Le 28:36 - Sơ̆p Hlabơar Nơ̆r 'Bok Kei-Dei

³⁶ Ih athei pơm minh tŏ plăk maih rơgoh, ih athei chrek nhen thoi đe chrek pơm tơmam tơdra kơtĭt: Pơyơ̆r kơ Kră Yang.

Le 28:36 ပူးပေါင်းရင်းမြစ်များ

I Ho 23:13

Kon drŏ-nglo Amram noh: Arôn păng Môis; Arôn păng kon sâu sư klah asong băl, wă pơyơ̆r lu tơmam soi 'lơ̆ng rơgoh păng ling-lang pơyơ̆r tơmam soi ăn kơ Kră Yang, bơ̆jang 'bơ̆t anăp Kră Yang hăm yua anăn Kră Yang sơkat ăn pŭn hiôk kơ kon pơlei pơla ling-lang.

Horiso 93:5

Ơ Kră Yang, dôm tơdrong Ih tơtă kơjăp sĭt; Hnam Ih 'lơ̆ng rơgoh tơpă truh tơ ning-mônh hloi.

Le 19:6

Gah lu iĕm jing teh đak 'bok soi păng adrĕch adrung kon pơlei 'lơ̆ng rơgoh Inh, noh boih nơ̆r ih gô pơma hăm kon pơlei Isơrael.

Le 28:11

Athei chrek anăn lu kon drŏ-nglo Isơrael tơ 'bar hlak tơmo rang 'noh nhen thoi bơngai chrek tơ tơmam tơdra kơtĭt păng hling maih tơter jih tơmo noh.

Le 28:35

Arôn pơm 'bok soi tơm, gô hrŭk ao 'noh păng kơplah sư mơ̆t lăm anih rơgoh 'bơ̆t anăp Kră Yang păng kơplah sư lĕch đơ̆ng anih noh na đe gô kơtơ̆ng krĕng-nĕng re păng băt noh Arôn huay kơ lôch.

Le 28:37

Klaih kơ noh iŏk minh dăng tơlei brai kŭi jơk sĭt pơklep 'bơ̆t anăp môk.

Le 28:9

Ih athei iŏk 'bar tŏ tơmo gĭt păng chrek chhơ̆ tơ noh anăn lu kon drŏ-nglo Isơrael.

Le 29:6

Ih pơyơ̆l ăn môk tơ kơ̆l sư na pơklep plăk 'lơ̆ng rơgoh tơ môk,

Le 39:27

Lu sư tanh ao tai păng brai 'bui se ăn kơ Arôn hăm lu kon drŏ-nglo sư;

Le 39:30

Lu sư pơm plăk iĕ pơklep tơ mu rơgoh 'lơ̆ng hăm maih rơgoh. Lu sư chrek tơ noh thoi đe chrek pơm tơdra kơtĭt: Rơgoh 'Lơ̆ng Ăn Kơ Kră Yang.

Le 39:31

Lu sư chô̆ plăk ei hăm minh dăng tơlei kŭi jơk, wă chô̆ plăk 'bơ̆t anăp mu, kiơ̆ thoi Kră Yang đei tơtă boih kơ Môis.

Êsai 23:18

Mă-lei mŭk tơmam sư đei lơi yua noh gô klah 'măn kơ Kră Yang, sư ưh kơ đei mong dah tah 'măn ôn lê̆ ôh, yua kơ tơmam đei lơi noh gô yua lăm tơmam sa, ao hrŭk 'lơ̆ng kơ lu bơngai oei 'bơ̆t anăp Kră Yang.

Êsêkiên 43:12

Âu khôi juăt gah hnam akŭm: Đĭ-đăng anih tăp dăr kơ kơpal kông, noh anih 'lơ̆ng rơgoh. Noh boih khôi juăt hnam akŭm. Chơnang soi

Lêwi 10:3

Thoi noh Môis khan kơ Arôn tơdrong âu: Kră Yang đei khan boih, Inh gô pơdah jơhngơ̆m rơgoh Inh kơ lu đe bu mă oei jê̆ Inh păng Inh đei tơdrong đe pơyom 'bơ̆t anăp đĭ-đăng kon pơlei. Arôn ngăn hreh.

Lêwi 19:2

Roi tơbăt ăn bĕ kơ đĭ-đăng kon pơlei Isơrael khŭl akŭm, lu iĕm athei oei sa mă 'lơ̆ng rơgoh bĕ, yua kơ Inh Kră Yang lu iĕm 'lơ̆ng rơgoh.

Lêwi 8:9

Sư yơ̆l mu tơ kơ̆l sư, tơ anăp mu sư pơklep plăk maih, wă khan môk pơtao 'lơ̆ng rơgoh kiơ̆ kơ nơ̆r Kră Yang tơtă kơ Môis.

Sa 14:20

Lăm năr noh, gô chhơ̆ chư tơ krĕng-nĕng aseh thoi âu: “'LƠ̆NG RƠGOH KƠ KRĂ YANG!” Lu gŏ lăm hnam Kră Yang gô nhen thoi lu pơnhan kơpal gơ'bang soi.

Hêbrơ 12:14

Bơ̆n athei adrin pơm jơhngơ̆m đon dim hiôk hơiă kơ đĭ-đăng bơngai. Păng athei adrin pơm 'lơ̆ng tơpăt ling-lang. Tơ̆ng ưh, bơ̆n ưh kơ gơh 'bôh Kră Yang ôh.

Hêbrơ 7:26

Thoi noh bơ̆n băt kơ Yêsu boih pơm 'bok soi tih gơh tơgŭm bơ̆n tơpă. Sư 'lơ̆ng tơpăt ưh kơ lah pơm yoch, lu bơngai yoch kư̆m ưh kơ gơh pơhlŭ Sư pơm kơnê̆. Sư mơsêh tŏk oei ưh kơ băt hơdôm tăl plĕnh.

I Pet 2:9

Mă-lei gah bơ̆n, Sư rơih iŏk bơ̆n wă kơ bơ̆n jing adrĕch adrung Sư, bơ̆n kư̆m thoi lu bơngai soi kơ 'Bok Kei-Dei Pơtao bơ̆n, bơ̆n dang pơlei pơla Sư, teh đak Sư boih. Sư ăn kơ bơ̆n jing kon Sư wă kơ bơ̆n ră roi kơ đe dôm tơdrong 'lơ̆ng Sư pơm. Sư boih krao iŏk bơ̆n đơ̆ng anih măng mu oei tơ anih hơdah Sư dang ei.

Tơdrông Tơ'bôh 21:27

Tơdrong 'mê̆-'mach ưh kơ gơh mơ̆t ôh tơ lăm pơlei noh. Bơngai hơlĕnh, bơngai oei kơkuh kơ yang nai, ưh kơ gơh mơ̆t ôh. Pôm lu bơngai đei chih anăn lăm sơ̆p hla bơar Kon Triu đĕch gơh mơ̆t. Sơ̆p hla bơar Kon Triu noh chih anăn dôm lu bơngai mă gô arih hăm Sư ling-lang.