Le 22:28 - Sơ̆p Hlabơar Nơ̆r 'Bok Kei-Dei

²⁸ Ih 'nĕ kơ pơma kơnê̆ 'bơm Kră Yang 'Bok Kei-Dei păng kư̆m 'nĕ kơ hiap pơtê̆ yŏng pơlei pơla ih.

Le 22:28 ပူးပေါင်းရင်းမြစ်များ

II Sam 16:5

Pơtao Đawit 'nao truh tơ pơlei Bahurim, 'bôh minh 'nu bơngai lĕch đơ̆ng lăm pơlei noh, anăn sư Simêi, kon drŏ-nglo Gêra, sư đơ̆ng adrĕch adrung Sôl na năm rah hiap rah.

II Sam 16:9

Đơ̆ng noh Abisai, kon drŏ-nglo Sêruia, khan kơ pơtao: “Liơ kŏ lôch 'nâu pơ̆n hiap pơtao yŏng tơ'ngla inh? Apinh pơtao lê̆ kơ inh năm chơ̆ng kơ̆l sư.”

II Sam 19:21

Abisai, kon drŏ-nglo Sêruia, tơl khan: “Simêi ưh kơ trŏ pơlôch sư yua kơ tơdrong noh hă? Sư bơngai hiap pơtê̆ tơ'ngla mă Kră Yang rơih iŏk!”

I Pot 21:10

Athei ăn 'bar 'nu bơngai pơm kơdranh hơlĕnh hơ-oei 'bơ̆t anăp sư, 'bar 'nu pơm kơdranh hơlĕnh khan. Nabôt hiap Kră Yang 'Bok Kei-Dei păng hiap pơtao. Đang kơ noh athei dui tơlĕch sư tơ jih pơlei klơ̆m pơlôch sư păng tơmo.”

Horiso 138:1

Inh hơri bơnê kơ Ih hăm đĭ jơhngơ̆m. Hơri bơnê kơ Ih 'bơ̆t anăp lu yang.

Horiso 32:6

Thoi noh lu bơngai tơpătc băt chu yom krao khan kơ Ih. Lăm jơ mă oei gơh tơ'bơ̆p hăm Ih, Mă khan đei đak lơ̆p rai tih, kư̆m ưh kơ đei lơ̆p truh tơ sư.

Le 13:12

na ih athei pơyơ̆r ăn Kră Yang lu kon kơdră drŏ-nglo hăm lu kon tơno tuh blŭng-a lăm sem dơrong, yua kơ lu sư gô jing gah Kră Yang ngăl.

Le 13:2

Lăm kon pơlei Isơrael mă bơngai dah sem dơrong, athei pơyơ̆r 'măn lê̆ kơ Inh dôm kon kơdră yua kơ kon kơdră noh gah Inh.

Le 21:17

Bơngai bu blei hiap 'bă dah mĕ sư kơdih, đe gô sek pơlôch sư,

Le 23:16

Ih athei wei năr 'blŏk hơdơ̆r kơ bơyan phĕ kĕch yuă wă khan bơyan plei 'long blŭng-a đơ̆ng ih bơ̆jang păng dôm adrĕch ih rei boih tơ chŭn mir; păng 'blŏk hơdơ̆r kơ bơyan phĕ kĕch yuă wă hlôi, kơplah lu iĕm đei phĕ kĕch yuă plei đơ̆ng chŭn mir,

Le 23:19

Dôm lu plei bơyan blŭng-a đơ̆ng teh, athei năm ba tơ hnam Kră Yang 'Bok Kei-Dei iĕm, iĕm 'nĕ kơ pai hơbĭ bơbe triu kon lăm đak toh mĕ sư.

Bôk Bơthô 10:20

Mă khan lăm tơdrong ih tơchĕng, ih 'nĕ kơ hiap pơtê̆ pơtao ôh; mă khan lăm anih ih tep, ih kư̆m 'nĕ kơ hiap lu bơngai mơdrŏng mơng; yua kơ lu sem păr anhăk pơđông roi tơdrong ih pơm tơ ataih.

Lêwi 24:11

Kon bơngai drŏ-kăn Isơrael noh pơma blông păng hiap kơ anăn Kră Yang đe chông ba sư tơ Môis. Anăn mĕ sư Sôlômit, kon yă Dibri, đơ̆ng adrĕch adrung Đan.

