Le 20:24 - Sơ̆p Hlabơar Nơ̆r 'Bok Kei-Dei

²⁴ Ih athei pơm kơ Inh minh pôm chơnang soi păng teh, kơpal noh athei pơyơ̆r tơmam soi 'buh hăm tơmam soi hiôk-hian triu dah rơmo, tơ rim anih ayơ mă Inh ăn athei 'blŏk hơdơ̆r kơ Anăn Inh, Inh gô năm tuh ăn tơdrong pŭn hiôk kơ ih tơ noh.

Le 20:24 ပူးပေါင်းရင်းမြစ်များ

Bl 12:2

Inh gô ăn kơ ih jing minh adrĕch adrung tih, Inh gô ăn kơ ih pŭn hiôk, đe kư̆m gô ư-ang kơ ih, păng ih gô jing tơm kơ tơdrong pŭn hiôk,

II Sam 6:12

Đe năm roi ăn kơ pơtao Đawit: “Kră Yang đei tuh pŭn hiôk kơ hnam dơnŏ Ôbêt Eđôm păng dôm tơmam sư đei, yua kơ Hom pơgơ̆p Kră Yang 'Bok Kei-Dei.” Đawit hloi năm iŏk anhăk hloi Hom pơgơ̆p Kră Yang 'Bok Kei-Dei đơ̆ng hnam Ôbêt Eđôm ba tơ pơlei Đawit hăm tơdrong chơt hiôk dêh.

I Pot 8:29

Apinh măt Ih măng năr wei-lăng Hnam âu, anih mă Ih khan: Anăn Ih gô oei lăm hnam noh, wă kơ Ih mơ̆ng dôm nơ̆r lu đĭch đam Ih krao khan kơ anih 'nâu.

I Pot 8:43

Apinh Ih đơ̆ng kơpal plĕnh anih Ih oei mơ̆ng păng tơl tơwih nơ̆r lu sư krao apinh, wă kơ đĭ-đăng bơngai jơ̆p teh đak, băt kơ anăn ih, hli yom kơ anăn Ih, lei-lăi thoi lu kon pơlei Isơrael wă kơ Ih tơbăt tơ'bôh ăn kơ lu bơngai krao apinh lăm hnam âu, đơ̆ng Inh pơm.

I Pot 9:3

Kră Yang khan kơ sư: “Inh kơtơ̆ng bơih dôm nơ̆r ih krao khan apinh 'bơ̆t anăp Inh. Inh 'măn lê̆ pha bơih Hnam 'nâu mă ih pơm wă kơ rơgoh, wă kơ anăn Inh oei lăm noh ling-lang; măt păng jơhngơ̆m Inh gô oei tơ noh ling-lang.

II Pot 5:17

Naaman khan dơ̆ng: “Tơdah ih ưh kơ iŏk kiơ inh apinh ih asong inh kôch iŏk hơya 'bar bai teh lăp kơ 'bar tŏ aseh iĕ chơ kĕ; yua kơ đơ̆ng âu tơ anăp inh bơngai mă đĭch đam ih, ưh pă pơyơ̆r kơ yang nai ôh dôm tơmam soi 'buh pơkhôi dah tơmam soi nai 'nguaih kơ Kră Yang.

II Ho 12:13

Thoi noh pơtao Rêhôbôam pơm kơ sư kơdih kơjăp oei lăm pơlei Jêrusalem, Rêhôbôam 'nao puăn-jĭt mônh sơnăm kơplah sư pơm pơtao, sư pơgơ̆r lăm mơjĭt-tơpơh sơnăm lăm pơlei Jêrusalem, pơlei mă Kră Yang đei rơih iŏk đơ̆ng lăm adrĕch Isơrael, wă 'măn anăn Sư tơ noh; mĕ Rêhôbôam anăn Naama, bơngai Ammôn.

II Ho 6:6

Mă-lei Inh đei rơih boih Jêrusalem, wă kơ Anăn Inh tơ noh păng rơih Đawit wă pơgơ̆r kon pơlei pơla Inh Isơrael.’ ”

II Ho 7:16

Inh rơih iŏk boih păng ăn kơ hnam âu jing rơgoh ăn kơ anăn Inh oei ling-lang; măt păng jơhngơ̆m đon Inh kư̆m gô oei mơ̆ng lăng tơ noh khŏm khŏm.

Esơra 6:12

Apinh Kră Yang 'Bok Kei-Dei, Tơ'ngla mă pơm ăn kơ anăn Sư oei lăm hnam akŭm noh, pơrăm lê̆ pơtao ayơ, kon pơlei ayơ mă pơ̆n yơ̆r ti pơjah hăm nơ̆r đei tơjur âu wă pơrăm hnam akŭm Kră Yang 'Bok Kei-Dei tơ pơlei Jêrusalem. Inh Đarius đei chih tơjur nơ̆r tơtă âu. Athei pơm kiơ̆ nơ̆r âu mă pơ'lơ̆ng!

