Le 16:25 - Sơ̆p Hlabơar Nơ̆r 'Bok Kei-Dei

²⁵ Môis khan: Năr 'nâu sa bĕ tơmam 'noh, yua kơ năr 'nâu năr Sa'bat Kră Yang; năr 'nâu lu iĕm chă ưh kơ đei ôh tơmam noh tơ kơpal teh.

Le 16:25 ပူးပေါင်းရင်းမြစ်များ

Ne 9:14

Ih tơbăt kơ lu sư năr Sa'bat năr 'lơ̆ng rơgoh đơ̆ng Ih, yua Môis đĭch đam Ih, bơtho kơ lu sư dôm tơdrong tơtă tơdrong rơgoh 'lơ̆ng păng khôi juăt.

Le 16:23

Sư tơl khan: 'Noh nơ̆r Kră Yang tơtă boih: Dơning jing năr pơdơh, năr Sa'bat 'lơ̆ng rơgoh ăn kơ Kră Yang, phang bĕ tơmam kiơ lu iĕm wă phang, pai bĕ tơmam kiơ lu iĕm wă pai; oei wă 'măn lê̆ truh tơ pơgê dơning.

Le 16:24

Thoi noh kon pơlei 'măn lê̆ hloi truh tơ pơgê dơning, rok thoi Môis đei tơtă; tơmam 'noh ưh kơ đei ôm ôh păng kư̆m ưh kơ đei hrai sa.

Le 16:26

Lu iĕm dônh lăm tơdrâu năr; mă-lei năr mă tơpơh năr Sa'bat, ưh pă đei 'bĕng noh ôh.

Le 16:29

Athei tơchĕng lăng, Kră Yang ăn boih kơ lu iĕm năr Sa'bat; na lei, truh năr tơdrâu Kră Yang ăn kơ lu iĕm 'bĕng sa mah kơ 'bar năr. Wă kơ rim 'nu bơngai athei oei kơtă anih kơdih, ưh kơ gơh bơngai bu lĕch tơ 'nguaih ôh lăm năr tơpơh.