Le 14:31 - Sơ̆p Hlabơar Nơ̆r 'Bok Kei-Dei

³¹ Kon pơlei Isơrael 'bôh bơih tơdrong tih mă Kră Yang đei pơm kơ bơngai Êyiptơ, na lu kon pơlei Isơrael hli yom gơnang kơ Kră Yang păng lui kơ Môis, đĭch đam Sư.

Le 14:31 ပူးပေါင်းရင်းမြစ်များ

II Ho 20:20

Truh pơgê đơ̆ng rŏng, lu sư iung đơ̆ng hrôih lĕch năm tơ tơmăn glă Têkôa; kơplah lu sư oei yak, Jêhôsaphat dơ̆ng tơ noh, khan: “Ơ lu bơngai Juđa păng kon pơlei oei lăm pơlei Jêrusalem mơ̆ng bĕ inh: Lui gơnang bĕ kơ Kră Yang 'Bok Kei-Dei lu iĕm, na lu iĕm pran kơjăp; lui bĕ kơ 'bok khan lê̆ adrol Kră Yang, lei na lu iĕm kĕ jei,”

Ne 9:9

Ih 'bôh boih tơdrong pơmat-tat lu 'bok nhôn lăm dêh Êyiptơ, đei kơtơ̆ng boih nơ̆r lu sư krao ôr 'bơ̆t đak dơsĭ 'brê.

Horiso 119:120

Akâu inh pơpơ̆ yua kơ hli kơ Ih. Kŭm hli kơ tơdrong Ih sek tơlang.

Le 19:9

Kră Yang khan kơ Môis: Inh gô năm tơ ih lăm hơmơ̆l hơ'bơ̆l; wă kơplah Inh pơma dơnuh hăm ih, na kon pơlei Isơrael kơtơ̆ng wă kơ lu sư lui gơnang kơ ih ling-lang, Môis roi kơ Kră Yang nơ̆r kon pơlei Isơrael đei pơma.

Le 4:31

Lu sư lui kơ nơ̆r 'noh, băt kơ Kră Yang oei hơdai hăm kon pơlei Isơrael păng 'bôh dôm tơdrong pơmat-tat lu sư; na lu sư kŭp kơ̆l kơkuh kơ Kră Yang hloi.

Luka 8:13

Lu găr mă huŏng tơ kơpal tơmo trêl wă pơtih gia kơ lu bơngai kơtơ̆ng đe bơtho tơdrong 'Bok Kei-Dei. Lu sư hưch hanh păng iŏk hloi mơ̆n. Kư̆m đei ră tơnơm 'ba mă-lei rơh sư chăt ưh kơ jrŭ, sư jing jô lôch hloi, 'noh wă khan lu sư đei ră đon lui mă-lei ưh kơ đunh lăp đei tơdrong pơlong lăng lu sư jing achăng lê̆.

Yo 11:45

Lu bơngai Juđê mă kiơ̆ Mari hei, lu sư 'bôh Yêsu tơiung arih Lasarơ na đei lơ mơ̆n lu sư lui kơ Yêsu.

Yo 2:11

Tơdrong mơsêh mơyang âu boih Yêsu pơm tơ'bôh kơ đe mă hơdrol. Sư pơm tơ Pơlei Kanna, dêh Galilê. Thoi noh boih na lu bơngai pơhrăm păng Sư lui kơ Sư đơ̆ng 'Bok Kei-Dei tơpă.

Jang 8:13

Simôn kư̆m lui mơ̆n păng iŏk 'batem. Klaih kơ noh sư oei păng Philip ling-lang. Sư 'bôh tơdrong mơsêh mơyang đơ̆ng 'Bok Kei-Dei ăn kơ Philip pơm, na sư sơleng kơ đon ưh kơ băt thoi yơ dơ̆ng.

Hêbrơ 3:5

Môis sư pơm đĭch đam 'Bok Kei-Dei jang tơgŭm kơ đĭ-đăng hnam dơnŏ 'Bok Kei-Dei sơ̆. Sư jang tơnen dêh, sư jang kiơ̆ kơ 'Bok Kei-Dei pơkă hloi. Sư 'bok khan lê̆ hơdrol bơtho tơbăt kơ kon bơngai gah tơdrong ning-mônh.

Jôsuê 24:7

Mă-lei, 'bok yă lu iĕm krao apinh Kră Yang dŏng, Kră Yang ăn đei măng mu lăm lu kon pơlei Êyiptơ hăm lu iĕm, Kră Yang ăn đak dơsĭ lơ̆p bơngai Êyiptơ păng măt lu iĕm 'bôh boih Inh pơm kơ lu bơngai Êyiptơ. Păng lu iĕm mă oei arih đunh tơ lăm char glă.

Jôsuê 4:14

Năr noh Kră Yang ăn kơ Jôsuê jing đe pơyom 'bơ̆t anăp đĭ-đăng bơngai Isơrael păng đe hli yom đĭ chăl sư oei arih, thoi đe chu yom kơ Môis mơ̆n.

Jôsuê 4:24

Kră Yang pơm thoi noh wă kơ đĭ-đăng adrĕch adrung lăm ala teh, băt kơ Kră Yang mơsêh pran kơtang, wă kơ rim 'nu lu iĕm chu kiơ̆ Kră Yang 'Bok Kei-Dei lu iĕm ling-lang.

I Sam 12:16

Na dang ei iĕm dơ̆ng hreh bĕ, lăng tơdrong tih dêh mă Kră Yang wă pơm 'bơ̆t anăp lu iĕm.

I Sam 12:18

Wă Samuel krao khan kơ Kră Yang; lăm năr noh Kră Yang ăn 'mi grơ̆m glaih; đĭ-đăng kon pơlei hli tơrơ dêh kơ Kră Yang păng Samuel.