Le 25:22 - Sơ̆p Hlabơar Nơ̆r 'Bok Kei-Dei

²² Inh gô tơ'bơ̆p ih tơ noh, tơ kơpal tơnglơ̆p tơdrong 'mêm mơnat sơlam 'bar tŏ rup chêrubim, tơ kơpal hom tơdrong pơgơ̆p noh Inh gô bơtho tơ'bôh kơ ih dôm tơdrong tơtă kơ lu bơngai Isơrael.

Le 25:22 ပူးပေါင်းရင်းမြစ်များ

Bl 18:33

Lăp Kră Yang pơma đang boih hăm Abraham, na sư tŏk tơ ti, gah Abraham wih brŏk tơ bơsŭn sư.

II Sam 6:2

Sư păng đĭ-đăng lu bơngai kiơ̆ truh tơ pơlei Baala dêh Juđa wă năm tung iŏk Hom pơgơ̆p Kră Yang 'Bok Kei-Dei; Hom noh kon pơlei krao anăn Kră Yang Tih Hloh, Kră Yang mă dan tang-dŏ Sư kơpal rim kơ chêrubim kơpal tơnglơ̆p Hom pơgơ̆p.

II Pot 19:15

Hesekia krao khan 'bơ̆t anăp Kră Yang khan: Ơ Kră Yang 'Bok Kei-Dei lu bơngai Isơrael! Ih oei kơpơ̆ng lu chêrubim. Lăp minh 'nu ih đĕch 'Bok Kei-Dei kơ đĭ-đăng lu dêh char lăm ala teh âu. Ih bơih tơ'ngla mă pơjing plĕnh hăm teh.

I Ho 13:6

Đawit păng đĭ-đăng bơngai Isơrael năm hơdai sư tŏk tơ Baala noh Kiriat Jêarim, lăm dêh Juđa, wă kơ năm iŏk hom pơgơ̆p krao Anăn noh Kră Yang Tih Hloh Tơ'ngla dan tang-dŏ Sư sơlam kơ chêrubim.

Horiso 80:1

Ơ Kră Yang mă wei-lăng Isơrael. Ơ Kră Yang chông anhăk adrĕch Jôsep thoi khŭl triu. Pơgling đon mơ̆ng bĕ. Ơ Kră Yang oei tơ kơpal chêrubim pơchrang bĕ hơdah Ih,

Horiso 80:2

'Bơ̆t anăp Êphraim, Bênjamin păng Manase, pơdah bĕ tơdrong mơsêh Ih. Păng năm dŏng pơklaih lu nhôn.

Horiso 90:1

Ơ Kră Yang, Ih jơ̆ anih lu nhôn oei.a Lăm đĭ jơhnơr.

Horiso 99:1

Kră Yang pơgơ̆r; lu kon pơlei athei hli yom bĕ; Sư hơ-oei tơ kơpal chêrubim;a plei teh hli pơpơ̆ bĕ.

Le 20:24

Ih athei pơm kơ Inh minh pôm chơnang soi păng teh, kơpal noh athei pơyơ̆r tơmam soi 'buh hăm tơmam soi hiôk-hian triu dah rơmo, tơ rim anih ayơ mă Inh ăn athei 'blŏk hơdơ̆r kơ Anăn Inh, Inh gô năm tuh ăn tơdrong pŭn hiôk kơ ih tơ noh.

Le 27:21

Lăm tơdrong jang tơ 'nguaih kơ che pĕng găn 'bơ̆t anăp hom tah khôi juăt lăm Bơsŭn Anih Akŭm, 'bok Arôn hăm dôm lu kon drŏ-nglo sư gô wei hơmet ŭnh kơđeng, 'bơ̆t anăp Kră Yang wă kơ khơ̆ng ling-lang đơ̆ng măng truh 'năr hơdah, 'noh jing minh tơdrong juăt ling-lang ăn kơ adrĕch adrung Isơrael athei wei răk lăm đĭ-đăng jơhnơr.

