Le 15:20 - Sơ̆p Hlabơar Nơ̆r 'Bok Kei-Dei

²⁰ Miriam mŏ Arôn bơngai drŏ-kăn khan lê̆ adrol păng lu drŏ-kăn dai kiơ̆, đơ̆ng rŏng chĕp hơgơ̆r iĕ suang rah.

Le 15:20 ပူးပေါင်းရင်းမြစ်များ

Bl 31:27

Kơdâu klĕnh kơ kiơ, hơlĕnh ưh kơ roi kơ inh adrol? Ăn ưh, Inh năm ba hiôk-hian, reh brŏ hơri teh hơgơ̆r 'mơ̆i.

II Sam 1:20

'Nĕ chă roi tơdrong 'nâu tơ lăm pơlei Gat, 'nĕ chă roi tơdrong noh kiơ̆ trong tih pơlei Askalon; kơnh lu bơngai drŏ-kăn Philistin hiĕk chhôk, lu drŏ-kăn bơngai ưh kơ kăt tơdra akar hiôk chơt.

II Sam 6:14

Wă hơri bơnê kơ Kră Yang, Đawit iŏk hrŭk ao êphot, na suang đĭ jơhngơ̆m chơt hiôk.

II Sam 6:16

Lăp Hom pơgơ̆p Kră Yang mơ̆t tơ pơlei Đawit, na Mikal kon adruh Sôl, lăng tơmang đơ̆ng 'măng-'mŏk, 'bôh Đawit suang chơt hiôk 'bơ̆t anăp Kră Yang, na sư đei jơhngơ̆m ưh kơ iă kơ Đawit.

II Sam 6:5

Đawit hăm đĭ-đăng bơngai Isơrael hơri ư-ang 'bơ̆t anăp Kră Yang hăm dôm tơmam brŏ reh pơm păng 'long dơnơ̆ng, thoi brŏ tĭng-nĭng, hơgơ̆r iĕ chhar, huan lak.

II Pot 22:14

Thoi noh, lu đe 'bok soi Hilkia, Ahikam, Akbôr, Saphan păng Asaia, lu sư năm tơ bơngai khan lê̆ adrol drŏ-kăn, anăn sư Hulda, akăn Sallum, bơngai wei ao kơ̆m giĕng, kon drŏ-nglo Tikwa, sâu Harhas; sư oei tơ lăm pơlei Jêrusalem, lăm tơring mă 'Bar, lu sư pơma dơnuh hăm duch ei,

I Ho 15:16

Đawit pơkă ăn kơ lu bơngai pơgơ̆r lăm lu bơngai Lêwi, athei rơih iŏk lăm 'nhŏng oh lu sư, lu bơngai hơri, reh brŏ dung, tĭng-nĭng, preh chhar hơri chơt hiôk.

I Ho 6:3

Kon drŏ-nglo Amram noh: Arôn, Môis păng Miriam. Kon drŏ-nglo Arôn: Nađap, Abihu, Êlêasar păng Ithamar.

Ne 6:14

Ơ! Kră Yang 'Bok Kei-Dei inh! Apinh Ih 'blŏk kơ bre Tôbia păng Sanbalat kiơ̆ thoi tơdrong 'nâu mă bre sư đei pơm boih; kư̆m apinh Ih 'blŏk kơ Nôđia, bơngai drŏ-kăn khan lê̆ adrol păng lu bơngai khan lê̆ adrol nai kư̆m 'maih wă pơm kơ inh hli tơrơ!

Horiso 149:3

Ăn kơ lu sư suang kơkuh bơnê bĕ kơ Anăn Sư. Iŏk hơgơ̆r iĕ păng brŏ hơri bơnê bĕ kơ Sư.

Horiso 150:4

Teh bĕ hơgơ̆r chrang păng suang hơri bơnê kơ Sư! Reh brŏ tơlei păng hlôm 'lal, hơri ư-ang kơ Sư.

Horiso 30:11

Ih tơplih boih tơdrong ơh sơ'ngon inh jing tơdrong hiôk chơt Plôh lê̆ ao sơ'ngon inh,f pơhrŭk ăn kơ inh hăm tơdrong hiôk chơt.

Horiso 68:11

Kră Yang hơtă nơ̆r; mă lu drŏ-kăn kư̆m roi tơbăt nơ̆r ei kư̆m thoi minh khŭl lơ dêh.

Horiso 68:25

Lu bơngai hơri yak adrol lu brŏ reh kiơ̆ đơ̆ng rŏng. Tŏk-bŏk đei lu adruh teh hơgơ̆r.

Horiso 68:26

“Ô lu kon sâu Isơrael kơkuh bơnê bĕ lăm năr iĕm akŭm tih. Hơri bơnê kơ Kră Yang 'Bok Kei-Dei sư boih Kră Yang.”

Horiso 81:2

Pơre bĕ tơ'nguơ̆ hơri păng teh hơgơ̆r iĕ, reh bĕ brŏ dung tơmơ̆t păng tĭng-nĭng.

Le 2:4

Mŏ bơngai nge ei sư dơ̆ng tơmang đơ̆ng ataih wă kơ băt đei thoi yơ.

