Le 23:31 - Sơ̆p Hlabơar Nơ̆r 'Bok Kei-Dei

³¹ Inh gô chĕng hơdral iĕm iŏk đơ̆ng đak dơsĭ 'brê truh tơ đak dơsĭ Philistin, a đơ̆ng char glă truh tơ đak glung tih;b yua kơ inh gô pơjao adrĕch adrung 'noh lăm tơpang ti ih păng ih gô puh lu sư weh đơ̆ng anăp iĕm.

Le 23:31 ပူးပေါင်းရင်းမြစ်များ

Bl 15:18

Lăm năr noh Kră Yang đei nơ̆r pơkă pơgơ̆p pơkăm hăm Abram, na khan thoi âu: “Inh gô ăn kơ adrĕch adrung ih dêh char âu, đơ̆ng glung Êyiptơb dĭng truh tơ glung tih noh, wă khan glung Ơphrat.

I Pot 11:2

Lu adrĕch adrung bơngai noh. Kră Yang khan bơih kơ lu bơngai Isơrael: Iĕm ưh kơ gơh iŏk klo dah iŏk akăn đơ̆ng adrĕch adrung bơngai 'noh; yua kơ lu sư gô pơhlŭ pơlung lu iĕm kiơ̆ kơkuh kơ rup yang lu sư. Mă-lei Sôlômôn oei hưch kơ drŏ-kăn bơngai 'noh.

I Pot 20:13

Đei minh 'nu bơngai khan lê̆ adrol năm tơ'bơ̆p Ahap, pơtao đe Isơrael păng khan: “Kră Yang khan: ‘Ih hăm 'bôh ưh minh khŭl linh lơlap 'nâu? Năr 'nâu Inh gô pơjao lu sư lăm tơpang ti ih, wă kơ ih băt Inh bơih Kră Yang.’ ”

I Pot 4:21

Pơtao Sôlômôn pơgơ̆r kon pơlei pơla lăm dêh char sư, iŏk đơ̆ng đak Krong Ơphrat truh tơ dêh char Philistin păng truh tơ hơdral Êyiptơ. Rim kơ teh đak chu bơ̆jang păng ra ăn kơ pơtao Sôlômôn truh đĭ chăl arih sư.

I Pot 4:24

Sôlômôn pơgơ̆r jơ̆p kơ dêh char gah bơmơ̆t kơ đak Krong Ơphrat, sư pơgơ̆r hloi lu pơtao dêh char noh, đơ̆ng pơlei Tipsa truh tơ pơlei Gasa păng sư oei hiôk hơiă hăm kon pơlei pơla jum dăr kơ sư.a

I Pot 8:65

Kơplah noh đĭ-đăng kon pơlei pơla Isơrael akŭm hơdai hăm pơtao Sôlômôn, akŭm minh anih să iŏk đơ̆ng trong mơ̆t pơlei Hamat truh tơ thong đak Êyiptơ, akŭm 'bơ̆t anăp Kră Yang 'Bok Kei-Dei, lăm tơpơh năr.

II Ho 9:26

Sư pơgơ̆r lu pơtao, iŏk đơ̆ng đak Krong Ơphrat truh tơ char Philistin păng dĭng truh tơ hơdral hăm char Êyiptơ.

Horiso 72:8

Ăn kơ sư pơgơ̆r đơ̆ng đak dơsĭ âu truh tơ đak dơsĭ nai. Đơ̆ng krong âu truh tơ tôch teh đak.

Jo 21:34

Mă-lei Kră Yang khan kơ Môis, 'nĕ hli kơ sư ôh, yua kơ Inh jao tơring sư hăm kon pơlei sư tơ lăm ti ih boih; pơm bĕ kơ lu sư thoi ih pơm kơ Sihôn pơtao Amôrit, bơngai mă lăm pơlei Hesbôn.

Jo 34:2

Khan tơbăt kơ kon pơlei Isơrael bĕ tơdrong 'nâu: Lu iĕm gô mơ̆t iŏk dêh char Kanaan jang sa, hơdral kơ dêh char noh thoi âu.

Both 1:7

Năm bĕ yak dăr dơ̆ng năm tơklă tơ kông groi kon pơlei Amôrit kư̆m năm truh tơ lu tơring jê̆ lu sư lăm thŭng glă Araba păng tơ kông groi bơmơ̆t teh dơnă tơ tơring gah gơal rok cheng đak dơsĭ, mơ̆t tơ dêh kon pơlei Kanaan păng char Liban, truh tơ đak krong tih noh krong Ơphrat.