Le 30:36

Athei peh sư jing tơpŭng hĕch, na prôi sư 'bơ̆t anăp kơ Hom pơgơ̆p lăm Bơsŭn Anih Akŭm anih mă Inh gô tơ'bơ̆p ih. Pơgang 'bâu phu âu rơgoh hloh.

Le 30:6

Ih gô ming chơnang soi 'noh gah anăp che pĕng găn jê̆ hom tơdrong pơgơ̆p păng tơnglơ̆p tơdrong 'mêm mơnat đơ̆p kơpal Hom anih Inh gô tơ'bơ̆p ih.

Le 31:18

Lăp Kră Yang khan kơ Môis tơ kơpal kông Sinai, đang bơih sư ăn hloi 'bar tŏ gơ'bang tơdrong pơgơ̆p pơm păng tơmo blat đơ̆ng hơnglâu ti Kră Yang 'Bok Kei-Dei chih.

Le 31:6

Inh kư̆m krao Ôhôliap kon drŏ-nglo Ahisamak, đơ̆ng adrĕch adrung Đan jing bơngai tơgŭm sư. Inh kư̆m ăn bơih đei đon tơchĕng wă kơ gơh hơgei jang lăm tôm tơdrong jang. Inh kư̆m krao bơngai plơ̆ng wă kơ lu sư gơh pơm đĭ-đăng tơdrong jang mă inh đei pơkă khan kơ ih.

Êsai 37:16

Ơ Kră Yang Tih Hloh, 'Bok Kei-Dei đe Isơrael, Tơ'ngla hơ-oei tŏk-bŏk chêrubim, lăp minh Ih đĕch jơ̆ Kră Yang 'Bok Kei-Dei mă pơgơ̆r rim teh đak; Ih bơih pơjing plĕnh păng teh.

Êsêkiên 43:6

Kơplah đei bơngai noh dơ̆ng jê̆ inh, inh kơtơ̆ng đei nơ̆r pơma hăm inh đơ̆ng lăm hnam akŭm.

Lêwi 1:1

Đơ̆ng lăm Bơsŭn Anih Akŭm, Kră Yang krao Môis khan:

Lêwi 16:2

Kră Yang khan kơ Môis thoi âu: Khan bĕ kơ Arôn 'nhŏng ih 'nĕ kơ mơ̆t ling-lang tơ anih 'lơ̆ng rơgoh tơ lăm kơ che đe pĕng 'bơ̆t anăp tơnglơ̆p mơnat ăn 'măn tơ kơpal kơ hom tơdrong pơgơ̆p, kơnh hli kơ sư lôch, yua kơ Inh gô oei lăm hơmơ̆l tơ'bôh tơ anih mơnat ăn.

Jo 17:4

ih athei 'măn lê̆ lu 'long jra noh 'bơ̆t anăp Hom Tơdrong Pơgơ̆p, anih mă Inh ngăl tơ'bơ̆p ih.

Jo 7:89

Kơplah Môis mơ̆t tơ lăm Bơsŭn Anih Akŭm wă pơma dơnuh hăm Kră Yang, na sư kơtơ̆ng nơ̆r pơma hăm sư đơ̆ng lăm Tơnglơ̆p Mơnat ăn dan kơpal Hom tơdrong Roi Tơbăt, tŏk-bŏk sơlam kơ 'bar tŏ chêrubim; Kră Yang pơma dơnuh hăm sư.

Lu 20:27

Lu kon pơlei Isơrael krao apinh Kră Yang, yua kơ lăm kơplah 'noh hom pơgơ̆p Kră Yang 'Bok Kei-Dei oei lê̆ tơ noh.

I Sam 4:4

Thoi noh, lu sư wơh bơngai năm tơ Silô, tung iŏk Hom Pơgơ̆p Kră Yang Tih Hloh, Tơ'ngla mă oei tơ lăm lu chêrubim. 'Bar 'nu kon drŏ-nglo Hêli, jơ̆ Hopni păng Phinêhas, bre sư kư̆m năm kiơ̆ Hom Pơgơ̆p Kră Yang 'Bok Kei-Dei mơ̆n.