Bôk Bơthô 3:4

Đei năr nhơ̆m hmoi, đei năr hiôk chơt; Đei năr ơh sơ'ngon, đei năr hơri suang;

Je 31:4

Inh gô pơdơ̆ng ming iĕm, na lu iĕm gô đei dơ̆ng, ơ bơngai Isơrael 'lơ̆ng rơgoh Lu iĕm gô iŏk hơgơ̆r iĕ tơdŭ suang thoi sơ̆ hơdai hăm lu bơngai chơt hiôk.

Mi 6:4

Inh đei chông anhăk ih lĕch hlôi đơ̆ng teh đak Êyiptơ, huai iŏk ih đơ̆ng pơm đĭch đam păng kư̆m đei wơh Môis Arôn, Miriam yak adrol chông lu iĕm.

Jo 12:1

Miriam păng Arôn pơma 'bơm Môis yua kơ sư iŏk oei kơ minh 'nu drŏ-kăn bơngai Kus;

Jo 12:2

Bre sư khan: “Kră Yang yua lăp minh 'nu Môis đĕch hă, wă khan tơbăt kơ kon pơlei? Sư kư̆m ưh kơ wă yua ba hai ah?” Kră Yang kơtơ̆ng tơdrong noh.

Jo 20:1

Đĭ-đăng khŭl adrĕch bơngai Isơrael truh tơ lăm char glă Sin. Lăm khei mônh păng pơdơh tơ Kades. Miriam lôch păng 'bŭ hloi tơ noh.

Jo 26:59

Akăn Amram anăn Jôkêbêt kon drŏ-kăn Lêwi tơpŭ tơ lăm dêh char Êyiptơ; sư tơpŭ ăn kơ Aram, Arôn, Môis păng mŏ kơ bre sư anăn Miriam.

Luka 2:36

Na đei minh 'nu yă kră khŭl bơngai Isơrael. Sư kư̆m juăt kơ pơtruh nơ̆r 'Bok Kei-Dei mơ̆n. Anăn sư Anna, kon Phanwel. Sư adrĕch adrung Aser. Sư kră tơpă boih. Sơ̆ sư oei hơdai klo sư tơpơh sơnăm, klaih kơ noh klo sư lôch.

Jang 21:9

Philip đei puăn 'nu kon drŏ-kăn oei adruh. Lu adruh ei bơtho nơ̆r 'Bok Kei-Dei.

I Kor 11:5

Gah drŏ-kăn bu mă oei krao khan dah bơtho tơdrong 'Bok Kei-Dei kơplah iĕm oei akŭm 'bôh sư kơ̆l hoh ưh kơ yơ̆l kiơ, drŏ-kăn 'noh dang sư wă pơ'brơh kơ kơ̆l sư kơdih mơ̆n păng dang sư yuă sŏk 'ngôch.

I Kor 14:34

Lăm iĕm akŭm, lu bơngai drŏ-kăn athei hreh ưh kơ gơh iung pơma. Lu bơngai lui mă akŭm jơ̆p-jang anih kư̆m pơm thoi noh mơ̆n. Lu bơngai drŏ-kăn athei lui yom kơ bơngai drŏ-nglo kư̆m thoi tơdrong 'Bok Kei-Dei pơkă.

Lu 11:34

Wă Jeptha brŏk tơ hnam sư tơ pơlei Mispa na đei kon adruh sư lĕch năm sơng sư, chĕp hơgơ̆r iĕ tap suang hloi. Năm sơng sư kon adruh 'noh kon pơm sư; 'nguaih kơ kon adruh sư noh sư ưh kơ đei kon drŏ-nglo dah kon drŏ-kăn nai dơ̆ng.

Lu 21:21

Păng lăng mưh 'bôh lu drŏ-kăn đơ̆ng Silô lĕch hơri suang na lu iĕm athei lĕch hloi đơ̆ng pơgar hơmu 'noh, đơ̆ng noh rim 'nu lu iĕm athei rôp iŏk minh 'nu adruh đơ̆ng pơlei Silô 'noh pơm akăn, păng wih brŏk tơ char Bênjamin.

Lu 4:4

Lăm kơplah noh, Đêbôra bơngai drŏ-kăn khan lê̆ adrol, akăn Lapiđôt, yă sek tơlang kon pơlei Isơrael.

I Sam 10:5

Đơ̆ng noh ih gô truh tơ Gibêah Elohima, jơ̆ minh pơm anih kơđông đe Philistin; kơplah ih mơ̆t bơih tơ pơlei, ih gô tơ'bơ̆p minh khŭl 'bok khan lê̆ adrol jur đơ̆ng anih kơkuh, lu sư suang reh brŏ dung teh hơgơ̆r iĕ, hlôm 'lal păng reh tĭng-nĭng năm adrol kơ ih; Lu sư gô khan lê̆ adrol.

I Sam 18:6

Đang kơ Đawit pơlôch bơngai Philistin, wih brŏk hăm lu linh sư, na lu bơngai drŏ-kăn rim kơ pơlei bơngai Isơrael lĕch năm sơng Sôl, hơri suang, teh hơgơ̆r iĕ hăm brŏ tĭng-nĭng păng jreo nơ̆r hiôk chơt.