Le 20:13 - Sơ̆p Hlabơar Nơ̆r 'Bok Kei-Dei

¹³ 'Nĕ kơ pơlôch bơngai.

Le 20:13 ပူးပေါင်းရင်းမြစ်များ

II Pot 21:16

Hloh kơ noh dơ̆ng, Manase kư̆m pơlôch lơ bơngai ưh kơ đei yoch dĭng mah pham 'bĕnh-'bang kơ pơlei Jêrusalem, đơ̆ng pah âu truh tơ pah to, 'nguaih kơ tơdrong pơm kơ lu bơngai Juđa pơm yoch păng pơm kơnê̆ 'bơ̆t anăp Kră Yang hai dơ̆ng.

II Ho 24:22

Thoi noh, pơtao Jôas đĭ hiơt boih kơ Jêhôiada 'bă Sachari đei pơm 'lơ̆ng kơ sư, mă-lei sư pơlôch lê̆ kon Jêhôiada. 'Bơ̆t Sachari wă jê̆ lôch sư khan. “Hơpơi apinh Kră Yang lăng păng iung kơting.”

Le 21:12

Bơngai bu teh pơlôch bơngai, đe gô sek tơlang pơlôch sư.

Le 21:14

Tơdah bơngai bu pơrơ̆ng chă đon wă 'maih pơlôch đe. Mă đơ̆ng sư ôn tơ anih chơnang soi kơ Inh, kư̆m athei rôp păng pơlôch sư.

Le 21:20

Tơdah yŏng tơ'ngla iŏk 'long teh đĭch đam sư drŏ-nglo dah drŏ-kăn păng lôch hloi đơ̆ng ti sư, đe kư̆m athei phak tơmal sư,

Le 21:29

Mă-lei dah rơmo noh juăt kơ gơlŭng tơ̆m đe păng đe roi boih kơ tơ'ngla sư, na tơ'ngla sư oei ưh kơ chĭt wei sư 'mơ̆i, na rơmo noh oei tơ̆m pơlôch minh 'nu bơngai drŏ-nglo dah drŏ-kăn, đe gô klơ̆m pơlôch rơmo noh păng tơmo păng kư̆m pơlôch tơ'ngla sư dơ̆ng mơ̆n.

Le 23:7

Ih 'nĕ kơ chu kiơ̆ dôm lu nơ̆r hơlĕnh pơdăr; 'nĕ kơ pơlôch bơngai ưh kơ pơm yoch păng bơngai 'lơ̆ng tơpăt, yua kơ inh ưh kơ đei achăng bơngai kơnê̆ ôh.

Tơdrông Pơđơk 1:11

Tơdah lu sư khan, bĕ năm kiơ̆ nhôn; chă răp pơlôch đe. Chop pơlôch pơrăm lu bơngai ưh kơ đei yoch.

Tơdrông Pơđơk 1:18

Mă-lei lu sư wă chă pơlôch kơdih akâu, Păng răp wă pơrăm tơdrong arih kơdih.

Êsai 26:21

Lăng to, Kră Yang lĕch đơ̆ng anih Sư jur wă phak kon bơngai oei kơpal teh âu, yua kơ tơdrong yoch lu sư. Kơplah noh kơnh teh gô pơdah tơ'bôh pham đêl lu đe pơlôch păng ưh kơ gơh ôn dơ̆ng lu bơngai đêl đe pơlôch.

Je 26:15

Iĕm athei băt mă tơpă dah lu iĕm pơlôch inh lu iĕm, pơlei tih âu, đĭ kon pơlei pơla oei lăm pơlei tih âu gô pŭ pham inh mă ưh kơ đei yoch âu. Yua kơ Kră Yang tơpă mă đei wơh inh năm tơ iĕm, ăn kơ inh roi tơbăt dôm lu nơ̆r âu tơ lăm đon iĕm kơtơ̆ng.”

Lêwi 24:17

Bu mă pơlôch minh 'nu bơngai, đe gô pơlôch sư mơ̆n.

Lêwi 24:21

Bơngai bu pơlôch kon sem brem sư athei 'mong, na bơngai bu pơlôch bơngai đe gô pơlôch sư.

