Le 14:28 - Sơ̆p Hlabơar Nơ̆r 'Bok Kei-Dei

²⁸ Na đak lơ̆p klơ̆p đĭ hloi khŭl linh chĕp gre aseh, hăm đĭ-đăng lu linh Pharaôn lu druh jur kiơ̆ kon pơlei Isơrael lăm đak dơsĭ, ưh kơ đei minh 'nu bu klaih.

Le 14:28 ပူးပေါင်းရင်းမြစ်များ

Bl 50:9

Kŭm đei linh aseh păng gre aseh kư̆m năm hơdai; 'nâu boih mă minh tơpôl lơ tơpă năm 'bŭ.

Bl 7:18

Kơpal teh, đak tih păng rai tŏk kơjung dêh, duk đông kơpal đak.

II Ho 20:24

Wă kon pơlei Juđa truh tơ anih kơjung, tơmang 'bôh lăm thŭng glă đei khŭl tơpôl linh lơlang lơlap, na kư̆m 'bôh lu akâu bơngai lôch sơ̆k glơch glach kơpal teh ưh kơ đei bu arih.

Ne 9:11

Ih tơklah lê̆ đak dơsĭ 'bơ̆t anăp lu sư. Lu sư yak tŏk-bŏk đak dơsĭ hlôi thoi nơnăm kơpal teh hrĕng kro, bĕ lu bơngai druh, Ih klơ̆m lê̆ lu sư tơ sơlŭng jrŭ, nhen thoi klơ̆m tơmo lăm đak tih.

Horiso 106:22

Đei pơm lơ tơdrong hlĭch chrơp tơ dêh Cham păng lu tơdrong trŏ kơ hli tơ đak dơsĭ 'brê.

Horiso 136:15

Teh tơhuŏng Pharaôn păng lu linh sư tơ lăm đak Dơsĭ 'Brê. Tơdrong 'mêm Sư oei oei ling-lang;

Horiso 78:53

Sư chông anhăk lu sư hiôk rơnŭk. Ưh pă đei hli kơ kiơ; Mă-lei đak dơsĭ kơlơ̆p lê̆, lu bơngai ayăt kơ lu sư.

Le 14:13

Môis drơ̆ng kon pơlei khan: 'Nĕ kơ hli ôh, oei mă kơjăp bĕ, na lăng lu iĕm gô 'bôh tơdrong dŏng pơklaih đơ̆ng Kră Yang năr âu, lu bơngai Êyiptơ mă lu iĕm 'bôh lu sư năr 'nâu, lu iĕm ưh pă đei layơ wă 'bôh lu sư dơ̆ng.

Le 15:10

Ih tơthu kial lĕch, kial đơ̆ng Ih đak dơsĭ lơ̆p lê̆ lu sư boih; lu sư krăm thoi kơtuăl bơlơ̆k tơ kơđĕl đak jrŭ.

Le 15:19

Kơplah aseh Pharaôn, gre aseh sư, hăm lu bơngai chĕp gre aseh sư, đak dơsĭ klơ̆p lê̆ lu sư boih. Kră Yang iŏk đak dơsĭ klơ̆p tơ kơpal lu sư, Mă-lei gah kon pơlei Isơrael năm rok tŏk-bŏk đak dơsĭ thoi năm tơ kơpal teh hrĕng.

Habakuk 3:13

Ih iung lĕch pơklaih kon pơlei Ih kơdih, Ih lĕch dŏng pơklaih bơngai mă Ih đei tuh đak rơmă. Ih teh pơrăm kơ̆l bơngai kơnê̆, pơrăm lê̆ hnam sư, Pơm kơ sư akâu hoh đơ̆ng jơ̆ng truh tơ kơ̆l. Sêla

Both 11:4

dôm tơdrong Sư pơm boih kơ linh Êyiptơ lu hao aseh păng gre aseh Êyiptơ, kơplah lu sư druh 'moi iĕm, na Kră Yang ăn kơ đak dơsĭ 'Brê lơ̆p pơrăm lê̆ lu sư.

Hêbrơ 11:29

Lu bơngai Isơrael đei đon lui, na kơplah lu sư găn đak dơsĭ 'brê sơ̆, lu sư yak thoi lĕ kơ yak kơpal teh hrĕng kro đĕch. Mă-lei lăp lu bơngai Êyiptơ găn kiơ̆, lu sư glơ̆k lôch đĭ hloi.

Lu 4:16

Barak druh kiơ̆ gre aseh păng khŭl linh dĭng truh tơ Harôsêt Hagôim păng đĭ-đăng lu linh Sisêra đe pơlôch hăm đao gưm ưh pă đei lê̆ minh 'nu bơngai bu.