Le 28:29 - Sơ̆p Hlabơar Nơ̆r 'Bok Kei-Dei

²⁹ Kơplah Arôn mơ̆t tơ anih rơgoh, sư 'băk ba lu anăn kon drŏ-nglo Isơrael, mă anăn đei chrek tơ tơmo tah lăm bơnal 'băk tơ kơtơh gah tơdrong sek tơlang, wă kơ 'blŏk hơdơ̆r ling-lang 'bơ̆t anăp Kră Yang.

Le 28:29 ပူးပေါင်းရင်းမြစ်များ

Le 28:12

Klaih kơ noh tah 'bar tŏ tơmo gĭt tơ tơlei 'băk tơ hơngiĕng wă pơm 'blŏk hơdơ̆r kơ kon drŏ-nglo Isơrael; Arôn gô 'băk anăn lu sư tơ 'bar pah hơngiĕng sư wă kơ 'blŏk 'bơ̆t anăp Kră Yang.

Le 28:15

Bơnal iĕ 'băk tơ kơpal kơtơh gah tơdrong sek tơlang, ih kư̆m athei pơm kơ bơnal, nhen thoi êphot. Wă păng brai maih brai jơk, 'brê hơhĭm 'brê gôh păng che 'bui tanh hăm brai se.

Le 28:28

Yua tơlei brai jơk chô̆ bơnal 'băk tơ kơtơh gơwŏk hăm êphot, tah lăm khuen maih wă kơ bơnal 'băk tơ kơtơh păng êphot huay kơ tơpleh.

Le 28:30

Ih dan lăm bơnal 'băk tơ kơtơh gah tơdrong sek tơlang, Urim hăm Thumim,a wă kơ kơplah Arôn truh 'bơ̆t anăp Kră Yang na dôm tơmam noh gô jê̆ lăm jơhngơ̆m Arôn kơdih, thoi noh Arôn gô yua Urim păng Thumim wă kơ băt sek tơlang lu kon drŏ-nglo Isơrael kiơ̆ thoi Kră Yang wă.*

Hơri Hiôk 8:6

Ăn kơ inh jing thoi tơmam klep lăm jơhngơ̆m ih, Thoi tơmam chơ̆m tơ kơkŏng ti ih; Yua kơ tơdrong hơyuh kơtang dang thoi tơdrong lôch, Jơhngơ̆m gar jing kơnê̆ thoi bơsat. Sư khơ̆ng thoi ŭnh. Pla ŭnh khơ̆ng tơtŏ dêh.

Je 30:21

Lu sư gô đei pơtao lĕch đơ̆ng adrĕch adrung lu sư, Kră pơgơ̆r lu sư kư̆m đei đơ̆ng lăm lu sư. Inh gô krao sư năm jê̆ Inh, wă kơ sư năm jê̆ Inh; yua kơ ưh kơ đei bơngai bu nuih pơ̆n năm jê̆ Inh.” Noh Kră Yang khan.

Rom 10:1

Ơ lu 'nhŏng oh, inh wă tơpă kơ lu bơngai Isơrael klaih đơ̆ng tơdrong yoch. Inh krao khan kơ 'Bok Kei-Dei apinh tơdrong noh ling-lang.