Le 16:15 - Sơ̆p Hlabơar Nơ̆r 'Bok Kei-Dei

¹⁵ Lăp kon pơlei Isơrael 'bôh tơmam noh, lu sư apinh dih băl: Kiơ 'noh? Yua kơ lu sư ưh kơ băt ôh tơmam 'noh yă kiơ. Môis khan kơ lu kon pơlei: “'Noh 'bĕng mă Kră Yang ăn kơ lu iĕm sa.

Le 16:15 ပူးပေါင်းရင်းမြစ်များ

Ne 9:15

Đơ̆ng kơpal plĕnh Ih tơjur ăn 'bĕng sa wă huay kơ pơngot, pơm kơ tơmo đei đak lĕch ro ăn kơ lu sư nhă, pơkă kơ lu sư mơ̆t iŏk asong dêh char mă Ih wă ăn kơ lu sư.

Ne 9:20

Ih ăn boih kơ lu sư yang Bơhngol 'lơ̆ng tơpăt Ih wă bơtho tơ'bôh ăn kơ lu sư, kư̆m ưh kơ sơngah mana kơ 'bơ̆r lu sư sa păng đak nhă kơ lu sư rơhing.

Horiso 105:40

Lu sư krao apinh, Kră Yang ăn đei Sem wăt truh, Păng 'bĕng sa đơ̆ng plĕnh ăn kơ lu sư sŏng sa phĭ hrăp.

Horiso 78:24

Tơjruh 'mi mana ăn kơ lu sư sa, ăn 'ba đơ̆ng plĕnh,

Le 16:31

Adrĕch adrung Isơrael krao anăn tơmam sa 'nâu mana;b sư thoi găr hla ngo, kok, sa 'ngam thoi 'bĕng pơm hăm đak sut.

Le 16:33

Môis khan kơ Arôn: Athei iŏk minh pôm gĕl tah mong minh ômer mana, pơdơ̆ng lê̆ 'bơ̆t anăp Kră Yang, wă wei răk truh tơ jơhnơr đơ̆ng rŏng.

Le 16:4

Kră Yang khan kơ Môis: Inh gô ăn 'bĕng đơ̆ng plĕnh jur thoi 'mi kơ lu iĕm. Kon pơlei gô năm rim năr dônh, dônh tôm mah sa kơ năr 'noh, Inh wă pơlong lăng lu sư hăm đei pơm kiơ̆ thoi Inh athei dah ưh.

Tơdrông Pơđơk 9:5

Hiăng bĕ, năm sa tơmam inh, Păng huch sik hơmu inh hrâu boih.

Jo 21:5

Lei na, lu kon pơlei pơma hil plơ̆ kơ Kră Yang 'Bok Kei-Dei păng Môis khan: Liơ ih chông tơlĕch nhôn đơ̆ng dêh Êyiptơ wă pơlôch nhôn lăm char glă hă? Yua kơ tơ âu por sŏng 'bĕng sa sap ưh kơ đei, đak kư̆m ưh kơ đei păng lu nhôn đĭ bơ̆l boih kơ sa tơmam sa tơdrong kơ đei lâu.

Luka 12:30

Lu bơngai nai mă ưh kơ lui, lu sư tơchĕng kơ tơdrong noh ling-lang. Mă-lei 'Bă bơ̆n kư̆m băt boih dôm tơdrong lu iĕm kăl yua, Sư gô tơgŭm iĕm tơpă.

Yo 6:49

Lu yă 'bok iĕm sa 'bĕng mana tơ char glă sơ̆, lu sư kư̆m lôch mơ̆n.

Yo 6:58

Tơmam sa âu boih jur đơ̆ng plĕnh, ưh kơ thoi tơmam sa mana mă yă 'bok iĕm sa mă lôch sơ̆ ôh. Tơmam sa âu bơngai bu sa sư gô arih ling-lang.”

I Kor 10:3

Lu sư đei tơmam sa đơ̆ng 'Bok Kei-Dei ăn đơ̆ng plĕnh,

Both 8:16

Lăm char glă Sư boih wei rong ăn kơ iĕm sa 'bĕng mana, mă lu 'bok iĕm tam lah băt, ăn kơ lu iĕm pơmat-tat wă pơlong lăng iĕm tuch-luch ăn pŭn hiôk kơ lu iĕm.

Both 8:3

Sư ăn kơ iĕm pơngot 'me rong iĕm ăn kơ iĕm sa mana mă iĕm păng lu yă 'bok kư̆m tam mă biơh băt, wă bơtho iĕm băt, kon bơngai arih ưh kơ trŏ arih đơ̆ng tơmam sa đĕch ôh, mă-lei kon bơngai arih đơ̆ng nơ̆r Kră Yang.

Hêbrơ 9:4

Lăm noh đei chơnang soi maih đe tơ̆k ŭnh soh pơgang 'bâu phu. Lăm noh kư̆m đei minh pôm hom tih đe kư̆m hling păng maih mơ̆n. Lơ̆m hom noh đe tah tơmo lat chih tơdrong 'Bok Kei-Dei pơkă kơ kon bơngai, tah kơlăm maih wă mong 'bĕng mana mă huŏng đơ̆ng plĕnh sơ̆, hăm tah 'long jra 'bok Arôn mă chăt pơkao.

Jôsuê 5:12

Năr mă lu sư đei tơmam sa đơ̆ng mir chŭn dêh noh, truh pơgê năr đơ̆ng rŏng 'bĕng mana ưh pă jur; kon pơlei Isơrael ưh pă đei mana dơ̆ng, lei kơplah sơnăm noh lu sư sa tơmam đơ̆ng mir chŭn lăm teh tơring Kanaan.

Tơdrông Tơ'bôh 2:17

‘Bơngai bu đei đon, mơ̆ng bĕ dôm tơdrong Yang Bơhngol 'Lơ̆ng pơma kơ rim hnam akŭm 'Bok Kei-Dei. Tơdrong tơblah păng yang kơnê̆ jei bu, Inh gô ăn kơ bơngai noh 'bĕng mana mă kon bơngai tơ ala teh ưh tam đei sa ôh păng Inh gô pôk anăn sư 'nao, anăn 'nao noh Inh chih tơ tơmo kok lat, na ăn kơ sư. Anăn noh lu đe nai ưh kơ băt ôh, pôm sư kơdih đĕch băt.’ ”