoi bơ̆n 'mêm akâu kơdih, dah bơ̆n răk 'bar tơdrong juăt 'noh lei 'lơ̆ng hloh kơ đĭ-đăng tơdrong bơ̆n soi sơmah kơ 'Bok Kei-Dei.”

Êphêsô 5:2

Păng bơ̆n athei băt 'mêm mơnat kơ bôl buăl, thoi Yêsu Krist 'mêm mơnat kơ bơ̆n mah ăn akâu Sư kơdih lôch tang bơ̆n. Sư pơyơ̆r akâu Sư kơ 'Bok Kei-Dei jur lôch tang bơ̆n tơ 'long pơglang kiơ̆ thoi 'Bok Kei-Dei lăp đon, thoi lu bơngai soi sơmah kơ 'Bok Kei-Dei lu sư pơyơ̆r dôm tơmam 'bâu phu.

Philip 4:18

Iĕm tơgŭm mơnat kơ inh tôm tơdrong tơmam tơpă. Iĕm wơh minh 'nu Êpaphôdit năm ba kơ inh tơmam noh, na dang ei inh đei tôm tơdrong tơmam rơkah rơkai boih đơ̆ng iĕm tơgŭm inh. Tơmam noh dang tơmam 'bâu phu đe pơyơ̆r kơ 'Bok Kei-Dei, na Sư lăp đon kơ iĕm tơpă.

I Sam 7:9

Samuel rôp minh pơm triu kon oei mŏm, pơyơ̆r pơm tơmam soi 'buh kơ Kră Yang. Sư krao khan apinh Kră Yang; Kră Yang tơl nơ̆r sư.