Ne 1:9

Mă-lei tơdah lu iĕm wih brŏk tơ Inh, wei răk pơm kiơ̆ dôm tơdrong Inh tơtă, mă khan lu iĕm tơklah tơklang jrok oei tôch kơ plĕnh teh, Inh kư̆m gô krao akŭm lu sư brŏk păng inh gô chông anhăk lu sư truh tơ anih Inh mă hơmet lê̆ boih wă kơ Anăn Inh kư̆m oei tơ noh mơ̆n.

Horiso 101:2

Inh gô kơchăng oei arih sa trŏ 'lơ̆ng. Dang yơ Ih wă truh tơ inh? Inh gô iŏk jơhngơ̆m tơpăt na oei sa lăm hnam inh.

Horiso 122:2

Ơ Jêrusalem, jơ̆ng lu nhôn dơ̆ng 'bơ̆t 'măng jang ih.

Horiso 128:5

Hơpơi kơ Kră Yang đơ̆ng Siôn ăn pŭn hiôk kơ ih. Hơpơi lăm đĭ chăl arih ih 'bôh dôm tơdrong pŭn hiôk Jêrusalem.

Horiso 134:3

Apinh Kră Yang, Tơ'ngla pơjing plĕnh teh Đơ̆ng Siôn gô ăn tơdrong pŭn hiôk kơ iĕm.

Horiso 74:7

Lu sư soh lê̆ anih 'Lơ̆ng rơgoh Ih truh tơ teh, lu sư pơm pơ'mê̆ kơ anih Anăn Ih.

Horiso 76:2

Hnam anih akŭm Sư tơ Salem păng anih oei Sư tơ Siôn

Horiso 78:68

Mă-lei sư rơih iŏk adrĕch Juđa. Păng Kông Siôn mă Sư 'mêm kơeng.

Le 10:25

Mă-lei Môis tơl khan: Ih ăn bĕ kơ lu nhôn kon sem dơrong pơm tơmam soi sơmah pơyơ̆r 'buh ăn kơ Kră Yang 'Bok Kei-Dei lu nhôn.

Le 18:12

Jêthrô, tơnei Môis, pơyơ̆r tơmam soi 'buh păng dôm tơmam pơyơ̆r nai ăn kơ Kră Yang 'Bok Kei-Dei; đơ̆ng noh Arôn păng lu kră bơngai Isơrael sŏng sa hơdai hăm tơnei Môis 'bơ̆t anăp Kră Yang 'Bok Kei-Dei.

Le 20:25

Tơdah ih pơm kơ Inh minh pôm chơnang soi păng tơmo, 'nĕ kơ yua tơmo pơm păng ti, yua kơ đe blah tơmo păng ti, lei gô pơm kơ chơnang noh jing 'mê̆-'mach.

Le 24:4

Môis chih iŏk đĭ dôm nơ̆r Kră Yang bơtho akhan pơgê đơ̆ng rŏng sư iung đơ̆ng hrôih, pơdơ̆ng minh pôm chơnang soi 'bơ̆t jơ̆ng kông păng pơtăm mơjĭt-'bar tŏ gơ̆ng pơtih kơ mơjĭt-'bar adrĕch adrung Isơrael.

Le 24:5

Sư wơh lu tơdăm Isơrael năm pơyơ̆r tơmam soi 'buh păng tơmam soi 'blŏk bơnê kơ Kră Yang hăm rơmo dăm.

Le 27:1

Ih athei pơm minh pôm chơnang soi păng 'long keo, puăn pah tŏ ăi, pơđăm hlok gah tor, pơđăm hơgăt gah wơ̆l păng kơjung pêng hơgăt.

Êsai 64:5

Ih sơng iŏk lu bơngai jơhngơ̆m hiôk pơm tơdrong tơpăt, păng lu bơngai 'blŏk kơ Ih năm kiơ̆ trong Ih. Ih hil bơih yua kơ lu nhôn pơm yoch. Đunh bơih lu nhôn oei lăm yoch noh, na wă gơh klaih liơ?

Lêwi 17:9

na ưh kơ chĕp ba tơ 'măng Bơsŭn Anih Akŭm wă pơyơ̆r kơ Kră Yang, lei bơngai noh đe gô puh tơweh sư đơ̆ng kon pơlei Isơrael.

