Le 19:15 - Sơ̆p Hlabơar Nơ̆r 'Bok Kei-Dei

¹⁵ Na sư khan kơ kon pơlei: Lăm năr mă pêng lu iĕm athei kơchăng, 'nĕ năm jê̆ bơngai drŏ-kăn ôh.

Le 19:15 ပူးပေါင်းရင်းမြစ်များ

I Ho 15:12

Sư khan kơ đe noh: “Lu iĕm bơngai yŏng pơgơ̆r lăm adrĕch adrung Lêwi; iĕm athei hơmet akâu iĕm hăm lu 'nhŏng oh iĕm mă 'lơ̆ng rơgoh wă tung Hom Pơgơ̆p Kră Yang 'Bok Kei-Dei Isơrael ba tơ anih mă inh đei hơmet lê̆ boih.

Le 19:11

Ăn kơ lu sư kơchăng lăm năr mă pêng, yua năr noh Kră Yang wă jur tơ kơpal kông Sinai 'bơ̆t anăp kon pơlei.

Le 19:14

Môis jur đơ̆ng kông năm tơ kon pơlei, athei lu sư wei hơmet akâu mă 'lơ̆ng rơgoh păng pih ao tai lu sư.

Le 19:16

Pơgê năr mă pêng, đei grơ̆m glaih kơmlat, hơmơ̆l kok hơ'bơ̆l dêh gom tơ kơpal kông păng kơtơ̆ng đei jơwa hlôm tơgiĕp re dêh pơm kơ đĭ-đăng kon pơlei oei lăm bơsŭn hli tơrơ ngăl.

Jôel 2:16

Krao akŭm bĕ kon pơlei pơla, pơm rơgoh bĕ lu khŭl bơngai akŭm. Athei krao lu kră pơlei năm tơ noh, athei akŭm lu hơ'lơ̆p, păng lu nge mă oei mŏm! Ăn klo hle sư lĕch bĕ đơ̆ng anih 'bĭch sư, păng ăn akăn hơlai 'nao sư lĕch bĕ đơ̆ng anih sư.

Lêwi 15:18

Tơdah bơngai drŏ-nglo ngôi hăm minh 'nu drŏ-kăn na lĕch đak kơtăk, 'bar 'nu măr sư athei hum lăm đak păng gô jing kơnê̆ 'mê̆-'mach truh kơmăng.

Am 4:12

Ơ Isơrael, yua kơ thoi noh na 'nâu inh gô pơm kơ ih; Ơ Isơrael. Yua kơ inh gô pơm kơ ih thoi noh, na ih athei hơmet bĕ wă tơ'bơ̆p Kră Yang 'Bok Kei-Dei ih.

Sa 6:3

Gre aseh mă pêng noh aseh kok, đơ̆ng noh gre aseh mă puăn noh aseh brông drơ̆k-drơ̆l.*

Sa 7:3

păng pơma hăm lu 'bok soi lăm hnam akŭm 'Bok Kei-Dei păng hăm lu 'bok khan lê̆ adrol thoi âu: “Inh hăm pă nhơ̆m hmoi păng ngôi adrô̆ lăm khei pơđăm thoi inh ngăl juăt kơ đei pơm boih lăm lơ sơnăm noh sơ̆?”

Malachi 3:2

Mă-lei 'bơ̆t năr Kră Yang truh bu kĕ dơ̆ng? Păng bơngai bu kĕ dơ̆ng 'bơ̆t năr tơ'bơ̆p Sư? Yua kơ Sư thoi pla ŭnh lu bơngai thơ̆ hơjơ̆m, thoi gơmơ̆k đak 'bŏng lu bơngai pih.

Mathiơ 24:44

Na iĕm athei kơchăng 'nĕ kơ thoi bơngai noh, hli kơ Inh Kon Bơngai wă jur tơ iĕm dơ̆ng kơplah iĕm ưh kơ lêng ê.

I Kor 7:5

Ưh kơ gơh sơ-ih băl ôh, mă-lei dah klo akăn biĕm pôm đon wă krao khan kơ Kră Yang tơdrong kiơ kiơ na biĕm wă pơdơh kơ tơdrong tơngôi noh, kư̆m bưh mơ̆n. Mă-lei tôch kơ năr biĕm pơkă krao khan noh boih, na biĕm tơngôi băl thoi đêl dơ̆ng, hli kơnh yang Satan pơhlŭ biĕm ngôi pơyô kư̆ kă yua kơ iĕm ưh kơ kĕ gơ̆t.