Le 29:12 - Sơ̆p Hlabơar Nơ̆r 'Bok Kei-Dei

¹² Ih iŏk pham rơmo dăm, djrŭ hơnglâu ti ih, pik tơ lu ake chơnang soi.

Le 29:12 ပူးပေါင်းရင်းမြစ်များ

Le 27:2

'Bơ̆t puăn pah mum chơnang soi ih pơm puăn tŏ ake hlôi tơ 'nguaih păng lom păng kong.

Le 29:11

Ih athei pơlôch rơmo dăm noh 'bơ̆t anăp Kră Yang; 'bơ̆t 'măng Bơsŭn Anih Akŭm.

Le 30:2

Chơnang să iĕ tŏ ăi, gah tor minh hơgăt, gah wơ̆l minh hơgăt păng kơjung 'bar hơgăt; chơnang soi pơm puăn tŏ ake kơtă hloi.a

Le 38:2

Sư pơm puăn pah mum chơnang soi đei pơm ake kơtă hloi, ake noh lom hăm kong. Đơ̆ng noh sư pơm dôm lu tơmam yua lăm chơnang soi noh păng kong;

Lêwi 16:14

Sư gô iŏk pham rơmo tơno noh, djrŭ hơnglâu ti sư tơtraih tơ tơnglơ̆p tơdrong mơnat ăn păng tơtraih tơpơh wơ̆t gah anăp tơnglơ̆p tơdrong mơnat ăn noh.

Lêwi 4:18

Đơ̆ng noh sư gô pik pham tơ lu ake chơnang soi lăm Bơsŭn Anih Akŭm 'bơ̆t anăp Kră Yang, đơ̆ng noh lu pham oei đei tuh đĭ tơ jơ̆ng chơnang soi tơmam soi pơyơ̆r 'buh dan tơ 'măng Bơsŭn Anih Akŭm.

Lêwi 4:25

'Bok soi gô iŏk pham sem dơrong pơm tơmam soi huai đơ̆ng yoch na tôt hơnglâu ti sư na pik tơ ake chơnang soi gah tơmam soi 'buh păng tuh pham mă oei đei tơ jơ̆ng chơnang soi 'buh.

Lêwi 4:30

'Bok soi gô tôt hơnglâu ti sư tơ lăm pham pik tơ lu ake chơnang soi tơmam soi 'buh păng tuh đĭ pham mă oei đei noh tơ jơ̆ng chơnang soi.

Lêwi 4:34

Đơ̆ng noh 'bok soi gô iŏk pham tơmam soi yua kơ tơdrong yoch, tôt hơnglâu ti sư lăm pham, pik tơ ake chơnang soi 'buh, pham mă oei đei noh tuh đĭ tơ jơ̆ng chơnang soi.

Lêwi 4:7

'Bok soi gô pik pham tơ kơpal lu ake chơnang soi tơmam 'bâu phu lăm Bơsŭn Anih Akŭm 'bơ̆t anăp Kră Yang păng tuh đĭ pham rơmo tơ jơ̆ng chơnang soi tơmam soi 'buh, dan tơ anăp 'măng mơ̆t tơ Bơsŭn Anih Akŭm.

Lêwi 5:9

Đơ̆ng noh sư tơtraih pham tơmam soi yua kơ yoch tơ cheng kơ chơnang soi, pham mă oei rơkah hling tơ ala jơ̆ng chơnang soi, noh bơih tơmam soi huai đơ̆ng yoch.

Lêwi 8:15

Môis pơlôch rơmo păng iŏk pham, yua hơnglâu ti sư pik pham noh tơ jum dăr ake chơnang soi wă kơ pơm kơ chơnang rơgoh; đơ̆ng noh tuh pham noh tơ jơ̆ng chơnang soi, thoi noh 'măn lê̆ chơnang soi rơgoh wă soi sơmah huai đơ̆ng yoch tơ noh.

Lêwi 9:9

Lu kon drŏ-nglo Arôn iŏk pham ba kơ sư, sư tôt hơnglâu ti sư tơ pham pik tơ lu ake chơnang soi, đơ̆ng noh tuh pham tơ jơ̆ng chơnang soi.

Hêbrơ 10:4

yua kơ lu sư gơnang kơ soi hăm pham rơmo pham bơbe khan klaih kơ tơdrong yoch. Thoi yơ pham rơmo pham bơbe gơh pơklaih tơdrong yoch? Pham noh ưh kơ gơh pơklaih minh tơdrong kiơ.

Hêbrơ 9:22

Kiơ̆ kơ tơdrong juăt sơ̆, dôm tơdrong rơgoh, tă rơgoh yua kơ pham. Tơ̆ng ưh kơ huach pham, ưh kơ gơh klaih đơ̆ng tơdrong yoch ôh.

Tơdrông Tơ'bôh 6:9

Lăp Kon Triu hek tơdra mă pơđăm, na inh 'bôh bơhngol lu bơngai lôch, lu sư oei tơ ala kơ chơnang soi lơlap lơlang. Lu bơngai noh sơ̆ đe pơlôch yua kơ lu sư ră roi tơdrong 'Bok Kei-Dei.