Le 22:21 - Sơ̆p Hlabơar Nơ̆r 'Bok Kei-Dei

²¹ Ih 'nĕ kơ pơm kơnê̆ kơ lu bơngai tơmoi păng kư̆m 'nĕ kơ pơjuă lu sư, yua kơ lu iĕm kư̆m đêl jing bơngai tơmoi oei lăm dêh Êyiptơ.

Le 22:21 ပူးပေါင်းရင်းမြစ်များ

Jop 6:27

Lu iĕm hăm đei hlang lăng tơgar băl iŏk kon mơti, dah tơplih buăl iĕm iŏk tơmam?”

Horiso 146:9

Kră Yang wei-lăng lu bơngai tơmoi. Dŏng tơiung lu mơti păng adro po; Mă-lei Sư pơrăm lê̆ trong lu bơngai pơm kơnê̆.

Le 20:2

Inh Kră Yang 'Bok Kei-Dei iĕm, pơklaih boih iĕm đơ̆ng dêh Êyiptơ, đơ̆ng pơm đĭch đam.

Le 23:9

Ih 'nĕ kơ pơjuă pơđep lu bơngai tơmoi, yua kơ lu iĕm đêl tơmoi tơ dêh Êyiptơ, lu iĕm băt lăm jơhngơ̆m iĕm bơngai tơmoi thoi yơ boih.

Êsai 1:17

Pơhrăm iŏk bĕ tơdrong 'lơ̆ng, chă lu tơdrong tơpăt, tơiung lu bơngai đe pơjuă, dŏng tơgŭm lu bơngai mơti, pơma dŏng lu bơngai adro.

Je 22:3

'Nâu nơ̆r Kră Yang khan: Pơm bĕ dôm tơdrong tơpăt hơnơ̆ng tơdrong trŏ; pơklaih bĕ lu bơngai mă đe rôp đơ̆ng ti lu bơngai pơjuă pơđep. Lê̆ kơ rôp pơgŏ păng kư̆m 'nĕ pơm kơnê̆ kơ lu bơngai tơmoi, lu kon mơti 'bă păng lu yă adro 'Nĕ kơ pơlôch tuh pham kơ lu bơngai ưh kơ yoch tơ anih âu.

Je 7:6

Tơdah iĕm huay kơ pơjuă pơđep lu bơngai tơmoi, lu bơngai mơti, lu drŏ-kăn adro păng huay kơ pơlôch tuh pham lăm anih âu păng kư̆m huay kơ kiơ̆ kơkuh kơ yang nai wă pơrăm kơ iĕm kơdih,

Êsêkiên 22:7

Tơ lăm ih đei bơngai, pơjăm mĕ 'bă; pơgŏ pơđep lu tơmoi; pơjuă lu kon mơti pơm kơnê̆ kơ lu bơngai adro.

Lêwi 19:13

'Nĕ kơ pơjăm pơjuă bơngai oei cheng pleh kơ ih, 'nĕ kơ tơtông tơgar tơmam lu sư. Tơmam apah bơngai jang kơ iĕm, 'nĕ kơ wei lê̆ tơ hnam iĕm truh tơnăr dơning.

Lêwi 19:33

Tơdah bơngai tơmoi oei hơdai lăm tơring lu iĕm, 'nĕ kơ pơjuă pơm kơnê̆ kơ sư.

Lêwi 19:34

Bơngai tơmoi mă chă oei pơdơh hơdai lu iĕm, athei lăng sư thoi kon pơlei iĕm kơdih. Athei 'mêm kơ lu sư thoi iĕm 'mêm akâu kơdih; yua kơ lu iĕm kư̆m đêl jing bơngai tơmoi oei tơ char Êyiptơ sơ̆. Inh boih Kră Yang 'Bok Kei-Dei lu iĕm.

Lêwi 25:35

Tơdah 'nhŏng oh oei hơdai ih jing dơnuh hin mŭk tơmam 'me sa kơdih akâu ưh kơmah, ih athei tơgŭm 'me rong sư, mă khan sư bơngai tơmoi oei tơ âu, wă kơ sư gơh oei hơdai ih.

Sa 7:10

'nĕ pơjuă pơđep lu yă adro po, dah lu mơti mơtuei, dah lu tơmoi nai 'nao oei, dah lu bơngai dơnuh hoh păng rim 'nu mă bu bu kư̆m 'nĕ pơm đon kơnê̆ hăm lu 'nhŏng oh bơ̆n kơdih.’

Malachi 3:5

“Inh gô năm jê̆ lu iĕm wă kơ sek tơlang păng Inh gô pơm tơ'bôh wă blơ̆ lu bơngai pơm kơnê̆, lu bơngai pơm pơyô kư̆ kă, lu bơngai hơlĕnh pơdăr, lu bơngai pơgâm sa jên lu bơngai jang mưng, pơjuă lu bơngai hơdro-po păng lu bơngai mơti, lu bơngai mă pơrăm lu bơngai tơmoi păng lu bơngai mă kuă kơkuh păng hli yom kơ Inh,” mă Kră Yang Tih Hloh khan thoi noh.

Both 1:16

Kơplah ei kơnh, inh tơtă ăn kơ lu 'bok sek tơlang kơ lu iĕm; mơ̆ng bĕ tơduă 'nhŏng oh lu iĕm păng iŏk tơdrong tơpăt na sek tơlang tơdrong đei pơjah băl rim 'nu hăm lu 'nhŏng oh sư, dah hăm lu bơngai tơmoi nai mă oei hăm sư.

Both 10:18

Sư tơgŭm lu bơngai mơti păng bơngai adro po, 'mêm mơnat kơ bơngai tơmoi, ăn tơmam sa păng hơbĕn ao kơ lu sư.

Both 10:19

Lu iĕm athei 'mêm mơnat kơ lu bơngai tơmoi yua kơ lu iĕm kư̆m jing bơngai tơmoi lăm dêh Êyiptơ.

Both 15:15

Athei 'blŏk kơ iĕm đêl pơm đĭch boih lăm dêh Êyiptơ, Kră Yang 'Bok Kei-Dei dŏng pơklaih; thoi noh, năr 'nâu inh bơtho khan kơ iĕm nơ̆r tơtă 'nâu.

Both 23:16

Bơngai 'noh gơh oei hơdai hăm iĕm tơ lăm anih ayơ mă bơngai 'noh rơih, lăm minh pôm pơlei ayơ bơngai 'noh sư 'maih oei; iĕm 'nĕ kơ pơjuă pơđep bơngai 'noh.

Both 23:7

'Nĕ kơ hil areh kơ bơngai Eđôm yua kơ lu sư 'nhŏng oh iĕm, kư̆m 'nĕ kơ areh kơ bơngai Êyiptơ, yua kơ lu iĕm đêl oei lăm dêh char sư.

Both 24:17

'Nĕ kơ pơm ưh kơ tơpăt hơnơ̆ng kơ lu bơngai tơmoi dah lu bơngai mơti; kư̆m 'nĕ kơ iŏk ao tai lu yă adro pơm tơmam pơkơ̆ng.

Both 27:19

Hiap pơtê̆ bĕ kơ bơngai bu sek ưh kơ tơpăt kơ lu bơngai tơmoi, lu bơngai mơti păng lu yă adro! Đĭ-đăng kon pơlei gô khan: A-men!