Lêwi 24:15

Păng khan bĕ kơ kon pơlei pơla Isơrael, bơngai hiap Kră Yang 'Bok Kei-Dei sư gô pŭ iŏk tơdrong phak đơ̆ng tơdrong yoch sư kơdih.

Lêwi 24:16

Bu pơma blông kơ anăn Kră Yang; đe gô pơlôch sư, kon pơlei gô klơ̆m sư păng tơmo. Mă khan bơngai đơ̆ng tơmoi nai, dah bơngai kon pơlei sư kơdih, mưh pơma blông kơ Anăn Kră Yang đe gô pơlôch đĭ.

Jang 23:3

Pôl pơma kơ 'bok soi tơm ei khan: “Ih athei đe tap inh, na 'Bok Kei-Dei gô tap ih mơ̆n, ih bơngai 'bơ̆r đak klak ŭnh. Ih sek tơlang tơdrong inh kiơ̆ kơ tơdrong juăt bơ̆n ră, mă-lei ih athei đe tap inh; ih pơm thoi noh ưh kơ trŏ kơ tơdrong juăt bơ̆n ôh. 'Noh ih dơ̆ng pơm yoch kơ tơdrong juăt bơ̆n.”

Jang 23:5

Pôl khan: “Ơ lu 'nhŏng oh, inh ưh kơ băt kơ sư 'bok soi tơm ôh. Inh băt mơ̆n sơ̆p hla bơar 'Bok Kei-Dei chih athei bơ̆n 'nĕ pơma hơwĕng kơ kră pơgơ̆r lu bơ̆n.”

I Pet 2:17

Bơ̆n athei pơhiôk jơhngơ̆m đe ling-lang, băt 'mêm mơnat kơ lu 'nhŏng oh bơngai lui, chu kơ 'Bok Kei-Dei hli kơ bơ̆n pơm ưh kơ lăp kơ Sư păng bơ̆n athei chu yom kơ 'bok pơtao tơm mơ̆n.

II Pet 2:10

Mă loi lu bơngai mă hưch hanh kơ pơm tơdrong kơnê̆ kư̆ kă, lu sư ưh kơ băt chu yom kơ yŏng tơ'ngla kơdih, lu bơngai noh Sư hil dêh. Lu 'bok bơtho mơ'nah lu sư juăt kơ pơm thoi noh. Lu sư pơma kư̆ kă ưh kơ băt hli kơ đe păng ưh kơ băt mơlâu kơ đe. Lu sư kư̆m ưh kơ hli kơ pơma kơnê̆ kơ lu linh jang mơ̆n.

Ju 1:8

Na lu bơngai mă pơhlŭ iĕm noh, lu sư khan lu sư apo 'bôh tơdrong sĭt tơdrong trŏ khan pơm kư̆ kă kư̆m bưh, ưh kơ chu yom kơ yŏng bơ̆n kư̆m bưh, pơma kơnê̆ kơ lu linh jang kư̆m bưh.

I Sam 24:10

To, lăng bĕ măt ih 'bôh năr 'nâu lăm hơgơp tơmo Kră Yang jao ih lăm tơpang ti inh, đei bơngai athei inh pơlôch ih, mă-lei inh mơnat kơ ih, na khan inh ưh kơ pơm kiơ kơ akâu jăn yŏng inh yua kơ sư jơ̆ đơ̆ng Kră Yang tuh ăn đak rơmă.

I Sam 24:6

Sư khan kơ lu bơngai kiơ̆ sư: Hơpơi kơ Kră Yang phak inh tơdah inh pơm yoch hăm yŏng tơ'ngla inh, bơngai mă chu tuh đak rơmă đơ̆ng Kră Yang, yua kơ sư jơ̆ bơngai chu tuh đak rơmă đơ̆ng Kră Yang.

I Sam 26:9

Mă-lei Đawit khan kơ Abisai: 'Nĕ kơ pơlôch sư, kơnh ih đei tơdrong glăi, yua kơ sư bơngai mă đơ̆ng Kră Yang 'Bok Kei-Dei tuh ăn đak rơmă.