Le 22:20 - Sơ̆p Hlabơar Nơ̆r 'Bok Kei-Dei

²⁰ Bơngai bu kơkuh soi sơmah kơ lu yang nai ưh kơ trŏ kơ Kră Yang đe gô pơlôch sư.

Le 22:20 ပူးပေါင်းရင်းမြစ်များ

I Pot 18:40

Êli khan kơ lu sư: “Rôp bĕ đĭ lu bơngai khan lê̆ adrol gah yang Baal, 'nĕ kơ ăn minh 'nu bơngai ayơ klaih.” Lu sư rôp hloi lu bơngai 'noh. Êli chông ba lu sư jur tơ thong đak Kisôn păng pơlôch đĭ lu sư tơ noh.

II Pot 10:25

Lăp lu sư pơyơ̆r tơmam soi 'buh pơkhôi đang bơih, Jêhu khan kơ lu linh gak păng lu yŏng tih linh: “Mơ̆t pơlôch lu sư bĕ, pơlôch pơđĭ, 'nĕ kơ ăn bu gơh lĕch.” Thoi noh na lu sư pơlôch lu đe ei hăm đao gưm, lu bơngai gak păng lu yŏng tih linh klơ̆m lê̆ atâu lu đe ei tơ 'nguaih, na mơ̆t lăm anih hnam yang Baal.

II Ho 15:13

Bu mă ưh kơ chă Kră Yang 'Bok Kei-Dei Isơrael gô pơlôch, mă 'lơ̆p mă jŏ, drŏ-nglo dah drŏ-kăn.

Le 23:9

Ih 'nĕ kơ pơjuă pơđep lu bơngai tơmoi, yua kơ lu iĕm đêl tơmoi tơ dêh Êyiptơ, lu iĕm băt lăm jơhngơ̆m iĕm bơngai tơmoi thoi yơ boih.

Le 32:8

lu sư đĭ hăt kơ tơklah boih đơ̆ng trong Inh đei tơtă ăn kơ lu sư. Lu sư man pơm rup kon rơmo kơdih lu sư bơih, lu sư kơkuh păng pơyơ̆r tơmam soi kơ rup noh, klaih kơ noh lu sư khan; Ơ bơngai Isơrael, 'nâu yang ih, tơ'ngla mă đei chông tơlĕch ih đơ̆ng char Êyiptơ!

Le 34:15

'Nĕ kơ pơgơ̆p hơdai hăm lu bơngai tơ lăm char noh. Mưh lu sư pơm pơyô kư̆ kă kơplah lu sư pơm yang, sư pơtơm ih sa, đơ̆ng noh ih gô sa hloi tơmam sư pơm yang.

Êsêkiên 20:7

Inh khan kơ lu sư: “Rim 'nu lu iĕm athei hŭt lê̆ rup yang kơnê̆ krưp mă măt lu iĕm 'maih lăng; 'nĕ pă pơm 'mê̆-'mach kơ lu iĕm kơdih yua kơ đơ̆ng lu yang Êyiptơ! Inh boih Kră Yang 'Bok Kei-Dei lu iĕm.

Lêwi 17:7

Kon pơlei Isơrael ưh pă pơyơ̆r tơmam soi lu sư kơ yang kơnê̆ păng ưh pă tơ'bưh pơm pơyô kư̆ kă hăm lu sư dơ̆ng. Noh jing tơdrong juăt ling-lang kơ lu sư lăm đĭ chăl đơ̆ng rŏng.

Lêwi 19:33

Tơdah bơngai tơmoi oei hơdai lăm tơring lu iĕm, 'nĕ kơ pơjuă pơm kơnê̆ kơ sư.

Malachi 3:5

“Inh gô năm jê̆ lu iĕm wă kơ sek tơlang păng Inh gô pơm tơ'bôh wă blơ̆ lu bơngai pơm kơnê̆, lu bơngai pơm pơyô kư̆ kă, lu bơngai hơlĕnh pơdăr, lu bơngai pơgâm sa jên lu bơngai jang mưng, pơjuă lu bơngai hơdro-po păng lu bơngai mơti, lu bơngai mă pơrăm lu bơngai tơmoi păng lu bơngai mă kuă kơkuh păng hli yom kơ Inh,” mă Kră Yang Tih Hloh khan thoi noh.

Jo 21:3

Kră Yang iŏk nơ̆r apinh đơ̆ng kon pơlei Isơrael na jao ăn kon pơlei Kanaan. Đe pơlôch đĭ kon pơlei păng pơrăm đĭ lu pơlei tih sư, anăn anih 'nâu Hormaa

Both 10:18

Sư tơgŭm lu bơngai mơti păng bơngai adro po, 'mêm mơnat kơ bơngai tơmoi, ăn tơmam sa păng hơbĕn ao kơ lu sư.

Both 18:20

Tơdah đei bơngai khan lê̆ adrol đei jơhngơ̆m pơang yua anăn Inh pơma dôm tơdrong kiơ mă Inh ưh kơ athei sư pơma, dah yua anăn lu yang nai, na lu bơngai thoi noh trŏ kơ pơlôch.

Both 23:8

Kon sâu lu sư jơhnơr mă pêng ăn gơh mơ̆t lăm khŭl kon pơlei Kră Yang.

Both 24:17

'Nĕ kơ pơm ưh kơ tơpăt hơnơ̆ng kơ lu bơngai tơmoi dah lu bơngai mơti; kư̆m 'nĕ kơ iŏk ao tai lu yă adro pơm tơmam pơkơ̆ng.