Le 14:24 - Sơ̆p Hlabơar Nơ̆r 'Bok Kei-Dei

²⁴ Đơ̆ng noh lăp măng wă đĭ, Kră Yang đơ̆ng lăm jrăng hơmơ̆l păng jrăng ŭnh, lăng tơ khŭl linh bơngai Êyiptơ, pơm hloi kơ lu sư hli hơwơ̆l hơwang.

Le 14:24 ပူးပေါင်းရင်းမြစ်များ

Jop 22:13

Na ih khan: “Kră Yang 'Bok Kei-Dei băt kiơ đăi? Liơ Kră Yang sek tơlang gơh 'bôh lăm măng mu hơ'bơ̆l 'noh?

Jop 34:20

Ưh kơ tam băt tŏk-bŏk măng, lu sư lôch hloi. Lu sư pơpơ̆ na lôch. Lu bơngai yŏng pơgơ̆r kư̆m lôch, ưh kơ đei đơ̆ng ti kon bơngai ôh.

Jop 34:29

Tơdah Kră Yang oei ngăn hreh. Bu gô pơ̆n chrih kơ Sư? Tơdah Kră Yang ôn muh măt Sư, bu gơh đei 'bôh Sư? Kră Yang wei rong đĭ-đăng kon pơlei, đĭ-đăng bơngai,

Jop 40:12

Lăng bĕ tơ lu bơngai pơang păng teh tơhuŏng lê̆ sư; Kŭm teh pơjuă bĕ lu bơngai pơm kơnê̆ kơtă anih sư.

Horiso 104:32

Sư lăng tơ teh teh pơpơ̆ hloi; Sư pel kông na kông lĕch 'nhui.

Horiso 48:5

Lu sư truh, 'bôh pơlei Siôn lăng chrêu kơ đon hli, na hăt hot kơdâu ôn.

Horiso 78:14

Sư chông ba lu sư kơ'năr hăm hơmơ̆l, kơmăng hăm hơdah ŭnh.

Horiso 90:4

Yua kơ minh-rơbâu sơnăm 'bơ̆t anăp Ih, thoi minh năr brei mă hloh boih, thoi minh măng kral.

Le 13:21

Kră Yang năm adrol kơ kon pơlei, tơ kơ'năr hăm minh pôm jrăng hơmơ̆l, wă ba trong yak năm; tơ kơmăng hăm minh pôm jrăng ŭnh, wă pơchrang ăn kơ lu sư, wă kơ lu sư gơh năm ling-lang kơ'năr păng kơmăng.

Le 14:25

Kră Yang pơm kơ lu jơ̆ng gre lu sư, tơplôh lu sư tŭn hor pơmat-tat gre aseh pă gơh kơdâu. Na bơngai Êyiptơ khan dih băl: Bĕ bơ̆n kơdâu weh đơ̆ng kon pơlei Isơrael, yua kơ Kră Yang tơblah bơngai Êyiptơ dŏng lu sư.

Am 9:4

Mă khan lu sư năm pơm bơnă 'bơ̆t anăp lu ayăt kơ lu sư, tơ noh inh kư̆m gô ăn đao gưm năm pơlôch lu sư. Inh gô răp lăng tơ lu sư wă pơrăm, ưh kơ trŏ wă ăn tơdrong hiôk ôh.

I Sam 11:11

Mă-lei pơgê dơning, Sôl klah asong kon pơlei pơm pêng khŭl, năm blah đe Ammôn păng pơlôch đĭ lu sư dĭng truh tơ 'năr dơ̆ng. Lu kon pơlei Ammôn kơdâu hơlah hơlang kơdih kơdih.