Le 17:14 - Sơ̆p Hlabơar Nơ̆r 'Bok Kei-Dei

¹⁴ Kră Yang khan kơ Môis: Athei chih tơdrong 'nâu lăm sơ̆p hla bơar akar wă 'blŏk hơdơ̆r păng tơbăt ăn kơ Jôsuê Inh gô sŭt pơgoh ưh pă đei bu 'blŏk kơ bơngai Amalek lăm teh âu dơ̆ng.

Le 17:14 ပူးပေါင်းရင်းမြစ်များ

II Sam 1:1

Đơ̆ng rŏng kơ Sôl lôch, Đawit blah lu bơngai Amalek jei sư đang boih, na sư brŏk oei lăm pơlei Siklak 'bar năr.

II Sam 8:12

Đơ̆ng lu bơngai Eđôm, Môap, Ammôn, Philistin, bơngai Amalek păng sư kư̆m pơm thoi tơmam blah iŏk đơ̆ng Hadadêser kon tơdăm Rêhôp, pơtao đe Sôba.

I Ho 4:42

Lăm adrĕch Simêôn đei pơđăm-hrĕng 'nu bơngai năm truh tơ tơring Kông Sêir; lu bơngai pơgơ̆r lu sư noh Phêlatia, Nêaria, Rêphaia păng Usiêl; 'noh lu kon drŏ-nglo Isi.

I Ho 4:43

Lu sư blah pơlôch bơngai Amalek mă oei đei klaih, na lu sư oei tơ noh hloi truh tơ dang ei.

Esơra 9:14

Thoi noh na liơ nhôn wă pơm yoch kơ khôi juăt Ih dơ̆ng lĕ, oei iŏk klo kăn hăm lu adrĕch adrung mă oei kơkuh tơdrong kơnê̆ dah kiơ? Hăm trŏ ih gô hil mĭl, Ih gô pơrăm lu nhôn, truh tơ mah pă đei bu oei arih, ưh kơ đei bu gơh klaih dah kiơ?

Jop 18:17

Tơdrong 'blŏk hơdơ̆r kơ sư gô hiong đơ̆ng teh đak, Ưh pă đei bu 'blŏk kơ anăn sư đơ̆ng kơpal teh đak.

Jop 19:23

Ôi, rŏ kơ đe chih răk lu nơ̆r inh pơma! Rŏ kơ đe chih lăm sơnôm hla bơar akar!

Horiso 9:6

Lu ayăt tôch đĭ boih, hiong răm đĭ ling-lang hlŏng hloi Ih pơrăm lê̆ boih pơlei lu sư, Ưh pă đei bu 'blŏk kơ lu sư dơ̆ng.

Le 12:14

Lu iĕm athei chih răk năr âu wă kơ iĕm 'blŏk ling-lang; truh tơ rim jơhnơr athei wei pơm giĕng ăn kơ Kră Yang, wă khan minh tơdrong giĕng pơjing tơtă ling-lang.

Le 13:9

Tơdrong noh iĕm athei pơm tơ'bôh minh tơdra tơ ti iĕm, pơm minh tơdrong 'blŏk hơdơ̆r chih tơ klĕng, wă kơ tơ'blŏk tơdrong juăt Kră Yang oei tơ lăm 'bơ̆r iĕm, yua kơ hăm ti mơsêh mơyang Kră Yang pơklaih iĕm lĕch đơ̆ng dêh Êyiptơ.

Le 17:13

Jôsuê iŏk đao gưm blah tŭk lu linh păng kon pơlei Amalek.

Le 24:4

Môis chih iŏk đĭ dôm nơ̆r Kră Yang bơtho akhan pơgê đơ̆ng rŏng sư iung đơ̆ng hrôih, pơdơ̆ng minh pôm chơnang soi 'bơ̆t jơ̆ng kông păng pơtăm mơjĭt-'bar tŏ gơ̆ng pơtih kơ mơjĭt-'bar adrĕch adrung Isơrael.

Le 32:33

mă-lei Kră Yang khan kơ Môis: Bơngai bu pơm yoch bơih hăm Inh, Inh gô sŭt anăn sư đơ̆ng lăm sơ̆p hla bơar Inh.

Le 34:27

Kră Yang khan kơ Môis: Chih răk bĕ nơ̆r pơma âu, yua kơ trŏ kiơ̆ thoi lu nơ̆r âu na Inh pơgơ̆p pơkă hăm ih păng hăm lu bơngai Isơrael.

Tơdrông Pơđơk 10:7

Tơdrong 'blŏk kơ lu bơngai tơpăt noh pŭn hiôk, Mă-lei anăn lu bơngai kơnê̆ ôm hach.

Je 30:2

'Nâu Kră Yang, 'Bok Kei-Dei bơngai Isơrael khan: “Chih răk bĕ lăm sơnôm hla bơar nơ̆r Inh đei bơtho khan kơ ih boih.”

Je 36:2

“Iŏk bĕ minh sơnôm hla bơar chih bĕ lăm noh dôm tơdrong Inh đei bơtho khan kơ ih gah bơngai Juđa, Isơrael păng đĭ-đăng adrĕch adrung nai, iŏk đơ̆ng chăl Jôsia, dĭng truh kơ năr 'nâu.

Jo 24:20

Balaam kư̆m 'bôh Amalek, na roi tơbăt adrol khan: Amalek jing kơ̆l kơ đĭ-đăng teh đak; mă-lei tuch-luch sư, kư̆m gô lôch.

Jo 33:2

Môis chu kiơ̆ nơ̆r Kră Yang tơtă chih jô̆ anih trong lu kon pơlei yak năm, hăm chih jô̆ kiơ̆ kơ anih lu sư pơdơh. Thoi noh 'nâu lu anih lu sư pơdơh păng trong lu sư yak năm.

Both 31:9

Môis chih khôi juăt 'nâu, pơjao ăn kơ lu 'bok soi, kon drŏ-nglo bơngai Lêwi lu bơngai tung Hom Tơdrong Pơgơ̆p Kră Yang păng pơjao ăn kơ đĭ-đăng lu kră bơngai Isơrael.

Jôsuê 4:7

Lei lu iĕm tơl: Noh wă khan đak Krong Jôrđăn tơklah kơplah Hom Pơgơ̆p Kră Yang năm rok đak krong, na đak krong khơ̆t kơtĕch tŏk-bŏk, tơmo âu wă pơm kơ kon pơlei Isơrael 'blŏk hơdơ̆r ling-lang.

I Sam 15:18

Na, Kră Yang wơh ih năm na khan: Năm bĕ pơlôch đĭ lu bơngai pơm yoch to, noh kon pơlei Amalek păng tơblah hăm lu sư dĭng truh kơ lu iĕm pơlôch đĭ lu sư.

I Sam 30:1

Đawit hăm lu bơngai kiơ̆ sư truh tơ Siklak, lăm năr mă pêng kon pơlei Amalek truh boih tơ gah gơal kơ pơlei Siklak, blah soh pơđĭ pơrăm pơlei noh;

I Sam 30:17

Đawit blah lu sư đơ̆ng pơgê hrôih năr 'noh truh tơ kơsơ̆ năr đơ̆ng rŏng; na ưh kơ đei minh 'nu bơngai bu lĕch hlôi. Lăp puăn-hrĕng 'nu bơngai tơdăm mơlôh gơh klaih hao aseh lăk-đa kơdâu ôn.