Le 28:38 - Sơ̆p Hlabơar Nơ̆r 'Bok Kei-Dei

³⁸ Plăk 'noh gô sĭt dan tơ kơpal klĕng Arôn; Arôn pŭ tơdrong yoch lu bơngai Isơrael pơm yoch kơplah lu sư pơyơ̆r tơmam soi 'lơ̆ng rơgoh; plăk 'noh gô pơklep tơ kơpal klĕng Arôn ling-lang wă Kră Yang lăp đon iŏk lu sư.

Le 28:38 ပူးပေါင်းရင်းမြစ်များ

Le 28:37

Klaih kơ noh iŏk minh dăng tơlei brai kŭi jơk sĭt pơklep 'bơ̆t anăp môk.

Le 28:43

Arôn hăm kon drŏ-nglo sư gô tah hơbĕn 'noh lăm kơplah lu sư mơ̆t tơ Bơsŭn Anih Akŭm dah năm jê̆ chơnang soi wă jang lăm anih rơgoh, kơnh hli kơ lu sư lôch yua kơ hang-hông, tơdrong noh jing tơdrong juăt kơ Arôn păng adrĕch adrung sư pơm ling-lang.

Êsai 53:6

Đĭ-đăng lu bơ̆n thoi triu jrok trong. Rim 'nu kiơ̆ trong kơdih: Lei na Kră Yang iŏk đĭ tơdrong yoch lu bơ̆n tơpŭ ăn kơ sư.

Êsai 56:7

Na Inh gô anhăk lu sư tŏk tơ kơpal kông rơgoh Inh ngăl, Ăn kơ lu sư hiôk chơt lăm hnam Inh krao khan. Tơmam soi 'buh păng tơmam soi nai lu sư pơyơ̆r, tơ kơpal chơnang soi Inh gô sơng iŏk; yua kơ hnam Inh gô krao hnam krao khan ăn kơ đĭ-đăng adrĕch adrung kon pơlei.

Êsai 60:7

Khŭl sem dơrong đơ̆ng dêh char kêdar gô akŭm tơ ih lu triu tơno dêh char Nêbaôt gô yua pơm tơmam soi pơyơ̆r, Inh gô iŏk tơdrong đe pơyơ̆r lu sư tơ kơpal chơnang soi Inh. Na Inh gô pơm kơ hnam ư-ang Inh rai ư-ang hloh.

Lêwi 1:4

Na bơngai pơyơ̆r sư dan ti sư tơ kơpal kơ̆l sem dơrong wă soi 'buh noh na kon sem noh gô jing tơmam soi pơklaih tơdrong yoch sư.

Lêwi 10:17

Liơ măr iĕm ưh kơ sa 'nhĕm tơmam soi huai đơ̆ng yoch tơ anih 'lơ̆ng rơgoh? Yua kơ noh jing tơmam 'lơ̆ng rơgoh hloh mă đe ăn boih kơ lu iĕm, wă kơ lu iĕm pŭ đĭ-đăng tơdrong yoch kon pơlei pơla păng soi sơmah huai đơ̆ng yoch ăn kơ lu sư 'bơ̆t anăp Kră Yang.

Lêwi 22:16

Bu sa tơmam rơgoh đêl pơyơ̆r thoi noh gô pŭ iŏk tơdrong sư hlôi pơm glăi, yua kơ Inh boih Kră Yang pơm kơ lu sư jing rơgoh 'lơ̆ng.

Lêwi 22:27

Tơdah, kon rơmo, kon triu, kon bơbe, đơ̆ng rŏng kơ sư tuh athei oei hơdai mĕ sư lăm tơpơh năr. Mă-lei ưh kơ hloh năr mă tơhngam ôh, iŏk đơ̆ng năr âu tơ anăp Inh gô iŏk sư jing tơmam pơyơ̆r soh hăm ŭnh ăn kơ Kră Yang.

Lêwi 22:9

Yua kơ noh na sư athei bơwei nơ̆r Inh pơkă, kơnh hli kơ lu sư pŭ tơdrong yoch păng lôch hloi yua kơ đei pơm dôm tơdrong Inh tơtă jing kơnê̆ 'mê̆-'mach, Inh boih Kră Yang pơm kơ sư jing rơgoh 'lơ̆ng.

