Le 16:35 - Sơ̆p Hlabơar Nơ̆r 'Bok Kei-Dei

³⁵ Kon pơlei Isơrael sa mana lăm puăn-jĭt sơnăm, tơ̆p truh tơ lu sư mơ̆t oei tơ dêh Kanaan.

Le 16:35 ပူးပေါင်းရင်းမြစ်များ

Ne 9:15

Đơ̆ng kơpal plĕnh Ih tơjur ăn 'bĕng sa wă huay kơ pơngot, pơm kơ tơmo đei đak lĕch ro ăn kơ lu sư nhă, pơkă kơ lu sư mơ̆t iŏk asong dêh char mă Ih wă ăn kơ lu sư.

Jo 32:13

Thoi noh, tơdrong Kră Yang hil mĭl dêh kơ lu adrĕch bơngai Isơrael, na sư ăn kơ lu đe noh yak thông huang lăm char glă noh puăn-jĭt sơnăm, dĭng mă đĭ-đăng jơhnơr lu bơngai pơm kơnê̆ 'bơ̆t anăp Kră Yang lôch đĭ.

Jo 33:38

Arôn 'bok soi, kiơ̆ kơ Kră Yang tơtă sư tŏk tơ kơpal kông Hôr păng lôch hloi tơ kơpal kông noh, lăm năr mônh khei pơđăm, sơnăm mă puăn-jĭt đơ̆ng rŏng kơ kon pơlei Isơrael lĕch đơ̆ng dêh char Êyiptơ.

Jang 7:36

“Môis anhăk lu đe Isơrael đơ̆ng dêh Êyiptơ. 'Bok Kei-Dei ăn kơ Môis pơm tơdrong mơsêh mơyang tơ dêh Êyiptơ, tơ đak dơsĭ 'brê păng tơ char glă kơplah puăn-jĭt sơnăm.

I Kor 10:3

Lu sư đei tơmam sa đơ̆ng 'Bok Kei-Dei ăn đơ̆ng plĕnh,

Both 1:8

Inh jao ăn kơ iĕm dêh âu; mơ̆t păng iŏk oei bĕ, dêh mă Kră Yang đei pơkă ăn kơ lu 'bok lu iĕm Abraham, Isăk, Jakôp, hăm lu kon sâu sư.

Both 2:7

Yua kơ Kră Yang 'Bok Kei-Dei iĕm ăn pŭn hiôk dôm tơdrong jang đơ̆ng tơpang ti iĕm pơm; Sư băt boih kơ tơdrong lu iĕm năm rok char glă să âu, lăm puăn-jĭt sơnăm 'nâu, Kră Yang 'Bok Kei-Dei iĕm oei hăm iĕm boih; huay kơ kơ'bah kiơ ôh.

Both 29:4

Mă-lei truh tơ dang ei Kră Yang ưh tam ăn kơ lăm jơhngơ̆m lu iĕm hlôh băt, măt iĕm 'bôh păng đon iĕm kơtơ̆ng.

Both 8:4

Lăm puăn-jĭt sơnăm hơbĕn iĕm ao ưh kơ hiah jơ̆ng iĕm kư̆m huay kơ pơ'ngeh.

Jôsuê 5:12

Năr mă lu sư đei tơmam sa đơ̆ng mir chŭn dêh noh, truh pơgê năr đơ̆ng rŏng 'bĕng mana ưh pă jur; kon pơlei Isơrael ưh pă đei mana dơ̆ng, lei kơplah sơnăm noh lu sư sa tơmam đơ̆ng mir chŭn lăm teh tơring Kanaan.