Le 22:25 - Sơ̆p Hlabơar Nơ̆r 'Bok Kei-Dei

²⁵ Tơdah lu iĕm ăn kơ lu 'nhŏng oh dơnuh tŏk iŏk jên, 'nĕ kơ iŏk jên kiĕng thoi bơngai juăt ăn đe tŏk iŏk.

Le 22:25 ပူးပေါင်းရင်းမြစ်များ

II Pot 4:1

Đei minh 'nu drŏ-kăn, sư 'noh akăn minh 'nu bơngai lăm lu bơngai khan lê̆ adrol năm nhơ̆m hơdrĭ 'bơ̆t anăp Êlisê: “Klo inh mă đĭch đam ih, sư lôch bơih; ih băt sư bơngai hli yom kơ Kră Yang. Đei minh 'nu bơngai, nhôn hre kơ sư, na sư năm tơ hnam nhôn, wă rôp 'bar 'nu hơ'lơ̆p inh pơm đĭch sư.”

II Pot 4:7

Kơplah ei, duch noh roi ăn kơ Êlisê bơngai mă Kră Yang 'Bok Kei-Dei yua, na Êlisê khan kơ lu sư. “Ih tĕch bĕ đak rơmă ôliwơ na pơdrâu ăn tôm hĭ đêl iĕm hre đom ei, na oei rơkah noh ih iŏk yua 'me rong hnam dơnŏ ih.”

Ne 5:7

Inh kư̆m hiơ̆k gah tơdrong noh, 'maih chrih kơ lu bơngai mơdrŏng păng lu bơngai pơm kuan tih: Inh khan: Lu iĕm chă jên kiĕng đơ̆ng lu 'nhŏng oh bơ̆n! Inh pơtơm akŭm minh khŭl lơ wă jet lu sư.

Horiso 15:5

Sư ăn kơ đe iŏk mưng jên mă-lei huay kơ chă lơi, Ưh kơ wă iŏk sa pơgâm, wă pơrăm lu bơngai tơpăt. Bơngai bu mă pơm thoi noh ưh kơ hli tơtơ̆.

Tơdrông Pơđơk 28:8

Bơngai bu pơm kơ mơdrŏng rai tŏk iŏk đơ̆ng sa kiĕng lơ. Jên kăk răt pơpôi ăn kơ bơngai băt mơnat kơ lu dơnuh hin.

Je 15:10

Răm-'băm kơ inh ơ mĕ, yua kơ ih tơpŭ boih kơ inh, Jing minh 'nu bơngai wă pơjah pơjăng hăm bơngai lăm teh đak âu! Inh ưh kơ đei ăn bu mưng, inh kư̆m ưh kơ đei mưng đơ̆ng đe, mă-lei lu sư hiap inh.

Êsêkiên 18:13

ăn tŏk iŏk sa lơi adrol păng iŏk lơi lơ, kon sư noh hăm gơh arih ưh? Sư ưh kơ đei arih ôh! Yua kơ sư hlôi pơm yoch dôm tơdrong kơnê̆, tơpă sư gô lôch păng pham sư gô tuh kơ kơ̆l sư.

Êsêkiên 18:17

Ti ưh kơ đei pơm kơnê̆ kơ lu bơngai dơnuh, ăn kơ đe tŏk iŏk ưh kơ đei iŏk lơi adrol dah iŏk lơi lơ, Chu wei răk nơ̆r Inh tơtă păng pơm kiơ̆ khôi juăt Inh, sư ưh kơ lôch ôh yua kơ tơdrong yoch kơnê̆ đơ̆ng 'bă sư, tơpă sư gô đei tơdrong arih.

Êsêkiên 18:7

Ưh kơ pơjuă pơđep bu, pơdrâu tơmam kơ lu bơngai đêl iŏk hre, ưh kơ tơtông tơmam đe, ăn 'bĕng sa kơ lu bơngai pơngot, ăn ao hrŭk kơ lu bơngai koh hoh.

Êsêkiên 18:8

Ăn kơ đe tŏk iŏk ưh kơ iŏk lơi adrol ưh kơ iŏk lơi lơ, ưh kơ mơ̆t hơdai lu bơngai pơm ưh kơ 'lơ̆ng tơpăt, sek tơlang tơpăt lăm tơduă kon bơngai.

Êsêkiên 22:12

Lăm ih đei bơngai iŏk sa pơgâm wă pơm tơdrong đei tuh pham, ăn đe tŏk iŏk đei iŏk lơi adrol păng iŏk jên kon lơ dêh; ih pơjuă sa lu bơngai jê̆ ih păng ih hiơt kơ Inh, Kră Yang khan thoi noh.

Am 2:8

Lu sư 'bĭch jê̆ tơ chơnang soi, kơpal ao tai đe iŏk boih wă pơm tơmam pơkơ̆ng păng iŏk huch sa sik đêl đe duh tơ hnam yang sư.

Mathiơ 25:27

Lei ih kuă kơ kiơ ăn kơ đe mơng, wă kơ ih đei lơi? Mưh inh năm iŏk na ih pơdrĕo jên mă inh ăn kơ ih păng jên mă ih đei lơi.’

Luka 19:23

Lei ih kuă kơ kiơ ăn kơ đe mơng, wă kơ đei lơi. Mưh inh năm iŏk na ih pơdrĕo jên mă inh ăn păng jên mă ih lơi noh?’

Both 15:7

Mă-lei tơdah lăm dêh mă đơ̆ng Kră Yang 'Bok Kei-Dei asong ăn, oei đei bơngai dơnuh hin, na 'nĕ kơ kret kơ lu bơngai noh.

Both 24:13

tơdah pơkơ̆ng ao tai athei pơdrâu ăn kơ bơngai noh adrol kơ măt 'năr mơ̆t, wă kơ sư tep đei ao sư hrŭk tep, lei na sư bơnê kơ iĕm, jô̆ iĕm bơngai 'lơ̆ng tơpăt 'bơ̆t anăp Kră Yang 'Bok Kei-Dei iĕm.