Both 1:8

Inh jao ăn kơ iĕm dêh âu; mơ̆t păng iŏk oei bĕ, dêh mă Kră Yang đei pơkă ăn kơ lu 'bok lu iĕm Abraham, Isăk, Jakôp, hăm lu kon sâu sư.

Both 11:24

Tơ anih ayơ tơpang jơ̆ng lu iĕm juă, tơ noh jing anih lu iĕm. Teh hơdral lu iĕm đơ̆ng char glă truh tơ Liban đơ̆ng Krong Ơphrat truh tơ dơsĭ gah bơmơ̆t.a

Both 2:33

Mă-lei Kră Yang 'Bok Kei-Dei bơ̆n jao sư kơ lu bơ̆n; kon drŏ-nglo hăm đĭ-đăng lu kon pơlei sư tơblah jei bơ̆n.

Both 2:36

Đơ̆ng pơlei Arôe; mă oei tơter thong đak glung Arnôn păng lu pơlei tih oei lăm thŭng truh tơ Gileat, ưh kơ đei minh pôm pơlei tih ayơ mă pơm kơjăp dêh 'bơ̆t anăp lu bơ̆n; Kră Yang 'Bok Kei-Dei lu bơ̆n jao đĭ lu pơlei noh ăn kơ bơ̆n.

Both 20:16

Mă-lei lăm pơlei lu adrĕch 'nâu, mă Kră Yang 'Bok Kei-Dei ăn boih kơ iĕm bơ̆jang sa, na iĕm athei pơlôch đĭ sem kiơ dui jơhngơ̆m.

Both 3:2

Mă-lei Kră Yang khan kơ inh: Ih 'nĕ hli kơ sư ôh, yua kơ Inh jao sư, đĭ-đăng kon pơlei păng dêh sư lăm tơpang ti iĕm boih; iĕm gô pơm kơ sư kư̆m thoi iĕm pơm boih kơ Sihôn, pơtao đe Amôrit, mă oei tơ pơlei Hesbôn.

Both 6:19

Kră Yang gô puh lê̆ đĭ lu bơngai ayăt đơ̆ng anăp iĕm kư̆m thoi Sư đei pơkă boih.

Both 9:3

Mă-lei iĕm athei băt tơpă: Kră Yang 'Bok Kei-Dei iĕm năm adrol kơ iĕm, nhen thoi pla ŭnh khơ̆ng dơhlông sa, Kră Yang boih Sư gô pơlôch pơrăm lu sư. Pơm kơ lu sư chu thuơ, lu iĕm gô pơlôch lu sư 'mônh đĕch, thoi Kră Yang đei pơkă hăm lu iĕm.

Jôsuê 1:4

Teh lu iĕm să iŏk đơ̆ng tơmăn glă păng kông Liban âu truh tơ đak Krong Tih, noh krong Ơphrat păng đĭ kơ dêh char kon pơlei Hêtit, truh tơ đak Dơsĭ Tih tơ gah 'năr mơ̆t.

Jôsuê 10:19

Mă-lei lu iĕm 'nĕ kơ gô, druh blah lu linh ayăt, blah lu linh sư đơ̆ng gah rŏng, 'nĕ ăn kơ lu sư brŏk mơ̆t tơ pơlei lu sư, yua kơ Kră Yang 'Bok Kei-Dei iĕm jao ăn boih lu sư lăm tơpang ti lu iĕm.

Jôsuê 10:8

Kră Yang khan kơ Jôsuê: 'Nĕ kơ hli kơ lu sư, yua kơ Inh jao ăn boih lu sư lăm tơpang ti ih, ưh kơ đei bu kĕ tơblah hăm ih ôh.

Jôsuê 13:6

oei đei kon pơlei oei tơ char tơring kơpal kông, đơ̆ng Liban truh tơ Misrêpôtmaim, noh lu kon pơlei Siđôn. Inh gô puh tơweh lu sư, đơ̆ng anăp măt lu bơngai Isơrael. Ăn teh noh kơ Isơrael jang sa, kiơ̆ thoi inh đei tơtă boih kơ ih.

Jôsuê 2:24

Bre sư roi ăn kơ Jôsuê: “Tơpă boih, Kră Yang jao ăn pơlei noh lăm ti lu bơ̆n, đĭ-đăng kon pơlei lăm tơring noh hli tơrơ dêh kơ lu bơ̆n.”

