Le 22:23 - Sơ̆p Hlabơar Nơ̆r 'Bok Kei-Dei

²³ Tơdah lu iĕm pơm kơnê̆ kơ sư, na sư ôr krao truh tơ Inh, sĭt Inh gô kơtơ̆ng nơ̆r sư krao;

Le 22:23 ပူးပေါင်းရင်းမြစ်များ

Jop 34:28

Pơm kơ nơ̆r lu bơngai dơnuh hin ôr krao kơtơ̆ng truh tơ Kră Yang. Păng Kră Yang kơtơ̆ng nơ̆r bơngai pơmat-tat ôr krao.

Jop 35:9

Kon bơngai đe pơjuă pơđep trăp dêh ôr krao. Lu sư ôr krao wă kơ dŏng pơklaih đơ̆ng ti lu bơngai pran kơtang.

Horiso 10:14

Kră Yang 'bôh boih, tơdrong răm, pơmat-tat hăm tơdrong gleh, Na ti Ih pơm tơwih kơ lu sư. Lu bơngai răm-'băm jao akâu lu sư tơ Kră Yang; Kră Yang jơ̆ Tơ'ngla tơgŭm lu bơngai mơti.

Horiso 140:12

Inh băt Kră Yang gô bơwei lu bơngai pơmat-tat. Sek tơlang tơpăt kơ bơngai dơnuh hin.

Horiso 145:19

Sư ăn tôm mah kơ lu đe bu hli yom kơ Sư. Kŭm mơ̆ng nơ̆r lu sư krao apinh păng dŏng pơklaih lu sư.

Horiso 18:6

Lăm năr hơnat hơnot inh krao chă Kră Yang. Inh krao apinh Kră Yang 'Bok Kei-Dei inh: Đơ̆ng anih Pơtao Sư, Sư kơtơ̆ng nơ̆r inh, Păng nơ̆r inh krao truh tơ đon Sư.

Horiso 68:5

Kră Yang 'Bok Kei-Dei oei tơ anih rơgoh. Sư jing 'Bă kơ lu mơti, Păng jing Tơ'ngla wei lu drŏ-kăn adro.

Le 22:27

yua kơ sư đei ao lăp klơ̆p akâu đĕch; tơmam yă kiơ dơ̆ng sư wă tep, tơdah sư ôr krao Inh, Inh gô mơ̆ng nơ̆r sư yua kơ Inh boih Tơ'ngla mă 'mêm mơnat.

Nhom 5:3

Lu nhôn jing mơti 'bă. Mĕ lu nhôn jing adro po.

Luka 18:7

Pơma kơ kiơ kơ 'Bok Kei-Dei Sư gô tơdŏng tơpă lu bơngai mă Sư đĭ rơih boih mă oei krao khan kơ Sư măng năr. 'Bok Kei-Dei hăm ngê̆ gô đunh ưh?

Both 10:18

Sư tơgŭm lu bơngai mơti păng bơngai adro po, 'mêm mơnat kơ bơngai tơmoi, ăn tơmam sa păng hơbĕn ao kơ lu sư.

Both 15:9

Kơchăng bĕ, 'nĕ kơ răk mong tơchĕng kơnê̆ 'nâu: Sơnăm mă tơpơh jơ̆ sơnăm ăn rơngei wă truh boih! Kơchăng bĕ, wă kơ iĕm huay kơ đei jơhngơ̆m kơnê̆ hăm lu 'nhŏng oh iĕm bơngai dơnuh hin, ưh kơ ăn lu sư gơh tŏk iŏk kiơ, kơnh lu sư krao ôr Kră Yang tơmăk kơ iĕm, iĕm gô đei tơdrong yoch.

Both 24:15

Iĕm athei apah ăn kơ bơngai noh lăm năr sư jang hloi adrol kơ 'năr mơ̆t; yua kơ bơngai dơnuh noh sư chang kơ tơmam apah noh, kơnh hli kơ bơngai noh krao ôr truh tơ Kră Yang na lu iĕm gô pŭ yoch.

Ya 5:4

Lu bơngai jang kơ mir iĕm, kĕch 'ba iĕm, iĕm drơ̆ng kơ apah sư, mă iĕm ưh kơ apah, iĕm hơlĕnh pơ'brơh kơ sư, na 'bơ̆r lu sư nhơ̆m hmoi kơtơ̆ng truh tơ Kră Yang 'Bok Kei-Dei ti.