Le 25:40 - Sơ̆p Hlabơar Nơ̆r 'Bok Kei-Dei

⁴⁰ Thoi noh ih athei lăng, kư̆ kơ pơm rok hơbŏ thoi đei tơ'bôh kơ ih boih tơ kơpal kông.

Le 25:40 ပူးပေါင်းရင်းမြစ်များ

I Ho 28:11

Đawit pơjao ăn kơ Sôlômôn kon drŏ-nglo sư, hla bơar rup chhơ̆ tơ'bôh anih trong lăm hnam Kră Yang 'Bok Kei-Dei, hnam tah tơmam, anih tơ kơpal, anih lăm hnam Kră Yang 'Bok Kei-Dei păng anih rơgoh hloh.

I Ho 28:19

Đawit pơma khan: “Đĭ-đăng lu 'nâu, inh đei đơ̆ng ti Kră Yang tơhlâu, păng ăn kơ inh hlôh băt đĭ-đăng rim tơdrong wă pơm.”

II Ho 4:7

Sư pơm mơjĭt tŏ jơ̆ng kơđeng hăm maih kiơ̆ kơ đei pơkă; na tah sư tơ lăm hnam akŭm, pơđăm tŏ gah gơal, pơđăm tŏ gah yă-nơ̆m.

Le 25:39

Đe gô yua minh talângb maih rơgoh pơm jơ̆ng ŭnh kơđeng păng tơmam wă yua hơmet sư.

Le 25:9

Athei pơm Bơsŭn Anih Akŭm hăm tơmam yua lei-lăi thoi Inh gô tơ'bôh ăn kơ ih.

Le 26:30

Ih athei pơm Bơsŭn Anih Akŭm nhen thoi Inh tơ'bôh ăn kơ ih tơ kơpal kông 'noh.

Le 27:8

Chơnang soi pơm păng tơ̆r, pơm đei lăm tŏk-bŏk, pơm nhen thoi Inh bơtho tơ'bôh kơ ih tơ kơpal kông 'noh.

Le 31:11

Đak rơmă 'lơ̆ng rơgoh păng pơgang 'bâu phu 'lơ̆ng rơgoh 'măn lăm Anih Rơgoh. Lu sư gô pơm đĭ tôm tơdrong kiơ̆ thoi nơ̆r Inh đei pơkă ăn kơ ih.

Le 36:2

Môis krao Bêsalel, Ôhôliap păng lu bơngai gơh hơgei jang đei tơdrong tơchĕng mă Kră Yang ăn boih kơ lu sư mă đei jơhngơ̆m mơn pơdrŭt lu sư pơtơm năm bơ̆jang.

Jo 8:4

Đe pơm jơ̆ng ŭnh jrĕnh păng maih, iŏk đơ̆ng jơ̆ng truh tơ lu pơkao đei hơjơ̆m, thoi noh đe hơjơ̆m pơm kiơ̆ thoi Kră Yang mă pơma tơ'bôh kơ Môis rup.

Jang 7:44

'Bok Êtien oei pơma: “Lu kră bơ̆n oei tơ char glă ei sơ̆, lu sư đei hnam akŭm kơkuh kơ 'Bok Kei-Dei. 'Bok Kei-Dei athei Môis pơm Bơsŭn Anih Akŭm ei kiơ̆ kơ 'Bok Kei-Dei tơ'bôh.

Hêbrơ 8:5

Lu sư jang awih tơ lăm hnam 'Bok Kei-Dei tơ teh âu. Hnam lu sư pơm pơtrŏ thoi hnam 'Bok Kei-Dei tơ kơpal plĕnh ti. Hnam tơ plĕnh ti 'Bok Kei-Dei oei tơpă. 'Noh thoi 'Bok Kei-Dei khan boih kơ Môis, kơplah mă Môis wă pơtơm pơm hnam 'Bok Kei-Dei păng tua-la-tăng sơ̆. 'Bok Kei-Dei khan thoi âu: “Ih athei kơchăng pơm mă trŏ kiơ̆ thoi Inh tơ'bôh kơ ih tơ kông ki.”

Jôsuê 22:28

Păng lu nhôn đei khan: Dah layơ lu sư khan kơ lu bơ̆n, dah kơ adrĕch lu bơ̆n, thoi noh lu bơ̆n gô tơl: Lu iĕm lăng rup chơnang soi âu trŏ chơnang soi Kră Yang, mă 'bok lu bơ̆n đei pơm sơ̆, chơnang soi 'nâu ưh kơ trŏ wă pơyơ̆r tơmam soi 'buh dah pơyơ̆r tơmam soi nai, mă-lei pơm tơdra tơbăt tŏk-bŏk lu nhôn păng lu iĕm!