Lêwi 23:11

Năr đơ̆ng rŏng hlôi kơ năr giĕng Sa'bat, 'bok soi gô pơyơ̆r hơchô̆ ba, ba 'ma 'ngiĕo 'bơ̆t anăp Kră Yang, wă kơ tơdrong pơyơ̆r hơchô̆ 'ba noh Kră Yang iŏk;

Jo 18:1

Kră Yang khan kơ Arôn: Ih, lu kon drŏ-nglo ih păng adrĕch adrung ih kư̆m gô pŭ iŏk lu tơdrong yoch lăm anih rơgoh; gah ih lu kon drŏ-nglo ih gô pŭ tơdrong yoch lăm tơdrong jang 'bok soi.

Yo 1:29

Năr đơ̆ng rŏng dơning dơ̆ng, Yôhan 'bôh Yêsu thar năm tơ sư, na Yôhan khan kơ đe: “Iĕm lăng bĕ, 'Bok to 'noh boih Kon Triu 'Bok Kei-Dei, 'Bok 'noh boih pơklaih yoch bơngai jơ̆p-jang kơ teh đak.

II Kor 5:21

Yêsu Krist ưh kơ đei tơdrong yoch kiơ, mă-lei 'Bok Kei-Dei athei Sư pŭ tơdrong yoch bơ̆n. Thoi noh na bơ̆n athei gơnang kơ Yêsu, na 'Bok Kei-Dei jô̆ kơ bơ̆n bơngai 'lơ̆ng hăm Sư.

Êphêsô 1:6

Sư wă kơ bơ̆n bơnê kơ Sư 'mêm kơ bơ̆n tơpă, Kon pôm kơdih mă ăn lôch thoi noh.

Hêbrơ 9:28

Kư̆m thoi noh Yêsu jur lôch minh 'măng noh sơ̆ wă pơrăm tôm tơdrong yoch hloi. Mă pă 'măng Sư jur Sư ưh pă pơrăm tơdrong yoch boih, Sư jur wă iŏk dôm lu bơngai mă oei chang gô Sư dang ei.

I Pet 2:24

Sư lôch pơmat tơ 'long pơglang yua kơ tơdrong yoch bơ̆n, wă kơ bơ̆n jing bơngai tơpăt, bơ̆n jing thoi bơngai lôch ưh kơ băt pơm tơdrong yoch kiơ, na bơ̆n iung arih jing bơngai 'nao pơm tôm tơdrong 'lơ̆ng. Sư chu iŏk tơdrong đe pơjĭ pơmat Sư wă kơ bơ̆n klaih 'lơ̆ng.

I Pet 2:5

Sư ăn kơ bơ̆n arih, na tơdrong arih lu bơ̆n kư̆m thoi lĕ kơ tơmo noh mơ̆n, bơ̆n thoi tơmo 'Bok Kei-Dei yua wă pơjing hnam Sư. Păng bơ̆n kư̆m thoi lu bơngai soi kơ 'Bok Kei-Dei sơ̆, lu sư pơyơ̆r kơ 'Bok Kei-Dei tơmam. Gah lu bơ̆n dang ei, bơ̆n gơnang kơ Yêsu Krist bơ̆n kư̆m pơyơ̆r kơ 'Bok Kei-Dei tơdrong mă Sư lăp đon mơ̆n.

I Pet 3:18

Yua kơ Yêsu Krist sơ̆ Sư kư̆m lôch pơmat yua kơ tơdrong yoch bơ̆n thoi noh mơ̆n wă kơ bơ̆n klaih đơ̆ng tơdrong yoch gơh oei hăm 'Bok Kei-Dei. Sư 'lơ̆ng dêh ưh kơ đei yoch kiơ, mă Sư lôch tang bơ̆n bơngai kơnê̆. Mă Sư lôch minh 'măng noh boih ưh pă layơ wă lôch dơ̆ng. Đe pơlôch akâu Sư, mă bơhngol Sư ưh kơ lôch ôh.