Le 22:18 - Sơ̆p Hlabơar Nơ̆r 'Bok Kei-Dei

¹⁸ Ih 'nĕ kơ lê̆ minh 'nu drŏ-kăn pơjâu arih ôh.

Le 22:18 ပူးပေါင်းရင်းမြစ်များ

Êsai 19:3

Lu đe Êyiptơ gô rơdu, inh gô pơrăm lê̆ tơdrong tơdă lu sư hơmet wă pơm, lu sư gô krao chă lu rup yang, lu pơjâu, lu pơjâu pơma dơnuh hăm bơhngol bơngai lôch, lu pơjâu tơwir.

Je 27:10

Lu sư bơtho khan lê̆ adrol hơlĕnh, tơdah lu iĕm lui kơ lu sư đe chông ba lu iĕm ataih đơ̆ng teh đak iĕm, na Inh pơpuh tơlĕch lu iĕm păng lu iĕm gô lôch hiong đĭ.

Je 27:9

Bĕ iĕm, iĕm 'nĕ pă mơ̆ng lu bơngai khan lê̆ adrol iĕm, lu pơjâu chă pơma hăm Yang păng pơjâu juăt tơlang tơdrong apo, lu pơjâu chă pơma hăm atâu, lu 'bok lăng tơdra sơnglŏng păng đĭ lu pơjâu hơlĕnh kơ lu iĕm khan: ‘Lu iĕm ưh kơ đei pơm đĭch bơ̆jang kơ pơtao Babilôn ôh.’

Lêwi 18:23

'Nĕ kơ 'bĭch pơm kư̆ kă hăm kon sem brem. Na pơm kơdih akâu 'mê̆-'mach hăm sư, bơngai drŏ-kăn kư̆m 'nĕ ăn akâu sư kơ kon sem brem wă 'bĭch pơm kư̆ kă hăm sư; noh jing minh tơdrong pơm kơnê̆ dêh.

Lêwi 19:26

Lu iĕm 'nĕ kơ sa 'nhĕm mă oei đei pham, 'nĕ kơ pơm pơjâu chă tơwir lăng tơdra.

Lêwi 19:31

'Nĕ kơ năm tơ lu bơngai mă juăt kơ pơma hăm yang kơnê̆ dah lu pơjâu, 'nĕ kơ chă apinh lu sư ôh kơnh pơm kơ iĕm jing kơnê̆ đơ̆ng lu sư, Inh boih Kră Yang 'Bok Kei-Dei lu iĕm.

Lêwi 20:27

Bơngai drŏ-nglo dah drŏ-kăn pơm pơjâu dah pơm pơma hăm yang kơnê̆, đe gô pơlôch sư, klơ̆m sư păng tơmo, pham lu sư gô tuh tơ lu sư kơdih.

Lêwi 20:6

Tơdah bu năm lăng tơ pơjâu păng bơngai pơma hăm yang kơnê̆ lui kiơ̆ na pơm pơyô ngôi kư̆ kă hăm lu sư, Inh gô hil mĭl kơ bơngai noh păng gô puh tơweh sư lĕch đơ̆ng kon pơlei pơla sư.

Jang 19:19

Đei lơ bơngai pơm pơjâu nai dơ̆ng, lu sư năm tơ Pôl chĕp ba sơ̆p hla bơar tơdrong pơjâu sư, na soh lê̆ sơ̆p hla bơar ei 'bơ̆t anăp lu kon pơlei pơla hloi. Đe jô̆ jên răt hla bơar ei sơ̆ đei pơđăm-jĭt rơbâu jên hu.

Galati 5:20

sư oei kơkuh kơ yang so, sư pơm pơjâu chă sol đe; sư kơnam băl tơdrong, sư tôn teh băl, sư tơgar băl, sư hil kơ đe, sư kret, sư kuă kơ jang hơdai đe, sư wă tơklah kiơ̆ tơdrong sư kơdih,

Both 27:21

Hiap pơtê̆ bĕ kơ bơngai bu 'bĭch hăm minh pôm kon sem brem! Đĭ-đăng kon pơlei gô khan: A-men!

Tơdrông Tơ'bôh 22:15

Lu bơngai pơm kơnê̆, lu bơngai pơm pơjâu chă sol đe, lu bơngai pơm pơyô kư̆ kă, lu bơngai pơlôch đe, lu bơngai kơkuh kơ yang nai păng dôm lu bơngai mă hơlĕnh kơ đe ưh kơ gơh mơ̆t ôh.

I Sam 28:3

Kơplah noh, Samuel lôch boih đĭ lu bơngai Isơrael nhơ̆m hmoi kơ sư păng 'bŭ sư tơ Rama, pơlei sư kơdih. Sôl puh tơweh đĭ lu bơngai pơm pơjâu.

I Sam 28:9

Bơngai drŏ-kăn tơl: Ih băt hơđăl boih dôm tơdrong Sôl pơm, sư pơlôch pơđĭ lu bơngai mă pơm pơjâu. Na, liơ ih pơm hơđong wă pơlôch inh?