Le 23:33 - Sơ̆p Hlabơar Nơ̆r 'Bok Kei-Dei

³³ 'Nĕ ăn lu sư oei lăm char iĕm ôh, hli kơ lu sư pơhlŭ iĕm pơm yoch hăm Inh na kơkuh kơ yang lu sư; tơdrong noh gô pơm hơđong đăk kơ iĕm.

Le 23:33 ပူးပေါင်းရင်းမြစ်များ

I Pot 14:16

Yua kơ Jêrôbôam pơm yoch păng pơm ăn kơ lu bơngai Isơrael jing yoch na Kră Yang achăng hŭt lu sư.”

II Ho 33:9

Mă-lei Manase pơhlŭ bơngai Juđa păng kon pơlei Jêrusalem dĭng mah lu sư pơm yoch kơnê̆ hloh kơ lu bơngai adrĕch mă Kră Yang pơrăm pơlôch đĭ 'bơ̆t anăp lu bơngai Isơrael.

Horiso 106:36

Bơ̆jang ăn kơ rup man đe noh. Âu boih pơm hơđong pơrăm lu sư kơdih.

Le 10:7

Lu bơngai bơ̆jang kơ Pharaôn khan kơ sư. Truh dĭng dang yơ bơngai âu mă lê̆ hơ'năk hơđong kơ lu bơ̆n? Jah achăng lê̆ lu kon pơlei noh năm bĕ, wă kơ lu sư kơkuh kơ Kră Yang 'Bok Kei-Dei lu sư! Pơtao ưh tam băt hă dêh Êyiptơ đei tơdrong răm đĭ boih.

Le 23:24

Ih 'nĕ drap kơkuh păng soi sơmah kơ lu yang lu sư, 'nĕ kơ pơm rok kiơ̆ tơdrong jang lu sư, mă-lei athei pơrăm đĭ dôm lu rup yang păng juă pơhĕch dôm lu gơ̆ng rup yang sư.

Le 34:12

Ih athei kơchăng kơdih, ih 'nĕ pơgơ̆p hơdai hăm lu bơngai lăm dêh char mă ih wă mơ̆t, tơdrong noh hli kơ lu sư jing thoi hơđong hơ'năk kơ ih.

Both 12:30

Na iĕm athei kơchăng bĕ đơ̆ng rŏng kơ lu sư lôch đĭ kơnh ih 'leh lăm hơđong, 'nĕ chơchă wă kơ băt yang lu sư, na khan: Lu adrĕch adrung âu bơ̆jang kơkuh kơ yang lu sư thoi yơ kih? Lu bơ̆n gô pơm kiơ̆ thoi noh.

Both 20:18

Tơdah ưh lu sư gô pơtơm iĕm rok pơm kiơ̆ dôm lu tơdrong kơnê̆ krưp mă lu sư pơm, kơkuh kơ rup yang lu sư, lu iĕm gô pơm yoch hăm Kră Yang 'Bok Kei-Dei lu iĕm.

Both 7:1

Layơ Kră Yang 'Bok Kei-Dei iĕm chông ba iĕm mơ̆t iŏk dêh mă Sư pơkă păng puh tơweh đĭ lu adrĕch đe 'bơ̆t anăp iĕm, noh lu kon pơlei Hêtit, kon pơlei Girgasit kon pơlei Amôrit, kon pơlei Kanaan, kon pơlei Pêrisit, kon pơlei Hêwit păng kon pơlei Jêbus, wă khan tơpơh adrĕch tih păng pran hloh kơ iĕm.

Both 7:16

Iĕm athei pơrăm lê̆ đĭ lu adrĕch mă Kră Yang 'Bok Kei-Dei iĕm jao ăn kơ iĕm boih kư̆m 'nĕ kơ mơnat kơ lu sư păng kư̆m 'nĕ kơ kơkuh kơ lu yang sư; yua kơ tơdrong noh gô pơm hơđong hơ'năk kơ iĕm.

II Tim 2:26

Sư đei đon 'lơ̆ng boih păng gơh jăk đơ̆ng yang Satan. Sơ̆ yang Satan oei pơkơ̆ng sư lăm tơdrong sư wă.

Jôsuê 10:40

Thoi noh Jôsuê blah iŏk đĭ pơlei đĭ tơring char, tơ gah tơring groi kông, tơring gah gơal, tơring gah groi bơmơ̆t. Tơring tơter kông krang gah hơlĕch păng lu pơtao kơ tơring noh, ưh kơ đei lê̆ bu oei arih, kiơ̆ thoi đơ̆ng nơ̆r Kră Yang 'Bok Kei-Dei Isơrael đei pơkă.

Jôsuê 23:13

lei iĕm athei băt Kră Yang 'Bok Kei-Dei lu iĕm ưh pă puh tơweh lu adrĕch adrung âu đơ̆ng anăp lu iĕm dơ̆ng, Lei lu sư gô thoi hơnhuăl păng hơđong hơ'năk kơ lu iĕm, pơm tơnguĕt teh kơdŭ rŏng, pơm thoi hrŏng jơla trŏ măt, dĭng truh tơ lu iĕm lôch răm đĭ-đăng đơ̆ng char 'lơ̆ng rŏ mă Kră Yang 'Bok Kei-Dei hlôi ăn kơ lu iĕm.

Lu 2:2

Mă gah lu iĕm, 'nĕ kơ pơgơ̆p băl hăm lu bơngai mă oei tơ char âu; iĕm athei pơrăm lê̆ lu rup yang lu sư.’ Mă-lei iĕm ưh kơ mơ̆ng nơ̆r Inh khan. Yua kơ kiơ lu iĕm pơm tơdrong noh?

Lu 2:3

Na kư̆m thoi Inh đei khan boih, Inh ưh kơ đei pơpuh tơweh kon pơlei noh ataih kơ lu iĕm, lu sư gô oei jê̆ lu iĕm păng tơdrong lu sư pơm yang nhen thoi poh-'năk wă đăk kơ lu iĕm.

I Sam 18:21

Sư tơchĕng khan: Inh gô ăn sư oei kơ Đawit, pơm thoi hơđong wă kơ Đawit 'leh lăm ti bơngai Philistin. Thoi noh Sôl pơma dơnuh 'măng mă 'bar hăm Đawit: Ih gô pơm ŏng inh.