Le 22:4 - Sơ̆p Hlabơar Nơ̆r 'Bok Kei-Dei

⁴ Dah tơmam mă bơngai tơtông kah đei iŏk, rơmo, aseh, dah triu, oei 'bôh arih lăm tơpang ti sư, lei bơngai tơtông khŏm duh hơgăt 'bar.

Le 22:4 ပူးပေါင်းရင်းမြစ်များ

Le 21:16

Bơngai bu rôp tơtông bơngai păng tĕch, dah oei rôp bơwei lăm ti sư, đe gô sek pơlôch sư.

Le 22:1

Bơngai bu tơtông klĕ rơmo dah triu, klaih kơ noh pơlôch dah tĕch lê̆, sư athei duh pơđăm tŏ rơmo ăn kơ đơ̆ng minh pôm rơmo păng puăn tŏ triu ăn kơ đơ̆ng minh pôm triu,

Le 22:5

Tơdah bu ngơ̆r pơrăm achăng sem dơrong sư chă sa tơ lăm na chŭn đe dah lăm pơgar hơmu, bơngai 'noh athei iŏk tơmam 'lơ̆ng hloh đơ̆ng lăm chŭn mir sư, dah đơ̆ng lăm pơgar hơmu sư na duh kơ đe.

Le 22:7

Tơdah bơngai bu pơjao jên dah tơmam ăn kơ bôl buăl sư wei, na đei bơngai tơtông đơ̆ng hnam bơngai wei 'noh, dah đei rôp bơngai tơtông 'noh sư athei duh hloh 'bar wơ̆t.

Le 22:9

Lăm tơdrong tơmam hiong đe oei pơjah băl gah kon rơmo, aseh, minh pôm kon triu, hơbĕn ao dah tơmam kiơ hiong, na đei bơngai khan: Noh tơmam inh tơpă athei anhăk ba bre sư 'noh 'bơ̆t anăp sek tơlang đơ̆ng Kră Yang 'Bok Kei-Dei, dah 'bok sek tơlang khan trŏ kơ bu noh athei duh ăn kơ buăl sư hloh 'bar 'măng,

Tơdrông Pơđơk 6:31

Dah đe đei rôp sư athei duh tơpơh wơ̆t hloh; Sư gô ăn đĭ-đăng mŭk tơmam sư đei đơ̆ng lăm hnam.

Êsai 40:2

Pơma bĕ kơ pơlei Jêrusalem mă hiôk păng roi khan tơdrong lu sư pơm đĭch tôch đĭ bơih, tơdrong yoch lu sư mơnat ăn bơih, lu sư chu iŏk bơih đơ̆ng ti Kră Yang mơnat 'bar wơ̆t hloh kơ tơdrong yoch lu sư.

Je 16:18

Inh gô pơm 'mong kơ lu sư 'bar wơ̆t hloh, tơdrong yoch kơnê̆ lu sư pơm, yua kơ lu sư pơm 'mê̆-'mach kơ teh đak păng tơdrong jang Inh 'bĕnh hăm akâu lôch lu tơmam Inh areh,

Lêwi 6:5

Dah tơmam đêl sư pơkăm pơkă hơlĕnh, sư athei pơdrâu mă tôm 'blep. Đơ̆ng noh sư athei 'mong dơ̆ng minh lăm pơđăm, kiơ̆ kơ tơdrong gĭt sư, ăn kơ tơ'ngla tơmam noh lăm năr mă sư pơyơ̆r tơmam soi huai đơ̆ng yoch sư pơm.

Tơdrông Tơ'bôh 18:6

Mă sư pơm kơnê̆ dang yơ, gô pơm 'mong kơ sư phak sư dang noh, athei pơm tơwih kơ sư 'bar wơ̆t hloh. Sư pơgŏ iĕm et sik kơnê̆, minh tuh 'mong kơ sư, thim 'bar pơnhan hloh kơ sư tuh kơ iĕm.

I Sam 12:5

Sư khan dơ̆ng: Kră Yang pơm kơdranh kơ iĕm; bơngai mă Sư tuh đak rơmă kư̆m pơm kơdranh kơ iĕm ưh kơ đei 'bôh kiơ lăm ti inh. Lu sư tơl: Hơpơi kơ Kră Yang pơm kơdranh kơ bơ̆n.