Le 12:40 - Sơ̆p Hlabơar Nơ̆r 'Bok Kei-Dei

⁴⁰ Kon pơlei Isơrael oei tơ lăm dêh Êyiptơ đunh đei puăn-hrĕng pêng-jĭt sơnăm.

Le 12:40 ပူးပေါင်းရင်းမြစ်များ

Bl 15:13

Na Kră Yang khan kơ Abram thoi âu: “Inh khan kơ ih tơpă lu adrĕch adrung ih gô oei tơ lăm minh pôm char ưh kơ trŏ char lu sư, oei tơ ei thoi tơmoi đĕch păng pơm đĭch đam kơ char noh, na char noh gô pơjuă pơđep lu sư lăm puăn-hrĕng sơnăm.

Bl 15:16

dĭng truh tơ jơhnơr tăl puăn lu adrĕch adrung ih gô wih brŏk hơlơ̆k tơ âu, yua kơ 'bơ̆t noh boih tơdrong yoch kon pơlei Amôrit tôm wă phak boih.”

Le 3:10

na dang ei, năm bĕ tơ âu, Inh wă wơh ih năm tơ Pharaôn, wă chông tơlĕch kon pơlei Inh, wă khan kon pơlei Isơrael lĕch đơ̆ng dêh Êyiptơ.

Jang 13:17

Inh roi gah tơdrong lu bơngai Isơrael. Lu bơngai Isơrael kơkuh kơ 'Bok Kei-Dei. 'Bok Kei-Dei rơih lu 'bok kơdră bơ̆n sơ̆. Na hơtai lu sư oei tơ dêh Êyiptơ thoi lĕ kơ tơmoi đĕch, mă-lei 'Bok Kei-Dei ăn kơ lu sư rai đunh rai lơ tơpă. Yua kơ Kră Yang 'Bok Kei-Dei pơm hăm tơdrong mơsêh mơyang Sư kơdih na Sư tơlĕch lu sư đơ̆ng dêh char Êyiptơ.

Jang 7:6

'Bok Kei-Dei pơkă kơ sư thoi âu: ‘Lu kon sâu ih gô oei tơ dêh đe puăn-hrĕng sơnăm, kon sâu ih gô oei tơ ei thoi tơmoi đĕch. Đe gô ayăt kơ lu sư, rôp lu sư pơm đĭch đam.’

Hêbrơ 11:9

Truh boih tơ dêh mă 'Bok Kei-Dei wă ăn kơ sư, mă-lei sư ưh kơ pơ̆n kơ iŏk ôh, yua kơ tam mă lăp kơ 'Bok Kei-Dei ăn, mă-lei sư kư̆ kơ lui kơ nơ̆r 'Bok Kei-Dei pơkă. Sư oei tơ noh hlŏng hloi, mă-lei thoi bơngai tơmoi đĕch. Hnam sư pơm păng tua-la-tăng, oei hơdai kon sâu sư Isăk, Jakôp mă 'Bok Kei-Dei kư̆m pơkă wă ăn kơ lu sư oei tơ noh.