Le 12:33 - Sơ̆p Hlabơar Nơ̆r 'Bok Kei-Dei

³³ Bơngai Êyiptơ pơpuh kon pơlei Isơrael lĕch đơ̆ng dêh sư mă tĕnh tĕnh, yua kơ lu sư khan: Lu nhôn gô lôch đĭ. Tơdah lu iĕm ưh kơ năm.

Le 12:33 ပူးပေါင်းရင်းမြစ်များ

Bl 20:3

Mă-lei kiơ̆ kơmăng, pơtao Abimêlek apo 'bôh Kră Yang 'Bok Kei-Dei khan kơ sư, “âu, ih gô lôch yua kơ bơngai drŏ-kăn mă ih rôp iŏk noh, yua kơ sư đei klo boih.”

Horiso 105:38

Bơngai Êyiptơ chhôk hal dêh kơ Isơrael weh năm, Yua kơ lu sư hli krưp dêh kơ bơngai Isơrael.

Le 10:7

Lu bơngai bơ̆jang kơ Pharaôn khan kơ sư. Truh dĭng dang yơ bơngai âu mă lê̆ hơ'năk hơđong kơ lu bơ̆n? Jah achăng lê̆ lu kon pơlei noh năm bĕ, wă kơ lu sư kơkuh kơ Kră Yang 'Bok Kei-Dei lu sư! Pơtao ưh tam băt hă dêh Êyiptơ đei tơdrong răm đĭ boih.

Le 11:1

Kră Yang khan kơ Môis: Inh gô ăn tơdrong truh dơ̆ng kơ Pharaôn păng dêh Êyiptơ; đơ̆ng noh sư gô achăng lê̆ lu iĕm năm. Mưh sư ăn kơ lu iĕm năm, sư kư̆m gô pơpuh lu iĕm lĕch đĭ đơ̆ng anih 'nâu.

Le 12:39

Lu sư pơm 'bĕng ưh kơ đei 'buih pông tơpŭng mă lu sư chĕp ba đơ̆ng dêh Êyiptơ. Tơpŭng ưh kơ đei hrâu 'buih pông ôh yua kơ đe puh lu sư hăt hot dêh lĕch đơ̆ng dêh Êyiptơ, ưh kơ gơh hiơ̆ păng kư̆m ưh kơ đei hơmet hiă lê̆ tơmam sa kơdih.

Le 6:1

Kră Yang pơma hăm Môis khan: Dang ei ih gô 'bôh dôm tơdrong Inh wă pơm kơ Pharaôn; yua đơ̆ng ti mơsêh mơyang Inh athei pơtao 'noh sư gô achăng kon pơlei păng puh tơlĕch hloi kon pơlei Isơrael đơ̆ng dêh sư.

Êsai 52:12

Lu iĕm weh lĕch ưh kơ mah hăt hot, kư̆m ưh kơ mah kơdâu klĕnh; Kră Yang gô năm adrol kơ lu iĕm păng Kră Yang 'Bok Kei-Dei Isơrael năm đơ̆ng rŏng wei-lăng iĕm.

Da 3:22

Đơ̆ng noh pơtao athei gơnhĕk dêh, mă ŭnh noh kư̆m tŏ hloh tơpă, na lu bơngai klơ̆m Sadrak, Mêsak, Abetnigo, noh ŭnh dơhlông sa lu sư kư̆m lôch đĭ.