Mathiơ 19:18

Bơngai ei jet: “Tơdrong ayơ?” Yêsu khan: “'Nĕ pơlôch bơngai, 'nĕ pơm pơyô kư̆ kă, 'nĕ chă tơtông mŭk tơmam đe, 'nĕ pơma hơlĕnh,

Markôs 10:19

Ih băt boih tơdrong 'Bok Kei-Dei pơkă sơ̆: ‘'Nĕ pơlôch bơngai, 'nĕ pơm pơyô kư̆ kă, 'nĕ chă tơtông tơmam đe, 'nĕ pơma hơlĕnh, 'nĕ pơgâm sa mŭk tơmam đe, bơ̆n athei lui yom kơ mĕ 'bă.’ ”

Luka 18:20

Ih băt boih tơdrong 'Bok Kei-Dei pơkă sơ̆. Sư khan: ‘'Nĕ plah klo kăn đe, 'nĕ pơlôch bơngai, 'nĕ chă tơtông mŭk tơmam đe, 'nĕ kơ pơma hơlĕnh, athei lui yom kơ mĕ 'bă.’ ”

Jang 16:28

Mă-lei Pôl pơma pơret khan kơ sư: “Ih 'nĕ pơrăm kơdih akâu, nhôn oei tôm lăm âu, ưh kơ đei bu hiong ôh.”

Jang 28:4

Lu bơngai nai oei tơ bŏl đak ei 'bôh 'bih kăp pơđom ti Pôl, na lu sư pơma dih băl: “Rŏ lăng bơngai âu chă pơlôch đe rŏ lăng; mă-lei sư huay kơ lôch tơ đak dơsĭ iih, na dang ei yang Đêke kuă kơ lăng sư yua kơ sư pơm kơnê̆ kơ đe dêh, na sư wă lôch kơ 'bih choh.”

Rom 13:9

Tơdrong juăt 'Bok Kei-Dei pơkă sơ̆ thoi âu: Iĕm 'nĕ plah klo kăn đe, 'nĕ pơlôch bơngai, 'nĕ kơ tơtông, 'nĕ kơ 'nhĕng mŭk tơmam đe, mă tơdrong juăt nai kư̆m thoi tơdrong juăt Sư pơkă âu: Athei 'mêm kơ bôl buăl thoi iĕm 'mêm akâu kơdih.

Galati 5:21

sư 'nhĕng kơ đe, sư suai sik pơm kư̆ kă, sư pơm lơ tơdrong kơnê̆, lơ tơdrong noh nai dơ̆ng. Inh wă pơma dơ̆ng kơ iĕm thoi inh roi boih kơ iĕm sơ̆: Dôm lu bơngai pơm thoi noh ưh kơ gơh oei hơdai tơ dêh char 'Bok Kei-Dei ôh ning-mônh.

Both 5:17

Ih 'nĕ kơ pơlôch bơngai.

I Tim 1:9

'Bok Kei-Dei pơkă dôm lu tơdrong noh yua Sư wă phak lu bơngai kơnê̆ ưh kơ sĭ wă phak lu bơngai 'lơ̆ng ôh. Sư wă kơ phak lu bơngai ưh kơ chu, lu bơngai kư̆ kă, lu bơngai ưh kơ lui kơ Sư, lu bơngai pơm yoch, lu bơngai mă chă pơlôch đe, lu bơngai mă pơlôch mĕ 'bă kơdih,

Ya 2:11

Yua kơ 'Bok Kei-Dei khan boih: “Iĕm 'nĕ kơ plah klo kăn đe.” Sư khan dơ̆ng: “Iĕm 'nĕ kơ pơlôch bơngai.” Mă bơ̆n ưh kơ plah klo kăn đe, tơ̆ng bơ̆n pơlôch bơngai, Sư kư̆m jô̆ kơ bơ̆n pơm yoch kơ tơdrong juăt Sư boih.

Ya 2:13

Truh năr 'Bok Kei-Dei sek tơlang ning-mônh, Sư sek tơlang tơpăt, Sư ưh kơ mơnat ôh kơ lu bơngai mă ưh kơ băt mơnat kơ đe. Bơngai bu mơnat kơ đe, 'Bok Kei-Dei kư̆m mơnat kơ sư mơ̆n, kơplah năr Sư sek tơlang ning-mônh.