Le 28:30 - Sơ̆p Hlabơar Nơ̆r 'Bok Kei-Dei

³⁰ Ih dan lăm bơnal 'băk tơ kơtơh gah tơdrong sek tơlang, Urim hăm Thumim,a wă kơ kơplah Arôn truh 'bơ̆t anăp Kră Yang na dôm tơmam noh gô jê̆ lăm jơhngơ̆m Arôn kơdih, thoi noh Arôn gô yua Urim păng Thumim wă kơ băt sek tơlang lu kon drŏ-nglo Isơrael kiơ̆ thoi Kră Yang wă.*

Le 28:30 ပူးပေါင်းရင်းမြစ်များ

Esơra 2:63

'Bok pơgơ̆r ưh kơ ăn lu sư sa tơmam rơgoh 'lơ̆ng tôch bơneh wă gô dĭng truh tơ layơ đei 'bok soi yua Urim păng Thumim mă krao apinh Kră Yang 'Bok Kei-Dei. Wă kơ băt lu sư hăm trŏ kơ adrĕch 'bok soi ưh.

Ne 7:65

Kră wei-lăng pơlei pơkă ưh kơ ăn sa tơmam rơgoh 'lơ̆ng dĭng truh tơ đei minh 'nu 'bok soi gơh yua Urim păng Thumim iung apinh.

Le 28:29

Kơplah Arôn mơ̆t tơ anih rơgoh, sư 'băk ba lu anăn kon drŏ-nglo Isơrael, mă anăn đei chrek tơ tơmo tah lăm bơnal 'băk tơ kơtơh gah tơdrong sek tơlang, wă kơ 'blŏk hơdơ̆r ling-lang 'bơ̆t anăp Kră Yang.

Lêwi 8:8

Sư atol bơnal tơ kơtơh păng pơklep Urim păng Thumim.

Sa 6:13

Sư boih wă man hnam kơkuh kơ Kră Yang; păng sư boih đe gô ư-ang, oei pơgơ̆r tơ anih tang-dŏ pơtao sư păng pơm 'bok soi tơm tơ anih pơtao sư, sư kư̆m pơgơ̆p hiôk-hian kơ 'bar tơdrong noh.’

Jo 27:21

Sư gô năm dơ̆ng 'bơ̆t anăp 'bok soi, Êlêasar, sư apinh Urim 'bơ̆t anăp Kră Yang ăn kơ Jôsuê wă kơ sư băt sek tơdrong liơ, Jôsuê păng đĭ-đăng kon pơlei Isơrael athei kiơ̆ dôm tơdrong jang lu sư gô mơ̆t dah gô lĕch.

II Kor 12:15

Inh kư̆m hiôk mơ̆n mă inh pơhuach jên tơmam pơlap akâu kơdih yua kơ inh wă kơ iĕm lui kơjăp. Inh 'mêm kơ iĕm tơpă, bĭ iĕm ưh pă 'mêm kơ inh boih hă?

II Kor 7:3

Inh pơma thoi noh ưh kơ sĭ inh hil lach kơ iĕm ôh, inh 'mêm kơ iĕm tơpă. Kư̆m thoi inh chih khan kơ iĕm hơdrol boih, iĕm minh jơhngơ̆m minh đon hăm inh, mă lôch mă arih bơ̆n hơdai.

Both 33:8

Môis sơkat kơ Lêwi thoi âu: Thumim păng Urimb Ih ăn boih kơ bơngai băt hli yom wei răk. Bơngai mă Ih pơlong lăng boih tơ Masa, bơngai mă Ih đei pơjah pơjăng boih tơ đak Mêriba;

Hêbrơ 2:17

Sư pơm tôm tơdrong dang kơ 'nhŏng oh tơpă. Sư jang tơdrong 'Bok Kei-Dei pơklaih yoch kon bơngai thoi 'bok soi tih mơnat kơ kon bơngai, na kon bơngai gơnang kơ Sư tơpă.

Hêbrơ 4:15

Sư ưh kơ sĭ 'bok soi mă ưh kơ băt mơnat kơ kon bơngai rơdu tơrăn ôh. Sư mơnat kơ bơ̆n tơpă, yua kơ Sư mơn kơdih hơdai đei tơdrong pơhlŭ thoi kon bơngai bơ̆n. Gah tơdrong pơm yoch, Sư ưh kơ đei pơm yoch kiơ ôh.

Hêbrơ 9:12

Yêsu mơ̆t boih hnam ei, truh tơ anih giĕng tih hloi. Sư mơ̆t soi minh 'măng đĕch tôm hloi kơ tơdrong soi boih yua kơ Sư soi hăm pham Sư kơdih. Ưh kơ sĭ Sư soi hăm pham bơbe pham rơmo ôh. Sư soi thoi noh đĕch, na bu wă gơnang kơ tơdrong Sư soi noh, bơngai noh gô klaih hloi kơ tơdrong yoch.

Hêbrơ 9:24

Thoi noh na dang ei Yêsu Krist tŏk tơ plĕnh ti mơ̆t tơ hnam 'Bok Kei-Dei tơ plĕnh ti boih. Sư ưh kơ mơ̆t tơ hnam 'Bok Kei-Dei mă kon bơngai pơm tơ teh âu ôh, hnam 'Bok Kei-Dei mă kon bơngai pơm tơ teh âu noh, wă pơtih gia kơ hnam 'Bok Kei-Dei tơ plĕnh ti. Dang ei Yêsu Krist tŏk oei tơ noh tơpă boih, Sư oei 'bơ̆t anăp 'Bok Kei-Dei tang đĭ-đăng rim 'nu bơngai.

Lu 1:1

Đơ̆ng rŏng kơ Jôsuê lôch, kon pơlei Isơrael krao apinh Kră Yang khan: Bơngai bu lăm lu nhôn athei năm blah păng kon pơlei Kanaan adrol?

Lu 20:18

Bơngai Isơrael tŏk tơ pơlei Bethel krao khan apinh Kră Yang 'Bok Kei-Dei: Lăm lu nhôn bu wă năm blah bơngai Bênjamin adrol? Kră Yang tơl: Bơngai Juđa tŏk tơblah adrol.

Lu 20:23

Lu bơngai Isơrael tŏk nhơ̆m hmoi 'bơ̆t anăp Kră Yang, truh tơ kơmăng hloi. Lu sư krao apinh Kră Yang: Lu nhôn wă tơblah dơ̆ng ưh hăm lu 'nhŏng oh nhôn bơngai Bênjamin? Kră Yang tơl: Lu iĕm năm blah lu sư bĕ.

I Sam 28:6

Sôl krao khan kơ Kră Yang; mă-lei Kră Yang ưh kơ đei tơl nơ̆r sư, lăm tơdrong apo, dah đơ̆ng Urim dah đơ̆ng 'bơ̆r lu bơngai khan lê̆ adrol.