Le 25:20 - Sơ̆p Hlabơar Nơ̆r 'Bok Kei-Dei

²⁰ 'Bar tŏ chêrubim gô bơyar pơnăr, klơ̆p kơpal tơnglơ̆p tơdrong 'mêm mơnat, tơwih măt tơklă băl lăng tơpăt tơ tơnglơ̆p tơdrong 'mêm mơnat.

Le 25:20 ပူးပေါင်းရင်းမြစ်များ

Bl 28:12

Na sư đei apo 'bôh minh pôm kung đơ̆ng teh âu truh tơ plĕnh, lu linh jang Kră Yang 'Bok Kei-Dei jur tŏk rok kung noh.

I Pot 6:23

Sư kư̆m pơm lăm Anih Rơgoh Hloh noh 'bar tŏ rup chêrubim sư pơm hăm 'long ôliwơ kơjung sư pơđăm hlok.

I Pot 6:27

Sôlômôn dan lê̆ 'bar tŏ rup chêrubim oei bơyar pơnăr noh lăm Anih Rơgoh Hloh lăm Hnam akŭm. Minh pah pơnăr pah âu hơtŭt kơ tơnăr pah âu, minh pah pơnăr pah to hơtŭt kơ tơnăr pah to, 'bar pah pơnăr tơ'bưh băl tŏk-bŏk lăm Anih Rơgoh Hloh.

I Pot 8:7

Dôm lu chêrubim bơyar pơnăr kơpal Hom Pơgơ̆p, sư klơ̆p lê̆ Hom Pơgơ̆p păng 'long tơnung tung.

I Ho 28:18

Kŭm kŏng maih se wă pơm chơnang soi soh tơmam 'bâu phu păng kŏng ăn maih pơm tơnglơ̆p đei chêrubim hăm maih bơyar pơnăr klơ̆p kơpal Hom Pơgơ̆p Kră Yang.

II Ho 3:10

Tơ lăm anih 'lơ̆ng Rơgoh Hloh, sư 'bok pơm kơtă 'bar tŏ chêrubim, lom hăm maih.

Le 25:18

Kŭm pơm kơtă hloi 'bar tŏ rup chêrubim hăm maih, dan 'bar pah kơ̆l tơnglơ̆p tơdrong 'mêm mơnat,

Le 25:19

dan hloh tơ 'nguaih, minh pôm rup jih gah âu păng minh pôm rup jih gah to. Ih athei pơm rup chêrubim dan sư tơ 'bar pah jih.

Êsêkiên 1:20

Yang bơhngol wă năm tơ yơ, lu kon sem arih kư̆m năm tơ noh; păng lu tang-wang gre kư̆m hiŏng đơ̆ng teh năm kiơ̆ cheng, yua kơ yang bơhngol lu kon sem arih noh oei lăm tang-wang gre.

Êsêkiên 28:14

Đe tuh kơ ih đak rơmă wă pơm chêrubim gak bơwei. Inh dan ih tơ kơpal kông rơgoh Kră Yang 'Bok Kei-Dei; ih yak năm tŏk-bŏk jơmŏng rang hơdah thoi ŭnh.

Mathiơ 24:31

Lu linh jang hlôm pơre keng, Inh wơh lu sư jur năm jơ̆p-jang kơ teh đak wă krao anhăk đĭ-đăng lu khŭl bơngai mă Inh rơih iŏk đơ̆ng gah hơlĕch truh gah bơmơ̆t, đơ̆ng gah yă-nơ̆m truh gah gơal akŭm đĭ tơ Inh.

Yo 1:51

Yêsu khan kơ lu sư: “Inh khan kơ iĕm tơpă, ning-mônh iĕm gô 'bôh plĕnh tơpơih na iĕm 'bôh lu linh jang 'lơ̆ng 'Bok Kei-Dei jur tơ Inh Kon Bơngai păng iĕm kư̆m 'bôh lu sư tŏk tơ plĕnh.”

I Kor 11:10

Thoi noh na mưh trŏ năr akŭm bơngai drŏ-kăn athei yơ̆l môk dah kiơ kiơ wă tơbăt kơ đe tơdrong sư chu yom kơ klo sư păng sư athei pơm mă 'blep trŏ tơpă yua kơ linh jang 'lơ̆ng đơ̆ng kơpal plĕnh 'bôh sư ling-lang.

I Kor 4:9

Thoi inh chă tơchĕng, 'Bok Kei-Dei ăn kơ khŭl nhôn pơm jơ̆ng 'bang Yêsu lŭch hloh kơ đĭ-đăng bơngai, nhôn dang bơngai đe wă pơlôch đĕch; jơ̆p-jang kơ plĕnh teh, kon bơngai, linh jang 'lơ̆ng 'bôh đe pơm kơ nhôn thoi noh tơpă.

Êphêsô 3:10

Mă dang ei Sư ăn kơ lu bơngai lui kơ Kon Sư tơbăt ăn kơ lu yŏng pơgơ̆r lu linh jang, tơbăt ăn kơ lu yŏng pơgơ̆r oei tơ kơpal plĕnh wă kơ lu sư băt kơ tơdrong tơchĕng 'Bok Kei-Dei hơgei tơpă wă tơgŭm kon bơngai.

Kôlôsê 2:10

Na iĕm pôm đon hăm Yêsu Krist, Kră Yang 'Bok Kei-Dei kư̆m ăn kơ iĕm jing lei-lăi thoi Yêsu mơ̆n. Yêsu Krist Sư pơm Kră, Sư pơgơ̆r tôm kơ yŏng pơgơ̆r lu yang, tôm kơ yŏng pơgơ̆r lu linh jang.

Hêbrơ 1:14

Đĭ-đăng kơ lu linh jang, 'Bok Kei-Dei wơh lu sư jur chă tơgŭm lu kon bơngai mă Sư pơklaih ăn oei hơdai hăm Sư ning-mônh.

Hêbrơ 9:5

Kơpal hom noh đe man 'bar tŏ rup linh jang 'lơ̆ng, đe anăn bre sư chêrôbin, bre sư bơyar pơnăr tơ kơpal kơ hom noh. Hom noh đe anăn anih 'Bok Kei-Dei pơklaih yoch, 'bar tŏ rup linh jang noh wă pơtih gia kơ 'Bok Kei-Dei oei lơ̆m anih noh. Inh kư̆m wă roi kơ iĕm tôm tơdrong noh, mă inh ưh kơ wăn ôh.

I Pet 1:12

'Bok Kei-Dei tơbăt kơ lu sư dôm tơdrong lu sư wă pơma khan lê̆ hơdrol noh, Sư ưh kơ ăn truh chăl arih lu sư ôh, Sư ăn truh chăl arih lu bơ̆n dang ei. Thoi noh na 'Bok Kei-Dei ăn Yang Bơhngol 'Lơ̆ng Sư jur oei hăm lu 'bok bơtho tơdrong 'nao 'lơ̆ng Yêsu Krist, na lu 'bok bơtho noh roi tơbăt kơ iĕm boih tơdrong Sư wă pơklaih bơ̆n noh. Lu linh jang kơpal plĕnh kư̆m wă kơ hlôh tơdrong 'noh mơ̆n.

I Pet 3:22

Yêsu Krist iung arih tŏk tơ plĕnh oei gah 'ma kơ 'Bok Kei-Dei. Sư pơgơ̆r đĭ lu linh jang, lu yŏng pơgơ̆r lu linh jang, đĭ lu yang nai.