Jôsuê 21:44

Thoi noh Kră Yang ăn tơdrong pơdơh, hiôk-hian kiơ̆ thoi Kră Yang đei pơkă pơkăm hăm 'bok păng adrĕch adrung lu sư, ưh kơ đei lu ayăt ayơ mă gơh kĕ tơblah hăm lu sư. Kră Yang jao boih ăn đĭ-đăng lu ayăt lăm tơpang ti lu sư.

Jôsuê 23:14

Âu, dang ei inh wă năm kiơ̆ boih trong mă đĭ-đăng kơ kon bơngai năm; lu iĕm băt boih đĭ lăm jơhngơ̆m klơm klak kơ nơ̆r 'lơ̆ng mă Kră Yang 'Bok Kei-Dei đei pơkă khan kơ lu iĕm, ưh kơ đei minh nơ̆r ayơ glăi, đĭ-đăng gô pơsĭt trŏ ngăl; ưh kơ đei minh nơ̆r ayơ hiong.

Jôsuê 24:11

Na lu iĕm tŏk kơ đak Krong Jôrđăn truh tơ pơlei Jêrikô, lu kon pơlei bơngai Jêrikô wă blah lu iĕm kư̆m thoi kon pơlei Amôrit, kon pơlei Pêrêsit kon pơlei Kanaan, kon pơlei Hêtit, kon pơlei Girgasit, kon pơlei Hêwit păng kon pơlei Jêbus, mă-lei Inh jao lu sư lăm tơpang ti lu iĕm.

Jôsuê 24:12

Inh wơh lu ong druh lu sư 'bơ̆t anăp lu iĕm, thoi druh 'bar 'nu pơtao kon pơlei Amôrit, thoi noh lu iĕm ưh pă kăl yua đao gưm hră đơ̆ng.

Jôsuê 24:18

Kră Yang đei pơpuh tơweh boih 'bơ̆t anăp lu nhôn lu adrĕch adrung, kon pơlei Amôrit mă oei lăm char 'nâu lu nhôn wă chu yom kơ Kră Yang, yua kơ Sư boih Kră Yang 'Bok Kei-Dei lu nhôn.”

Jôsuê 24:8

Inh chông lu iĕm mơ̆t lăm char kon pơlei Amôrit oei gah hơlĕch kơ đak Krong Jôrđăn; lu sư tơblah hăm lu iĕm mă-lei. Inh jao lu sư lăm tơpang ti lu iĕm inh pơlôch lu sư 'bơ̆t anăp lu iĕm na lu iĕm blah iŏk teh đak lu sư.

Jôsuê 8:18

Kơplah noh Kră Yang khan kơ Jôsuê: Yơ̆r tơju ih, tơ gah pơlei Ahi, Inh jao ăn pơlei noh lăm tơpang ti ih, Jôsuê hiŏng yơ̆r tơju sư tơklă pơlei Ahi.

Jôsuê 8:7

lu iĕm lĕch đơ̆ng anih iĕm răp iung kơdâu năm mơ̆t blah iŏk pơlei; Kră Yang 'Bok Kei-Dei lu bơ̆n gô ăn pơlei noh tơ lăm tơpang ti lu bơ̆n.

Jôsuê 9:7

Mă-lei kon pơlei Isơrael tơl lu bơngai Hêwit: Băt lu iĕm oei jê̆ lu nhôn. Pơm liơ bơ̆n gơh pơgơ̆p băl?

Lu 1:4

Thoi noh lu bơngai Juđa năm, Kră Yang jao kon pơlei Kanaan păng kon pơlei Phêrêsit lăm ti lu sư; tơ Bêsek sư blah pơlôch mơjĭt-rơbâu 'nu bơngai.

Lu 11:21

Na Kră Yang 'Bok Kei-Dei lu bơngai Isơrael pơjao, Sihôn păng đĭ-đăng lu linh sư lăm ti bơngai Isơrael; tơblah jei lu bơngai Isơrael, thoi noh na lu sư iŏk đĭ-đăng dêh char Amôrit hăm lu bơngai mă oei lăm char noh.

I Sam 23:4

Đawit krao apinh dơ̆ng Kră Yang; Kră Yang tơl sư: Iung bĕ, jur năm tơ Kêila; Inh gô jao kon pơlei bơngai Philistin lăm tơpang ti ih.