Le 13:17 - Sơ̆p Hlabơar Nơ̆r 'Bok Kei-Dei

¹⁷ Kơplah Pharaôn achăng kon pơlei Isơrael năm, Kră Yang 'Bok Kei-Dei ưh kơ đei chông ba kon pơlei noh năm rok trong gah dêh Philistin, noh trong jăl jê̆ hloh; yua kơ Kră Yang khan: Hli kơ kon pơlei tơ'bơ̆p tơdrong tơblah wang, lu sư wih brŏk hơlơ̆k đơ̆ng tơ dêh Êyiptơ.

Le 13:17 ပူးပေါင်းရင်းမြစ်များ

I Pot 8:47

tơdah lu sư oei tơ dêh char nai lu sư tơchĕng tơbral, krao khan hơdrĭ apinh ih: ‘Lu nhôn pơm yoch, pơm tơdrong kơnê̆ pơm lơ tơdrong ưh kơ trŏ.’

Ne 9:17

Lu sư ưh kơ chu kiơ̆ păng ưh kơ 'blŏk dôm tơdrong mơsêh mơyang Ih đei pơm boih tŏk-bŏk lu sư; mă-lei lu sư arăng kơ̆l, lăm tơdrong lu sư pơm kơchu rơih chă minh 'nu bơngai pơm yŏng wă chông hơlơ̆k brŏk tơ dêh char Êyiptơ dơ̆ng mă đêl lu sư pơm đĭch. Mă-lei Ih boih Kră Yang 'Bok Kei-Dei huay kơ jô̆ yo băt kơ 'mêm mơnat, hiơ̆ kơ hil păng 'bĕnh hăm tơdrong 'mêm mơnat, Ih ưh kơ achăng lê̆ lu sư ôh.

Le 14:10

Wă lăp 'bôh Pharaôn păng lu linh dêh Êyiptơ druh wă tam đơ̆ng rŏng lu sư, na lu kon pơlei Isơrael hli dêh krao ôr apinh Kră Yang.

Jang 15:38

Mă-lei Pôl tơchĕng khan: “Ưh kơ trŏ kơ anhăk ba sư, yua kơ sư achăng lê̆ ba tơ dêh char Pamphili sơ̆ jing pă đei kiơ̆ ba bơtho tơdrong 'Bok Kei-Dei tơ pơlei nai.”

Jang 7:39

“Mă-lei lu kơdră bơ̆n sơ̆ ưh kơ chu kơ Môis ôh, ưh kơ wă kơ Môis pơgơ̆r lu sư. Lu sư 'maih wih tơ dêh Êyiptơ đĕch.

Both 17:16

Mă-lei pơtao ei 'nĕ kơ mah hiơ̆k dêh wă kơ đei aseh lơ, wă chông ba kon pơlei brŏk hơlơ̆k dơ̆ng tơ dêh Êyiptơ chă aseh; đơ̆ng Kră Yang khan: Lu iĕm 'nĕ pă wih brŏk dơ̆ng trong noh.

Both 20:8

Lu yŏng pơgơ̆r linh khan dơ̆ng hăm lu linh: Bơngai bu hli tơrơ? Brŏk bĕ tơ hnam sư, kơnh jơhngơ̆m 'nhŏng oh wang hơdai hli thoi sư mơ̆n,

Both 28:68

Kră Yang gô chông ba iĕm hăm duk hơlơ̆k brŏk tơ dêh Êyiptơ dơ̆ng; mă khan Sư đei pơkă hăm lu iĕm ưh pă đei layơ wă wih brŏk tơ noh dơ̆ng; lu iĕm gô tĕch akâu iĕm kơ lu bơngai ayăt pơm đĭch, đĭ drŏ-nglo dah drŏ-kăn, mă-lei ưh kơ đei bu wă răt.

Hêbrơ 11:27

Yua kơ sư đei đon lui, na sư jăk achăng lê̆ dêh Êyiptơ. Sư ưh kơ hli kơ 'bok pơtao hil kơ sư ôh, sư kư̆ kơ năm hloi, yua kơ sư dang lĕ 'bôh akâu 'Bok Kei-Dei mă bơ̆n ưh kơ 'bôh.

Lu 7:3

Thoi noh lei na ih roi bĕ kơ kon pơlei pơla khan: Bơngai bu hli tơtăm weh bĕ đơ̆ng kông Gileat na wih bĕ tơ hnam. Thoi noh đei 'bar-jĭt 'bar-rơbâu 'nu bơngai wih brŏk oei pă mơjĭt-rơbâu 'nu bơngai.