Le 16:32 - Sơ̆p Hlabơar Nơ̆r 'Bok Kei-Dei

³² Môis khan: 'Nâu nơ̆r Kră Yang tơtă: Athei tah mong lê̆ minh ômer mana, wă kơ đĭ-đăng bơngai rim jơhnơr 'bôh 'bĕng Inh 'me lu iĕm tơ lăm char glă, kơplah Inh chông tơlĕch lu iĕm đơ̆ng dêh Êyiptơ.

Le 16:32 ပူးပေါင်းရင်းမြစ်များ

Horiso 105:5

Athei 'blŏk bĕ dôm tơdrong jang hlĭch chrơp Sư đei pơm boih Tơdrong hlĭch chrơp păng tơdrong sek tơlang đơ̆ng 'bơ̆r sư đei khan.

Le 16:16

'Nâu tơdrong Kră Yang tơtă: ‘Rim 'nu lu iĕm athei dônh 'bĕng noh tôm kơ mah sa năr noh, minh ômera kơ rim 'nu, kiơ̆ kơ mah sa rim 'nu bơngai lăm bơsŭn iĕm dôm yơ.

Le 16:31

Adrĕch adrung Isơrael krao anăn tơmam sa 'nâu mana;b sư thoi găr hla ngo, kok, sa 'ngam thoi 'bĕng pơm hăm đak sut.

Le 16:33

Môis khan kơ Arôn: Athei iŏk minh pôm gĕl tah mong minh ômer mana, pơdơ̆ng lê̆ 'bơ̆t anăp Kră Yang, wă wei răk truh tơ jơhnơr đơ̆ng rŏng.

Je 7:23

Mă-lei 'nâu tơdrong Inh tơtă kơ lu sư. ‘Chu bĕ kơ nơ̆r Inh, Inh gô jing Kră Yang 'Bok Kei-Dei lu iĕm, iĕm jing kon pơlei pơla Inh. Arih yak kiơ̆ bĕ lăm rim trong Inh đei tơtă, wă kơ lu iĕm đei tơdrong pŭn hiôk.’

Hôsia 11:4

Inh đei yua boih tơdrong mơnat thoi tơlei akar, păng yua tơlei tơ̆n akar tơdrong 'mêm dui lu sư. Inh plôh lê̆ boih 'long ăt trăp đơ̆ng hơko lu sư, păng drap pôk ăn tơmam sa 'me 'bơ̆t 'bơ̆r lu sư.

Luka 22:19

Đơ̆ng rŏng kơ noh Yêsu iŏk 'bĕng mi krao khan bơnê kơ 'Bok Kei-Dei, na phĕ hloi 'bĕng mi noh asong kơ lu sư păng khan: “'Bĕng âu boih akâu Inh. Akâu Inh âu boih Inh ăn lôch tang kơ iĕm. Iĕm kư̆m athei pơm thoi âu ling-lang wă 'blŏk hơdơ̆r kơ Inh.”

Hêbrơ 2:1

Kơlih kơ thoi noh na dang ei bơ̆n kơtơ̆ng kơtăi boih dôm tơdrong đe bơtho, bơ̆n athei kơchăng 'biơ̆ hli kơ bơ̆n jrok trong nai dơ̆ng.

Hêbrơ 9:4

Lăm noh đei chơnang soi maih đe tơ̆k ŭnh soh pơgang 'bâu phu. Lăm noh kư̆m đei minh pôm hom tih đe kư̆m hling păng maih mơ̆n. Lơ̆m hom noh đe tah tơmo lat chih tơdrong 'Bok Kei-Dei pơkă kơ kon bơngai, tah kơlăm maih wă mong 'bĕng mana mă huŏng đơ̆ng plĕnh sơ̆, hăm tah 'long jra 'bok Arôn mă chăt pơkao.