Malachi 1:11

Iŏk đơ̆ng măt 'năr lĕch truh tơ măt 'năr mơ̆t, yua kơ anăn Inh jing tih tơpă tơ lăm adrĕch adrung kon bơngai. Tơ lăm jơ̆p-jang anih, đe gô pơyơ̆r 'long 'bâu phu păng tơmam soi 'lơ̆ng rơgoh kơ anăn Inh; yua kơ anăn Inh gô jing tih tơpă tơ lăm adrĕch adrung nai.” Kră Yang Tih Hloh khan thoi noh.

Mathiơ 18:20

Mă rim anih tơ yơ yơ, mă 'bar pêng 'nu bơngai dah akŭm băl tơdrong Inh, Inh kư̆m oei hơdai lu bơngai noh tơ noh.”

Mathiơ 28:20

Bơtho kơ lu sư pơm kiơ̆ tôm tơdrong Inh đei pơkă kơ lu iĕm. Inh oei hơdai hăm lu iĕm ling-lang truh năr tôch ning-mônh.”

Both 12:11

Kơplah noh lu iĕm gô chĕp ba tơmam soi 'buh, tơmam iĕm soi pơyơ̆r iŏk minh lăm mơjĭt, tơmam soi pha, lu tơmam soi 'lơ̆ng hloh, mă lu iĕm drơ̆ng pơkă wă pơyơ̆r ăn kơ Kră Yang tơ anih mă Kră Yang 'Bok Kei-Dei iĕm gô rơih wă ăn Anăn Sư oei.

Both 12:21

Tơdah anih mă Kră Yang 'Bok Kei-Dei iĕm rơih boih wă dan Anăn Sư, ataih đơ̆ng iĕm oei, iĕm gơh 'bet sa rơmo dah triu lăm khŭl mă Kră Yang iĕm ăn kơ iĕm kư̆m thoi Inh pơkă kơ iĕm; iĕm gơh sa 'nhĕm mơ̆ng kơ wă sa lăm pơlei iĕm kơdih.

Both 12:5

Mă-lei lu iĕm athei chă anih ayơ lăm adrĕch Isơrael, mă Kră Yang 'Bok Kei-Dei lu iĕm gô rơih iŏk pơm anih oei păng 'măn Anăn Sư, lu iĕm akŭm kơkuh.

Both 14:23

Lu iĕm gơh sa tơmam pơyơ̆r minh lăm mơjĭt noh lu phe 'ba, sik hơmu, đak rơmă, plei 'long ôliwơ păng lu kon gơgơ̆l rơmo kơdră dah triu 'bơ̆t anăp Kră Yang 'Bok Kei-Dei iĕm, lăm anih Sư gô rơih iŏk wă 'măn Anăn Sư wă kơ iĕm pơhrăm iŏk băt hli yom kơ Kră Yang 'Bok Kei-Dei iĕm ling-lang.

Both 16:11

Hơdai hăm kon drŏ-nglo, kon drŏ-kăn, đĭch drŏ-nglo đĭch drŏ-kăn, lu bơngai Lêwi mă oei hơdai lăm pơlei iĕm, bơngai tơmoi, bơngai mơti păng bơngai adro mă oei hơdai hăm iĕm, kư̆m hơdai wang hiôk chơt tơ anih mă Kră Yang 'Bok Kei-Dei gô rơih wă 'măn kơ Anăn Sư.

Both 26:2

iĕm athei iŏk minh lăm mơjĭt đơ̆ng dôm plei blŭng-a mă đơ̆ng teh, lăm dêh mă Kră Yang 'Bok Kei-Dei iĕm ăn kơ lu iĕm, tah lăm minh pôm bai, năm ba tơ anih Kră Yang 'Bok Kei-Dei iĕm gô rơih, wă kơ 'măn anăn Sư tơ noh.

Both 7:13

Kră Yang sư 'mêm mơnat kơ iĕm, ăn tơdrong pŭn hiôk kơ iĕm ăn kơ lu kon sâu iĕm rai lơ hrôh ngôh; Sư gô ăn tơdrong pŭn hiôk kơ lu kon iĕm đơ̆ng blu pôih, ăn tơmam đơ̆ng teh, ăn phe 'ba, hơ'bo, plei hơmu păng đak rơmă plei 'long ôliwơ kơ iĕm, ăn rơmo, triu rai lơ lăm teh đak, mă sư đei pơkă pơkăm boih hăm 'bok iĕm, wă ăn kơ iĕm.

I Tim 2:8

Tơ rim anih akŭm tơduă iĕm, inh wă kơ lu drŏ-nglo krao khan kơ 'Bok Kei-Dei, lu bơngai drŏ-nglo bu mă đei jơhngơ̆m 'lơ̆ng tơpăt ưh kơ hil kơ đe.