Le 25:16 - Sơ̆p Hlabơar Nơ̆r 'Bok Kei-Dei

¹⁶ Ih athei tah lăm hom tơdrong pơgơ̆p khôi juăt nơ̆r mă tơtă Inh gô ăn kơ ih.

Le 25:16 ပူးပေါင်းရင်းမြစ်များ

I Pot 8:9

Lăm Hom Pơgơ̆p 'noh đei 'bar hlak gơ'bang păng tơmo đơ̆ng Môis dan lê̆ đơ̆ng kông Hôrêp; iŏk đơ̆ng năr Kră Yang pơgơ̆p pơkă pơkăm hăm lu bơngai Isơrael kơplah lu sư 'nao lĕch đơ̆ng dêh char Êyiptơ.

II Pot 11:12

Jêhôiada chông hloi kon tơdăm pơtao noh lĕch, pơyơ̆l ăn kơ sư môk pơtao, păng ăn kơ sư sơ̆p hla bơar tơdrong juăt. Thoi noh đe pôk sư pơm pơtao, tuh đak 'bâu phu kơpal kơ̆l sư, păng đĭ-đăng lu đe ei tap ti ôr jreo, khan: “Pơtao arih ling-lang khŏm khŏm.”

II Ho 23:11

Jêhôiada hăm lu kon drŏ-nglo Sư chông kon pơtao lĕch, pơyơ̆l ăn kơ sư môk pơtao păng ăn kơ sư sơ̆p hla bơar khôi juăt, na pôk sư pơm pơtao; sư tuh đak rơmă tơ kơ̆l Jôas păng khan: “Pơtao arih ling-lang!”

Le 16:34

Kiơ̆ thoi Kră Yang tơtă kơ Môis, Arôn pơdơ̆ng get 'noh 'bơ̆t anăp hom tơdrong pơgơ̆p.

Le 25:21

Ih athei dan tơnglơ̆p tơdrong 'mêm mơnat tơ kơpal hom, lăm hom ih tah khôi juăt nơ̆r tơtă Inh gô ăn kơ ih.

Le 26:33

Gơwŏk mă dan hom tơdrong pơgơ̆p tơ gah lăm che; pĕng che 'nâu wă klah asong anih rơgoh păng anih tôch rơgoh.

Le 27:21

Lăm tơdrong jang tơ 'nguaih kơ che pĕng găn 'bơ̆t anăp hom tah khôi juăt lăm Bơsŭn Anih Akŭm, 'bok Arôn hăm dôm lu kon drŏ-nglo sư gô wei hơmet ŭnh kơđeng, 'bơ̆t anăp Kră Yang wă kơ khơ̆ng ling-lang đơ̆ng măng truh 'năr hơdah, 'noh jing minh tơdrong juăt ling-lang ăn kơ adrĕch adrung Isơrael athei wei răk lăm đĭ-đăng jơhnơr.

Le 30:36

Athei peh sư jing tơpŭng hĕch, na prôi sư 'bơ̆t anăp kơ Hom pơgơ̆p lăm Bơsŭn Anih Akŭm anih mă Inh gô tơ'bơ̆p ih. Pơgang 'bâu phu âu rơgoh hloh.

Le 30:6

Ih gô ming chơnang soi 'noh gah anăp che pĕng găn jê̆ hom tơdrong pơgơ̆p păng tơnglơ̆p tơdrong 'mêm mơnat đơ̆p kơpal Hom anih Inh gô tơ'bơ̆p ih.

Le 31:18

Lăp Kră Yang khan kơ Môis tơ kơpal kông Sinai, đang bơih sư ăn hloi 'bar tŏ gơ'bang tơdrong pơgơ̆p pơm păng tơmo blat đơ̆ng hơnglâu ti Kră Yang 'Bok Kei-Dei chih.

Le 32:15

Môis jur brŏk đơ̆ng kông chĕp ba 'bar tŏ gơ'bang tơdrong pơgơ̆p, 'bar tŏ gơ'bang pơgơ̆p noh đei chih 'bar pah.

Le 34:29

Kơplah Môis jur đơ̆ng kông Sinai ti sư chĕp ba 'bar hlak gơ'bang tơdrong pơgơ̆p, Môis ưh kơ băt ôh muh măt kơdih sư hơdah yua kơ đơ̆ng sư pơma dơnuh hăm Kră Yang.

Le 38:21

'Nâu đe jô̆ tơmam yua lăm pơm Bơsŭn Anih Akŭm, anih mă tah 'bar hlak tơmo chih mơjĭt khôi juăt kiơ̆ thoi Môis pơkă kơ bơngai Lêwi bơwei, chih răk đĭ-đăng 'nâu đơ̆ng Ithamar kon drŏ-nglo 'bok soi tơm Arôn pơgơ̆r.

Le 40:20

Môis tah 'bar hlak gơ'bang chih Mơjĭt Khôi Juăt tơ lăm Hom Tơdrong Pơgơ̆p, sư sôr 'long tơnung. Păng dan tơnglơ̆p tơdrong 'mêm mơnat tơ kơpal hom noh.

Jo 17:4

ih athei 'măn lê̆ lu 'long jra noh 'bơ̆t anăp Hom Tơdrong Pơgơ̆p, anih mă Inh ngăl tơ'bơ̆p ih.

Jang 7:44

'Bok Êtien oei pơma: “Lu kră bơ̆n oei tơ char glă ei sơ̆, lu sư đei hnam akŭm kơkuh kơ 'Bok Kei-Dei. 'Bok Kei-Dei athei Môis pơm Bơsŭn Anih Akŭm ei kiơ̆ kơ 'Bok Kei-Dei tơ'bôh.

Rom 3:2

Lu bơngai Juđê tih hloh kơ lu bơngai nai 'biơ̆ mơ̆n yua kơ 'Bok Kei-Dei chih pơkă kơ lu sư tơdrong juăt Sư hơdrol kơ lu bơngai nai păng pơkă khan wă tơgŭm lu sư tơpă.

Both 31:26

iŏk bĕ sơ̆p hla bơar khôi juăt 'nâu, lê̆ 'bơ̆t cheng Hom Tơdrong Pơgơ̆p Kră Yang 'Bok Kei-Dei lu iĕm, lê̆ Sơ̆p hla bơar tơ noh 'bơ̆t cheng Hom Tơdrong Pơgơ̆p pơm nơ̆r tơbăt pơsĭt ayăt hăm lu iĕm:

Hêbrơ 9:4

Lăm noh đei chơnang soi maih đe tơ̆k ŭnh soh pơgang 'bâu phu. Lăm noh kư̆m đei minh pôm hom tih đe kư̆m hling păng maih mơ̆n. Lơ̆m hom noh đe tah tơmo lat chih tơdrong 'Bok Kei-Dei pơkă kơ kon bơngai, tah kơlăm maih wă mong 'bĕng mana mă huŏng đơ̆ng plĕnh sơ̆, hăm tah 'long jra 'bok Arôn mă chăt pơkao.

Jôsuê 4:16

Khan bĕ kơ lu 'bok soi, tung Hom tŏk đơ̆ng đak Krong Jôrđăn.